Eiddo Gwag - adfywio

Mae ymateb i’r her o eiddo gwag yn amcan strategol a blaenoriaeth gan Gyngor Gwynedd. Mae’r Cyngor wedi ymrwymo i adfywio canol trefi a chryfhau cymunedau drwy ddod ag adeiladau gwag yn ôl i ddefnydd. 

Mewn ymateb i hyn mae Grŵp Traws-Adrannol wedi ei sefydlu gyda chynrychiolwyr o wasanaethau allweddol y Cyngor ac Awdurdod Parc Cenedlaethol Eryri. Nod y grŵp yw cydlynu ymdrechion i ddod ag eiddo gwag yn ôl i ddefnydd a gwella’r amgylchedd. 

Mae swyddogaethau’r Grŵp yn cynnwys

  • Sefydlu trefniadau trawsadrannol i fynd i’r afael ag eiddo gwag
  • Blaenoriaethu rhestr o safleoedd a chytuno ar gamau gweithredu
  • Cynnal chynadleddau achos i benderfynu ar ymyraethau priodol
  • Rhannu gwybodaeth, ymarfer da a newidiadau deddfwriaethol
  • Cryfhau’r cyswllt gyda perchnogion eiddo i adnabod cyfleoedd a rhwystrau er mwyn gallu ymateb i’r rhain


Rhestr Contractwyr

Rydym wedi ymrwymo i adfywio canol trefi ac yn awyddus i gefnogi perchnogion eiddo i wella neu ddod ag adeiladau yn ôl i ddefnydd. Rydym wedi llunio rhestr o gontractwyr a chrefftwyr profiadol y gellir eu hystyried ar gyfer gwaith cynnal, adnewyddu neu addasu eiddo.

Gweld cofrestr contractwyr Gwynedd

(Rydym yn argymell eich bod yn darllen yr ymwadiad yn ofalus cyn bwrw ymlaen â’r rhestr hon.)

Ymuno â'r rhestr contractwyr

Os ydych yn dymuno ychwanegu manylion eich cwmni ar y gofrestr contractrwyr, cysylltwch â ni: 

 

Ymyraethau Eiddo Gwag

Wrth ymateb i’r her o eiddo gwag mae amrediad o ymyraethau posibl ac mae’r Grŵp Traws-Adrannol wedi mabwysiadu model gweithredu Llywodraeth Cymru sy’n  cynnwys y categorïau canlynol:

  • Darparu gwybodaeth a chyngor cyffredinol
  • Cefnogaeth dechnegol a chyngor arbenigol
  • Cefnogaeth ariannol – grantiau neu fenthyciadau
  • Rhybudd neu fygythiad o gamau gorfodaeth
  • Ad-ennill dyledion sy’n gysylltiedig â’r eiddo
  • Gorfodaeth ffurfiol (fel cam olaf)

Data Eiddo Gwag

Mae’r Cyngor wedi datblygu proffil data ar gyfer canol trefi Gwynedd. Mae’r proffiliau hyn yn cynnig darlun o sefyllfa presennol trefi Gwynedd – gan gynnwys data ar boblogaeth, defnyddiau adeiladau ac eiddo gwag.

Gweler linc i’r proffiliau isod: 

Nid yw'r ddogfennau ar y dudalen hon yn hygyrch i bob defnyddiwr. Er mwyn derbyn copi mewn fformat gwahanol, cysylltwch â ni: adfywio@gwynedd.llyw.cymru

 

 

Oes gennych chi eiddo gwag yng Ngwynedd? 

Am ymholiadau yn ymwneud ag eiddo masnachol canol tref cysylltwch â:

Am ymholiadau busnes yn gyffredinol cysylltwch â:

Am Gymorth Ariannol ewch: 

Am gyngor neu wybodaeth am Reoliadau Adeiladu, cysylltwch â:

Am ymholiadau sydd yn ymwneud ag eiddo preswyl cysylltwch â: