Mae’r hysbysiad preifatrwydd a ganlyn yn berthnasol i’r gwasanaeth iechyd meddwl o fewn Adran Oedolion, Iechyd a Llesiant a ddarperir gan Gyngor Gwynedd. Dylid ei ddarllen yn ychwanegol â’r datganiad preifatrwydd gwasanaethau Oedolion, Iechyd a Llesiant.
Pwrpas dros brosesu eich gwybodaeth?
Rydym angen prosesu eich gwybodaeth er mwyn:
- darparu triniaeth a gofal i bobl ag anghenion iechyd meddwl tymor byr neu anghenion tymor hir mwy cymhleth
- helpu unigolion i gael cymorth personol tymor hir i'w helpu i fyw mor annibynnol â phosib
- cynnig cyngor a rhannu manylion cyswllt sefydliadau defnyddiol
- cefnogi gofalwyr
Cyfiawnhad dros Gasglu a Chofnodi Gwybodaeth Bersonol
Bydd gwasanaeth iechyd meddwl yn casglu’r wybodaeth bersonol am ei fod yn rhan o’n tasg gyhoeddus o dan Erthygl 6(e) UK GDPR
- Deddf Gwasanaethau Cymdeithasol a Llesiant (Cymru) 2014
- Deddf Iechyd Meddwl,
- Mesur Iechyd Meddwl,
- Deddf Capasiti Meddwl 2005
Ar gyfer gwybodaeth sensitif, ein sail gyfreithiol ydi’r angen i ddarparu gwasanaethau iechyd a gofal cymdeithasol (Erthygl 9(h) UK GDPR)
Gwybodaeth y gallwn ei gasglu
- Dyddiad geni, enw, cyfeiriad, manylion teuluol
- Manylion ffôn
- Cyfeiriad e-bost
- Rhif Yswiriant Gwladol (mewn rhai achosion)
- Rhif Cyfeirnod personol e.e. rhif Gwasanaeth Cymdeithasol, rhif Gwasanaeth Iechyd
- Manylion teulu (Mewn achosion pan nad oes gan y defnyddiwr gwasanaeth allu meddyliol, a Benodwyd a/neu rhai gydag Atwrneiaeth Arhosol.)
- Ffordd o fyw ac amgylchiadau cymdeithasol
- Ymddangosiad personol ac ymddygiad
Mae’n bosibl y byddwn hefyd yn prosesu gwybodaeth sensitif (categori arbennig), sy’n berthnasol i achosion unigol, ar gyfer darparu gwasanaethau iechyd meddwl, a allai gynnwys rhai o’r canlynol, ymhlith eraill:
- Manylion iechyd corfforol a/neu iechyd meddwl
- Tarddiad hiliol neu ethnig
- Credoau crefyddol neu gredoau eraill
- Troseddau (gan gynnwys troseddau honedig), achosion troseddol, canlyniadau a dedfrydau
- Ymlyniad gwleidyddol / barn
- Tueddfryd Rhywiol
Cedwir y cofnodion ar bapur neu ar gyfrifiadur. Cânt eu trin yn gyfrinachol a’u dal yn ddiogel bob amser.
Gyda phwy y byddwn yn rhannu’r wybodaeth?
Mewn rhai amgylchiadau, bydd yn rhaid i’r Cyngor rannu eich gwybodaeth gyda phartneriaid allanol a thrydydd sector os yw’n berthnasol i’r ddarpariaeth gofal. Mae’r rhain yn cynnwys ond heb eu cyfyngu i’r canlynol:
- Bwrdd Iechyd Prifysgol Betsi Cadwaladr
- Meddygon Teulu
- Darparwyr annibynnol
- Darparwyr trydydd sector
Caiff gwybodaeth ei rhannu mewn achosion o wir angen, ble gallwn wella ar y gwasanaeth sydd yn cael ei gynnig i’r unigolyn. Ni chaiff y wybodaeth ei rhannu felly oni bai fod angen cyfreithiol i wneud. Ni fyddwn yn trosglwyddo eich gwybodaeth i wlad arall.
Pa mor hir fyddwn yn cadw eich gwybodaeth?
Bydd y gwasanaeth yn cadw eich gwybodaeth dim ond cyhyd ag sy’n angenrheidiol. Bydd hyn fel rheol yn isafswm o ugain mlynedd yn dilyn cwblhau cysylltiad gyda’r gwasanaeth iechyd meddwl neu wyth mlynedd o ddyddiad marwolaeth defnyddiwr gwasanaeth (nid ydynt yn dinistrio'r ffeiliau yma gan fod embargo arnynt). Pe byddai cyswllt yn ail gychwyn gyda’r gwasanaeth, bydd y dyddiad yn ail gychwyn. Mae gennym restr o gyfnodau cadw ar gyfer gwaith yr Adran. Am wybodaeth bellach cysylltwch â’r Swyddog Gwybodaeth os gwelwch yn dda.
Ar ôl y cyfnod cadw, bydd eich gwybodaeth yn cael ei gwaredu’n ddiogel.
Bydd holl ffeiliau papur yn cael eu cadw gan y Gwasanaeth Iechyd Meddwl, Bwrdd Iechyd.
Allwch chi weld pa wybodaeth mae’r gwasanaeth yn ei chadw amdanoch?
Mae gennych hawl i ofyn am yr holl wybodaeth bersonol mae’r gwasanaeth yn ei chadw amdanoch. Mewn rhai amgylchiadau, ni fyddwn yn gallu gadael i chi weld y wybodaeth, neu ran ohoni, oherwydd:
- ei bod yn cynnwys gwybodaeth gyfrinachol am bobl eraill;
- neu fod gweithiwr proffesiynol yn credu y byddai’n achosi niwed difrifol i les corfforol neu feddyliol yr unigolyn neu rywun arall
Os na allwn roi mynediad i chi at eich gwybodaeth byddwn yn egluro’r rheswm dros wrthod.
Sut ydw i’n gwneud cais i weld y wybodaeth mae’r Adran yn ei chadw amdanaf?
- Lawrlwythwch y ffurflen gais mynediad i wybodaeth bersonol
- Anfonwch lythyr neu e-bost atom
- Holwch ar lafar
Fel arfer, byddwn yn gofyn i chi ddarparu prawf i brofi pwy ydych chi.
Unwaith y byddwn wedi derbyn prawf o’ch hunaniaeth, fe wnawn wedyn brosesu’ch cais mewn 1 mis, neu mae gennym hawl i ymestyn y cyfnod hwn i 2 fis os yw’r cais yn swmpus neu’n gymhleth.
Sut i gysylltu â ni?
Am fwy o wybodaeth, neu os ydych yn dymuno derbyn ffurflen gais ar e-bost neu yn y post, cysylltwch â ni ar y manylion isod:
Swyddog Gwybodaeth Adran Oedolion, Iechyd a Llesiant
- Ffôn: 01286 679 223
- E-bost: gcgc@gwynedd.llyw.cymru
- Cyfeiriad: Swyddog Gwybodaeth, Adran Oedolion, Iechyd a Llesiant, Cyngor Gwynedd, Stryd y Jêl, Caernarfon, LL55 1SH
Sut i gael mwy o wybodaeth am eich hawliau?
Am fwy o wybodaeth, ewch i’r dudalen Datganiadau Preifatrwydd a Chwcis.