Thema 6: Cynllunio Argyfwng

Beth mae adroddiad Cyfiawnder drwy ein Dewrder yn ei ddweud?

(Hon ydi’r adroddiad gafodd ei chyhoeddi yn dilyn ymchwiliad Bwrdd Diogelu Gogledd Cymru i droseddau y cyn-bennaeth. (Gweld yr adroddiad)

• Nid oedd cynllun argyfwng gan yr ysgol, lle bu i’r cyn-bennaeth gam-drin disgyblion. 

• Nid oedd yn glir beth oedd angen ei wneud gan fod yr argyfwng yn ymwneud â’r pennaeth. 

• Ni chafodd yr heddlu eu galw ar unwaith pan roedd un o ddisgyblion yr ysgol mewn perygl. 

• Ni chafodd y cyn-bennaeth ei atal rhag dod i’r ysgol pan gafodd staff wybod am y drosedd.

Beth sydd wedi digwydd yn barod i wella pethau? 

• Mae tîm o fewn y Cyngor wedi cyfarfod er mwyn adolygu’r cynllun argyfwng. 

• Sgyrsiau efo aelodau staff allweddol i ddeall be aeth o’i le ar ddiwrnod yr arest a sut i wella trefniadau i'r dyfodol. 

• Adolygu trefniadau rhannu gwybodaeth sydd eisoes ar waith yn y maes diogelu a chynllunio at argyfyngau i weld os oes angen eu cryfhau.  

Beth fydd yn digwydd rhwng mis Ionawr 2026 a mis Gorffennaf 2026? 

Bydd Cyngor Gwynedd yn.... 

• Cyd-weithio gyda’r Heddlu er mwyn gwneud yn siŵr bod trefniadau cadarn mewn lle pe bai sefyllfa argyfwng diogelu yn codi yn y dyfodol. 

• Paratoi adnodd hyfforddi ar sut i ymateb i argyfyngau diogelu.  

Beth fydd Cyngor Gwynedd yn ei wneud erbyn mis Chwefror 2027

• Bydd staff yn derbyn hyfforddiant ar sut i ddelio efo argyfwng diogelu. 

• Bydd y Cyngor yn gweithio gyda gwahanol wasanaethau ac awdurdodau lleol eraill drwy’r Bwrdd Cynllunio Argyfwng Rhanbarthol. 

Sut fydd Cyngor Gwynedd yn mesur effaith y newidiadau

• Canran staff y Cyngor sydd wedi mynychu hyfforddiant cynllunio argyfwng.

• Canran ysgolion Gwynedd sydd wedi mabwysiadu Polisi Rheoli Argyfwng.

• Nifer archwiliadau boddhaol o gynlluniau argyfwng ar safleoedd y Cyngor.

Yn ôl i brif dudalen Bwrdd Rhaglen Cynllun Ymateb