Thema 2: Rheoli Honiadau a Phryderon am Oedolion sy'n gweithio gyda Phlant

Amddiffyn plant drwy sicrhau bod unrhyw bryderon diogelu yn cael eu cymryd o ddifri ac yn cael sylw’n gyflym.

Gwneud yn siŵr bod Cyngor Gwynedd, Yr Heddlu a’r Bwrdd Iechyd yn gweithio gyda’i gilydd wrth ymateb i bryderon am oedolion sy’n gweithio gyda phlant.

(Hon ydi’r adroddiad gafodd ei chyhoeddi yn dilyn ymchwiliad Bwrdd Diogelu Gogledd Cymru i droseddau y cyn-bennaeth. (Gweld yr adroddiad)

Roedd hi’n anodd dod o hyd i’r ffurflen ar gyfer cyfeirio pryderon diogelu ar y wefan, ac roedd y ffurflen yn anodd i’w ddefnyddio.
Ni wnaeth gweithwyr proffesiynol adrodd am eu pryderon.
Ni chafodd gwybodaeth ei rannu gyda gweithwyr proffesiynol yn y ffyrdd cywir nac ar yr adeg iawn.
Nid oedd pob gweithiwr proffesiynol yn deall y maes yn ddigonol, nac yn deall beth oedd angen ei wneud i ymateb i bryderon diogelu.
Nid oedd gwybodaeth diogelu blaenorol yn cael ei ystyried bob tro wrth wneud penderfyniadau.

Roedd cynghorau yn anghytuno ar beth ddylai ddigwydd pan oedd pryderon am faterion diogelu yn codi. Nid oedd y bobl iawn yn mynd i’r cyfarfodydd i drafod diogelu ac nid oedd penderfyniadau bob amser yn cael eu rhannu.

Mae’r daflen sy’n cael ei ddefnyddio i gofnodi trafodaethau a chyfarfodydd diogelu (‘Strategaeth Rhan 5’) wedi newid. Erbyn hyn, mae unrhyw wybodaeth diogelu blaenorol neu hanesyddol am y plentyn yn cael ei gofnodi a’i rannu.
Mae’r ffurflen ar gyfer cyfeirio honiadau o gamdriniaeth bellach ar gael yn fwy amlwg ar wefan y Cyngor ar y dudalen Cam-drin Plant
Mae’r Cyngor wedi gwneud yn siŵr bod pob ysgol yn y sir wedi derbyn copi o’r ffurflen ar gyfer cyfeirio honiadau o gamdriniaeth.
Mae’r Cyngor wedi addasu trefniadau fel nad ydi’r cyfrifoldeb am benderfyniadau diogelu yn disgyn ar un gweithiwr yn unig. Mae pob cyfeiriad yn cael ei ddarllen gan y Tîm Derbyn Cyfeiriadau, gyda sgwrs wedyn yn cael ei chynnal gyda’r Swyddogion Diogelu.
Creu Tîm Diogelu a Llesiant i ymweld a chefnogi ysgolion.

Bydd Cyngor Gwynedd yn:

Gwneud yn siŵr bod gan y Gwasanaeth Adnoddau Dynol restr o staff Cyngor Gwynedd sydd wedi bod yn destun pryderon diogelu (drwy’r drefn sydd yn cael ei hadnabod fel ‘Rhan 5’).
Gweithio gyda Heddlu Gogledd Cymru i edrych ar ffyrdd o gryfhau’r cyd-weithio.
Recriwtio Swyddog Dynodedig Diogelu (Designated Officer for Safeguarding neu DOS) ychwanegol i helpu efo’r gwaith o dderbyn pryderon am gam-drin plant.
Cyflwyno trefniadau cydweithio cryfach rhwng gweithwyr Adran Plant a gweithwyr Adran Addysg Cyngor Gwynedd.

Bydd trefn newydd ar gyfer gwirio bod y gwaith mae’r Adran Plant a Chefnogi Teulu yn ei wneud o ansawdd. Fel rhan o’r drefn newydd, bydd disgwyliad i’r Cyngor adolygu pa swyddogion sy'n mynychu trafodaethau diogelu (strategaeth “Rhan 5”) ac ansawdd y cofnodion sy’n cael eu cadw wrth wneud penderfyniadau am ddiogelu.
Ei gwneud yn haws i adrodd pryder drwy greu ffurflen gyfeirio ddigidol ar wefan y Cyngor, fel nad oes rhaid lawrlwytho ffurflen PDF a’i hanfon dros e-bost. Mae cynllun ehangach hefyd ar waith i gyflwyno un ffurflen gyfeirio genedlaethol ar gyfer holl gynghorau Cymru.

Adolygiad rheolaidd gan y Bwrdd Diogelu Rhanbarthol o'r cyfeiriadau diogelu plant ("Rhan 5") sy'n cael eu gwneud.
Casglu, dadansoddi ac adrodd ar dystiolaeth o hyder staff sydd yn ymwneud â phenderfyniadau diogelu (“Rhan 5”).