Gostyngiadau ac eithriadau

Dyma amlinelliad o'r gwahanol ostyngiadau/ eithriadau sydd ar gael.

Os nad ydych yn derbyn gostyngiad ond yn meddwl eich bod yn gymwys, cysylltwch â ni:

Holi am ostyngiadau / eithriadau


Gostyngiad person sengl

Mae bil Treth Cyngor llawn wedi ei selio ar y dybiaeth fod 2 oedolyn yn byw yn yr eiddo.  Os mai dim ond 1 oedolyn sy'n byw yn eich cartref, byddwch yn derbyn gostyngiad o 25% yn y bil.

Hawlio / stopio hawlio disgownt person sengl

 

Gostyngiad ar gyfer unigolion sy’n cael eu diystyru wrth gyfrifo Treth Cyngor

Bydd rhai yn derbyn gostyngiad am nad ydyn nhw, neu eraill sy'n byw gyda nhw, yn cael eu hystyried wrth gyfrifo faint o oedolion sy’n byw mewn eiddo - er enghraifft myfyrwyr, cleifion mewn ysbyty, pobl ag anabledd dysgu. Os yw pawb sy'n byw yn yr eiddo yn cael eu diystyru at bwrpas cyfrifo Treth Cyngor, gall y gostyngiad fod hyd at 50%.

 

Gostyngiad Anabledd

Mae'n bosib derbyn gostyngiad os oes ystafell (neu le ychwanegol) yn eich cartref wedi ei addasu'n arbennig ar gyfer person anabl, a sy'n cael ei ddefnyddio gan yr unigolyn hwnnw’n bennaf. Er enghraifft, ystafell ymolchi ychwanegol, ail gegin, neu ystafell hanfodol arall sy'n gysylltiedig â'r anabledd. Ni fydd gostyngiad os mai'r unig ran o'ch cartref sydd wedi ei addasu yw eich cegin, ystafell ymolchi neu’r toiled arferol.



Eithriadau rhag talu: Eiddo ble mae rhywun yn byw yno

Rhestr o'r gwahanol ddosbarthiadau o eithriadau:

  • eiddo gyda dim ond myfyrwyr yn byw ynddo dosbarth N)
  • neuaddau preswyl i fyfyrwyr (dosbarth M)
  • eiddo sy'n perthyn i'r Ysgrifennydd Gwladol dros Amddiffyn ac sy'n cael ei gadw i letya'r Lluoedd Arfog (dosbarth O)
  • eiddo mae aelodau lluoedd arfog tramor yn byw ynddo (dosbarth P)
  • eiddo a rhai o dan 18 oed yn unig yn yw ynddo (dosbarth S)
  • eiddo gyda dim ond rhywun/rywrai sydd ag anableddau dysgu/anhwylder iechyd meddwl yn byw ynddo (dosbarth U)
  • eiddo sy'n brif breswylfa person sydd ddim yn ddinesydd Prydeinig a sydd â breintiau diplomydd, a fyddai yn gyfrifol am y dreth cyngor heblaw am yr eithriad hwn (dosbarth V)
  • eiddo sy'n rhan o eiddo unigol (e.e. estyniad henoed) ag sydd yn cael ei feddiannu gan berthynas sy'n byw yn y rhan arall. Ystyrir perthynas i fod yn ddibynnol os yw:  yn 65 mlwydd oed, ag anableddau dysgu/anhwylder iechyd meddwl, NEU yn anabl (dosbarth W)

 

Eithriadau rhag talu: Eiddo gwag/heb ei feddiannu 

Rhestr o'r gwahanol ddosbarthiadau o eithriadau:

