Help i dalu am ofal plant

Mae'n bosib y gallwch gael help i dalu am ofal plant os ydych yn defnyddio darpariaeth gofal plant sydd wedi cofrestru, er enghraifft

gwarchodwr plant, meithrinfa, cylchoedd meithrin, cynllun chwarae neu glwb
gwarchodwr plant gydag asiantaeth gwarchod plant gofrestredig neu asiantaeth gofal plant

Cynllun gofal plant di-dreth: Help gyda chostau gofal plant i deuluoedd sy’n gweithio.
Dechrau'n Deg: Mae hyd at 12.5 awr o ofal plant ar gael ar gyfer plant rhwng 2-3 oed am ddim yn ystod y tri thymor ysgol os yn byw mewn ardal Dechrau’n Deg. Defnyddiwch y gwiriwr cod post i weld os ydych chi'n gymwys am y cynllun ai peidio.
Cynnig Gofal Plant Cymru: Gall rhieni i blant 3 a 4 oed sy’n gweithio ac sy’n gymwys gael hyd at 30 awr o addysg a gofal plant.
Credyd Treth Plant: Help i deuluoedd sy’n gweithio ac sydd ar incwm isel.
Credyd Treth Gwaith: Help i deuluoedd sy’n gweithio ac sydd ar incwm isel.
Credyd Cynhwysol: Budd-dal ar gyfer pobl heb waith neu ar incwm isel.
Cyllid Myfyrwyr Cymru: Mae’n bosib y gall myfyrwyr mewn addysg uwch sy’n gymwys hawlio cymhorthdal gofal plant yn ddibynnol ar y cwrs maen’t yn ei wneud.
Mae hefyd yn bosib y gall myfyrwyr mewn addysg bellach yng Nghymru hawlio cymorth gyda chostau gofal plant gan y Gronfa Wrth Gefn Ariannol. Gofynnwch am wybodaeth yn swyddfa cymorth i fyfyrwyr eich coleg.
Rhieni, gofal plant a chyflogaeth (PaCE): Cymorth i rieni cymwys sydd heb waith ac sy’n ei chael hi’n anodd dechrau hyfforddiant neu waith oherwydd gofal plant.
Credydau Yswiriant Cenedlaethol: Os ydych yn daid neu’n nain neu aelod arall o’r teulu yn gofalu am blentyn o dan 12 oed, fel arfer tra bo’r rhiant neu’r prif ofalwr yn gweithio.

Am gyngor pellach cysylltwch a Gwasanaeth Gwybodaeth i Deuluoedd: