Cronfa'r Degwm

• Mae Cronfa’r Degwm yn gronfa o arian cyfalaf a refeniw.
• Rhaid i bob grant fod mewn cytgord â Chynllun Elusennol Cronfa Degwm Cyngor Gwynedd. 
• Mabwysiwyd canllawiau pellach er mwyn diffinio meysydd a mathau o ymgeisydd a fydd yn debygol o dderbyn ystyriaeth, er y gall  Panel Ymgynghorol Grantiau Cist Gwynedd (sydd bellach yn penderfynu ar geisiadau) wneud eithriadau mewn achosion teilwng sydd y tu allan i’r canllawiau arferol ond sydd mewn cytgord â’r Cynllun Elusennol.

Dylid sicrhau bod y ffurflen gais wedi ei chwblhau a bod yr holl ddogfennau cefnogol a thechnegol angenrheidiol wedi eu derbyn erbyn y dyddiad cau perthnasol.

Byddwn yn anelu i asesu a chymeradwyo ceisiadau o fewn 6 wythnos i’r dyddiad cau.

Rydym yn hapus i dderbyn ceisiadau am lai na £1,000 ar unrhyw adeg, a byddwn yn anelu i brosesu ceisiadau o’r fath o fewn 4 wythnos gwaith os bydd cyllid ar gael.

Disgwylir i geisiadau fod yn seiliedig ar gynlluniau neu wasanaethau newydd sydd yn cyflawni amcanion pendant ac amlwg.

Gweithgareddau Celfyddydol a Llenyddol:

• Sefydlu / ail-gyflenwi llyfrgelloedd, amgueddfeydd, orielau neu arddangosfeydd celfyddydol, gwyddonol neu ddiwydiannol.
• Darparu darlithoedd, arddangosfeydd ac offer (Ni allwn dalu costau darlithwyr sydd yn uwch na chyfanswm o £200).
• Caffael, cadw a chyhoeddi archifau a dogfennau.
• Prosiectau sydd yn ymwneud a llenyddiaeth, celfyddydau llwyfan, celfyddydau cain, llenyddiaeth a/neu gerddoriaeth (Ni allwn ariannu costau artistiaid sydd yn uwch na chyfanswm o £200).

Gweithgareddau Hamdden, Cymdeithasol ac Adloniant:

• Darparu neu gynorthwyo i ddarparu meysydd chwarae, parciau, lleoedd agored, canolfannau neu neuaddau ar gyfer gweithgareddau hamdden.
• Darparu offer (ar gyfer gweithgareddau newydd yn unig).
• Costau hyfforddiant i wirfoddolwyr (Hyfforddiant mandadol ddim yn gymwys).
• Costau yn gysylltiedig a gweithgareddau newydd ar gyfer pobl hyn/pensiynwyr.

Gweithgareddau Hanesyddol:

• Sicrhau a chadw tir neu wrthrychau sydd o ddiddordeb arbennig mewn perthynas â gwyddoniaeth pensaernïaeth neu hanes naturiol
• Prynu, trwsio, diogelu, dehongli a/neu arddangos creiriau
• Darparu cyfleusterau neu gyfleoedd addysgol ym myd hanes/treftadaeth
• Cefnogi astudiaeth ac ymchwil i bynciau sy’n gysylltiedig â hanes, topograffeg, llenyddiaeth a bywyd Cymru
• Gwaith cynnal a chadw ar adeiladau sydd wedi rhestru neu sydd heb eu rhestru ond gyda chysylltiadau hanesyddol neilltuol
• Deunydd dehongli ar gyfer adeiladau o ddiddordeb hanesyddol a/neu bensaernïol

• Ni roddir grantiau tuag at weithgareddau crefyddol neu sectyddol, nac at adnoddau a ddefnyddid yn bennaf ar gyfer y gweithgareddau hynny.
• Ni fydd grant yn cael ei roi ar gyfer gwaith cynnal a chadw arferol a rheolaidd adeiladau nac i gynnal gweithgareddau/gwasanaethau arferol neu barhaol.
• Ni ystyrir ceisiadau oddi wrth Bapurau Bro.
• Ni chaniateir ceisiadau personol na cheisiadau er budd unigolion yn uniongyrchol.
• Ni chaniateir grant er mwyn cynnal swydd.
• Ymweliadau tramor
• Gweithgareddau addysgol statudol

• Ni ellir ariannu artistiaid na chostau gwesteion sydd yn uwch na chyfanswm o £200

• Ni ellir ariannu costau gwahoddedigion digwyddiadau

Ystyrir ceisiadau am grant oddi wrth elusennau cofrestredig yn unig.

Mae’n rhaid cyrraedd y meini prawf canlynol os am geisio am arian drwy’r gronfa:

• Rhaid bod yn elusen gofrestredig sydd wedi ei leoli neu yn gweithredu o fewn Gwynedd;
• Ni all eich mudiad ddosbarthu elw;
• Rhaid i’ch mudiad fod a statws cyfreithiol a chyfansoddiadol;
• Rhaid i’ch mudiad fod a strwythur rheoli clir;
• Rhaid i’ch mudiad gael sustem rheolaeth ariannol glir;
• Bod ag egwyddorion gweithredol sydd yn cyd-fynd a deddfwriaeth ar gyflogaeth, iechyd a diogelwch, cydraddoldeb i weithwyr a gwirfoddolwyr;
• Dangos dealltwriaeth ac ymrwymiad i gydraddoldeb yn gysylltiedig â mynediad, iaith, diwylliant, rhyw a materion ethnig;
• Yn meddu ar amcanion a nodau sydd yn cyd-fynd a gweithgareddau ariannir drwy’r grant yma;
• Dangos bod grwpiau ac unigolion eraill yn yr ardal yn cefnogi’r gweithgaredd/cynllun;
• Rhaid dangos bod egwyddorion gwerth am arian wedi eu dilyn wrth ddatblygu, gweithredu a rhedeg y cynllun, megis eich bod yn dilyn y Cyfarwyddiadau Gwahodd Prisiau (gellir cael copïau gan Swyddfa Cist Gwynedd) ar gyfer y gwaith/gwasanaeth, yn enwedig yn y cynlluniau cyfalaf;
• Bod egwyddorion gweithredol yn eu lle sydd yn cyd-fynd a deddfwriaeth amddiffyn plant ac oedolion bregus. Os mai hyrwyddo crefydd yw prif nod eich grŵp, cysylltwch ag Swyddog Cist Gwynedd.

Os mai hyrwyddo crefydd yw prif nod eich grŵp, cysylltwch â Swyddog Cist Gwynedd

Bydd yn ofynnol ar bob cynllun a gymeradwyir i gydymffurfio â thelerau ac amodau’r gronfa. Mewn rhai amgylchiadau gellir gosod amodau arbennig ar gynllun.