Tai gwag

Gall tai sy’n wag achosi niwsans a difrod i dai cyfagos. Maent hefyd yn wastraff oherwydd gallent gael eu defnyddio fel cartrefi.

Gallwn roi cyngor i berchnogion tai gwag i’w helpu i wneud y tŷ’n addas i’w ddefnyddio eto.

Os yw’r perchennog yn gwrthod dod â’r tŷ’n ôl i ddefnydd neu’n peidio â thrwsio’r tŷ, gall y Cyngor: 

• roi rhybudd i’r perchennog wneud y gwaith, a gwneud y gwaith ei hun os nad yw’r perchennog yn gwneud hynny
• gorfodi gwerthu’r tŷ i ad-dalu rhai dyledion i’r Cyngor.

Pa help sydd ar gael gyda thai gwag?

• Cynllun Troi Tai’n Gartrefi Llywodraeth Cymru: Benthyciadau di-log dros dair blynedd i alluogi pobl i adnewyddu, gwella ac addasu tai i gael eu defnyddio fel cartrefi. Rhaid i eiddo fod wedi bod yn wag am 6 mis neu fwy. Gellir cael hyd at £25,000 ar gyfer tŷ unigol; £150,000 yw’r benthyciad uchaf posib ar gyfer pob ymgeisydd.
  Ffurflen datgan diddordeb troi tai'n gartrefi

• Cynllun benthyciad blaendal morgais ar gyfer prynu am y tro cyntaf: Cynllun yw hwn i gynnig benthyciadau i gwrdd a gofyn blaendal gan ddarparwyr morgeisi ar gyfer rhai sydd yn prynu am y tro cyntaf. Mae’r pwyslais ar gynorthwyo i ddod ag eiddo gwag yn ôl i ddefnydd drwy gynorthwyo prynwyr lleol am y tro cyntaf i brynu eiddo gan ddod yn rhan o’r farchnad dai leol.
  Ffurflen Gais benthyciad blaendal morgais

• Grantiau Cartrefi Gwag: Rhaid i ymgeiswyr gytuno ag amodau penodol ynghylch pwy fydd yn byd yn yr eiddo yn y dyfodol. Mae uchafswm o £10,000 ar gael, i helpu gyda hyd at 75% o’r costau adnewyddu.
  Ffurflen gais grant eiddo Gwag
  Amodau grant eiddo gwag
• TAW: Gall y Cyngor helpu i ostwng neu gael gwared ar y TAW ar yr holl ddeunyddiau a ddefnyddir wrth adnewyddu tŷ gwag. Os yw eiddo wedi bod yn wag rhwng 2 a 10 mlynedd, daw’r TAW ar y deunyddiau i lawr i 5%. Os yw eiddo wedi bod yn wag am dros 10 mlynedd, gellir gostwng y TAW i 0%.
• Grant rheoli prosiect tai gwag: Grant dewisol i berchnogion eiddo gwag sy'n derbyn naill ai grant neu fenthyciad gan y Cyngor.
• Cynllun Benthyciadau Gwella Cartref Llywodraeth Cymru: Benthyciadau di-log o £1,000 i £25,000 i gynorthwyo perchnogion eiddo sydd angen gwaith adnewyddu. Ar gael i Perchnogion Preswyl, Landlordiaid, Datblygwyr ac Elusennau i gynorthwyo gyda gwneud cartref yn gynnes a diogel. Mae’r benthyciadau yn cynnwys ffi weinyddol o 15% y gellir ei ychwanegu at y benthyciad. Tymor benthyciad am Perchennog Preswyl yw 7 mlynedd, 5 mlynedd i Landlordiaid / Cwmnïau. Gall benthyciadau Perchnogion Preswyl cael ei ymestyn i 10 mlynedd.
  Ffurflen Gais Cynllun Benthyciadau Gwella Cartref Llywodraeth Cymru

Cysylltwch â’r Tîm Tai Gwag

• Ffôn: 01341 424371
• E-bost:taigwag@gwynedd.llyw.cymru