Cyfnod yr ymgynghoriad: 20 Mai - 26 Gorffennaf 2026
Pwrpas yr ymgynghoriad
Yn dilyn penderfyniad mewn cyfarfod o Gyngor Llawn Cyngor Gwynedd ar 14 Mai 2026 (yn agor mewn tab newydd), mae Cyngor Gwynedd yn mynd ymlaen i ymgynghori ar y posibilrwydd o gyflwyno Ardoll Ymwelwyr yn y sir.
Rydym eisiau eich barn fel trigolion, busnesau, ymwelwyr neu randdeiliaid er mwyn eu hystyried yn ein trafodaethau.
Nid yw Cyngor Gwynedd wedi gwneud penderfyniad eto ynghylch cyflwyno ardoll yn lleol, ond mae'r dogfennau perthnasol ar y dudalen hon yn egluro sut gallai Ardoll gael ei weithredu yn lleol.
Beth yw'r Ardoll Ymwelwyr?
Bydd yr ardoll yn dâl dyddiol a delir gan bobl sy'n aros dros nos mewn llety i ymwelwyr, megis gwestai, bythynnod gwyliau, llety gwely a brecwast, a meysydd gwersylla. Ei nod yw cefnogi cymunedau, diwylliant a’r iaith Gymraeg, busnesau, cyfleusterau a’r amgylchedd leol trwy ail fuddsoddi’r incwm yn ôl yn yr ardal.
Gweld mwy o wybodaeth gefndirol am yr ardoll ymwelwyr
Cyfraddau'r ardoll
- Maes gwersylla pebyll a llofftydd a rennir (hosteli a dorm): £0.75 y person y nos (£0.90 yn cynnwys TAW)
- Pob math arall o lety gwyliau (carafán, cartref modur hunan-ddarpar, gwely a brecwast, gwesty, ayyb.): £1.30 y person y nos (£1.56 yn cynnwys TAW)
Eithriadau i'r ardoll
Ni fyddwch yn talu'r ardoll ymwelwyr os ydych chi:
- o dan 18 oed ac yn gwersylla mewn pabell neu'n aros mewn ystafell a rennir gydag eraill (fel llety math hostel neu ystafelloedd aml-wely)
- yn aros mwy na 31 noson ar un archeb
- yn aros mewn llety brys neu dros dro a drefnwyd gan y cyngor lleol
Dogfennau perthnasol
- Cynnig Ardoll Gwynedd (yn agor mewn tab newydd)
- Asesiad Economaidd
- Asesiad Cydraddoldeb
- Asesiad Cyfansawdd
- Asesiad Amgylcheddol
- Asesiad Cymdeithasol
Dweud eich dweud
Mae'n bwysig eich bod yn darllen yr holl ddogfennau perthnasol uchod cyn i chi roi eich barn drwy gwblhau'r holiadur.
Holiadur ar-lein: Rhoi eich barn (yn agor mewn tab newydd)Bydd copïau papur ar gael yn llyfrgelloedd a Siopau Gwynedd y sir.
I dderbyn copi papur drwy'r post, cysylltwch â ni:
- 01766 771000
- ardollymwelwyr@gwynedd.llyw.cymru
Dyddiad cau: 26 Gorffennaf, 2026
Sesiynau rhannu gwybodaeth
Bydd sesiynau rhanddeiliaid yn cael eu cynnal yn ystod yr ymgynghoriad
| Dyddiad ac amser | Lleoliad | Archebu lle & mwy o wybodaeth |
|---|---|---|
| Dydd Mercher 24 Mehefin, 17:00 -19:00 | Ar-lein | Digwyddiad wedi dod i ben *Roedd cynrychiolwyr Awdurdod Cyllid Cymru (ACC) yn bresennol yn y sesiwn hon. |
| Dydd Llun, 15 Mehefin 15:00 | Galeri Caernarfon | Digwyddiad wedi dod i ben |
| Dydd Iau, 18 Mehefin 17:00 | Neuadd Goffa, Cricieth | Digwyddiad wedi dod i ben |
| Dydd Gwener, 3 Gorffennaf 13:45 | Y Llyfrgell Rydd, Dolgellau | Digwyddiad wedi dod i ben *Roedd cynrychiolwyr Awdurdod Cyllid Cymru (ACC) yn bresennol yn y sesiwn hon. |
Sesiynau galw heibio
| Dyddiad ac amser | Lleoliad | Manylion |
|---|---|---|
| Dydd Llun, 6 Gorffennaf 2026 10:00-12:00 | Prince Llywelyn, Beddgelert | Digwyddiad wedi dod i ben |
| Dydd Llun, 6 Gorffennaf 2026 14:00-16:00 | Y Ganolfan, Llanberis | Digwyddiad wedi dod i ben |
| Dydd Mercher, 8 Gorffennaf, 2026 10:00-12:00 | Neuadd Dyfi, Aberdyfi | Digwyddiad Aberdyfi (yn agor mewn tab newydd) |
| Dydd Mercher, 8 Gorffennaf, 2026 14:00-16:00 | Byw’n Iach, Bala | Digwyddiad Bala (yn agor mewn tab newydd) |
| Dydd Gwener, 10 Gorffennaf, 2026 10:00-12:00 | Neuadd Abersoch | Digwyddiad Abersoch (yn agor mewn tab newydd) |
| Dydd Gwener, 10 Gorffennaf, 2026 14:00-16:00 | Neuadd Dwyfor, Pwllheli | Digwyddiad Pwllheli (yn agor mewn tab newydd) |
Nid oes angen i chi archebu lle, dewch draw ar y diwrnod am sgwrs neu gymorth ynghylch yr ymgynghoriad.
Byddwn yn rhannu diweddariadau drwy’r Bwletin Busnes (yn agor mewn tab newydd) ac ar y dudalen we hon.
Gallwch hefyd gofrestru i fod yn rhan o Bartneriaeth Gwynedd ac Eryri, lle bydd diweddariadau am yr ardoll ymwelwyr yn cael eu darparu drwy e-bost ac yn ystod cyfarfodydd y bartneriaeth pan fo’n berthnasol.