Ymgynghoriad Strategaeth Wastraff ac Ailgylchu

Rydym eisiau clywed eich barn chi ar Strategaeth Wastraff ac Ailgylchu Cyngor Gwynedd (drafft).

Y strategaeth hon fydd yn siapio gwasanaethau gwastraff lleol Gwynedd hyd at y flwyddyn 2030. Ei phrif amcanion ydi:

• Lleihau faint o wastraff sy'n cael ei gynhyrchu gan ein trigolion a busnesau
• Annog pobl i ail-ddefnyddio a thrwsio pethau cyn eu taflu
• Ailgylchu, ailddefnyddio a chompostio o leiaf 70% o’r gwastraff a gynhyrchir i gyflawni targedau’r Llywodraeth
• Darparu Gwasanaeth Casglu Gwastraff ac Ailgylchu o ansawdd uchel ble mae diogelwch, lles a gwerthoedd ein staff, yn ogystal â gofal a bodlonrwydd cwsmeriaid, yn rhan annatod o'n hegwyddorion craidd
• Creu Gwasanaeth Gwastraff sy'n garbon niwtral (e.e. defnyddio cerbydau allyriadau carbon isel a lleihau gwastraff yn gyffredinol)
• Buddsoddi yn ein safleoedd trin gwastraff er mwyn gallu delio efo mwy o wastraff yn lleol.

Gweld Strategaeth Wastraff ac Ailgylchu Cyngor Gwynedd (drafft)

 

Rhoi eich barn

Llenwch yr arolwg er mwyn rhoi gwybod i ni:

• beth yw eich barn am Strategaeth Wastraff ac Ailgylchu Cyngor Gwynedd (drafft)
• pa wasanaethau Gwastraff ac Ailgylchu rydych yn eu defnyddio ar hyn o bryd a beth yw eich barn amdanynt
• am unrhyw syniadau sydd gennych er mwyn datblygu a gwella'r gwasanaethau yn y dyfodol.
  

Arolwg ar-lein: Strategaeth Wastraff Cyngor Gwynedd

 

Mae copïau papur o'r arolwg a chopiau hawdd eu darllen ar gael yn y dair Siop Gwynedd (Caernarfon, Pwllheli a Dolgellau) ac ym mhob llyfrgell yn y sir. 

I ofyn am gopi papur neu gopi hawdd ei ddarllen drwy’r post, ffoniwch 01766 771000.  

 

Dyddiad cau yr arolwg: 30 Tachwedd 2025