  • eiddo heb ei ddodrefnu nad oes neb yn byw ynddo – angen gwelliannau mawr neu newidiadau i'w adeiladwaith (mae'n bosib yn bydd y gwaith hwnnw yn mynd ymlaen ar y pryd). Cyfyngir y gwaith i 12 mis hyd yn oed os nad oes gwaith wedi ei wneud i'r eiddo. (Bydd eiddo'n eithriedig am 6 mis ar ôl i'r gwaith orffen, fodd bynnag ddim ond hyd at 12 mis o eithrio yn gyfangwbl.) (dosbarth A)
  • eiddo heb ei feddiannu sy'n perthyn i elusen, a'r elusen oedd yr olaf i ddefnyddio'r eiddo (eithriedig am 6 mis) (dosbarth B)
  • eiddo heb ei ddodrefnu'n llawn a heb neb yn byw ynddo (eithriedig am 6 mis) (dosbarth C)
  • eiddo heb ei feddiannu sy'n gartref i rhywun sydd yn y carchar (dosbarth D)
  • eiddo hen ei feddiannu a fu'n gartref i rywun a symudodd i gartref preswyl neu ysbyty er mwyn derbyn gofal preswyl (dosbarth E)
  • eiddo heb ei feddiannu – disgwylir llythyrau gweinyddu neu brofiant ewyllys ar ei gyfer (eithriedig hyd nes bydd profiant yn cael ei roi ac am 6 mis ar ôl hynny gyn belled â bod yr eiddo yn parhau yn nwylo y cynrychiolydd personol) (dosbarth F)
  • eiddo sy'n wag oherwydd fod y gyfraith yn atal unrhyw un rhag byw ynddo (dosbarth G)
  • eiddo gwag y bydd gweinidog yr efengyl yn symud i fyw iddo (dosbarth H)
  • eiddo gwag a fu'n gartref i rywun a symudodd i annedd arall (ond nid cartref preswyl nag ysbyty) er mwyn cael gofal personol (dosbarth I)
  • eiddo sydd wedi ei adael yn wag gan rhywun a symudodd oddi yno i roi gofal personol i rywun arall (dosbarth J)
  • eiddo heb ei feddiannu a fu'n gartref i un neu fwy o fyfyrwyr (mae'r eiddo'n eithriedig tra bod y sawl fyddai'n talu'r treth Cyngor fel arfer dal yn fyfyriwr/fyfyrwraig) (dosbarth K)
  • eiddo heb ei feddiannu sydd yn nwylo benthyciwr morgais (banc neu gymdeithas adeiladu er enghraifft) (dosbarth L)
  • eiddo heb ei feddiannu y mae'r sawl fyddai'n talu'r dreth cyngor arno fel arfer yn ymddiriedolwr i fethdalwr (dosbarth Q)
  • safle carafan neu angorfa cwch sy'n wag (dosbarth R)
  • estyniadau heb eu meddiannu nad yw'n bosib eu gosod ar wahân (dosbarth T)

 

Eiddo gwag

Os yw'r eiddo'n wag, a dim dodrefn ynddo, ni fydd Treth Cyngor yn daladwy am y 6 mis cyntaf o ddyddiad gwagio'r dodrefn. Pan ddaw'r cyfnod hwn i ben nid oes gostyngiad  o gwbl, a codir treth cyngor llawn arno. 

Dweud wrthym am newid i eiddo gwag

 

Ail gartrefi

Cyfeirir yma at eiddo ble nad oes neb yn byw yno ond sydd wedi ei ddodrefnu. Yn gyffredinol, NID oes gostyngiad ar gyfer ail gartrefi, ond mae rhai eithriadau lle bydd gostyngiad o 50% yn berthnasol, sef:

  • carafanau gwag
  • eiddo sydd wedi'u dodrefnu ond yn wag oherwydd mae gan y perchennog gyfrifoldeb i dalu Treth Cyngor mewn eiddo arall yn gysylltiedig â'i waith
  • eiddo sy'n wag lle bo'r sawl sy'n gyfrifol i dalu yn gynrychiolydd personol y cyn-breswylydd ymadawedig a lle bu llai na 12 mis ers i'r ewyllys gael ei brofi neu i lythyrau gweinyddu gael eu cyflwyno
  • aelodau o'r lluoedd arfog y mae'n angenrheidiol iddynt fyw mewn eiddo a ddarparir gan y Weinyddiaeth Amddiffyn er mwyn gwneud dyletswyddau eu swydd. 

Os yw eich cais wedi ei wrthod cofiwch fod hawl gennych i apelio yn gyntaf i'r Cyngor a dim ond os y gwrthodir eich apêl yna wedyn i'r Tribiwnlys Prisio. Darperir manylion y Tribiwnlys i chi wrth ohebu â chi os y gwrthodir eich apêl.