Cwcis
Newid gosodiadau cwcisCwcis
Pan fyddwch yn ymweld â'r wefan hon am y tro cyntaf byddwch yn cael neges yn dweud bod yn cwcis yn cael eu defnyddio ar y wefan. Efallai na fydd rhannau o'r wefan yn gweithio'n iawn os ydych yn dewis gwrthod cwcis gan y wefan hon.
Component: callToAction
Ni chedwir gwybodaeth sensitif megis rhifau ffôn neu gyfeiriadau e-bost yn y cwcis. Maent yn cael eu defnyddio yn rhoi gwybodaeth i ni am ymddygiad defnyddwyr ar ein gwefan - pa rannau sydd o ddiddordeb iddynt a pha wasanaethau sy’n cael eu defnyddio amlaf, ayyb. Gellir eu defnyddio hefyd i gofio manylion mewngofnodi ar gyfer rhai gwasanaethau, e.e. ceisiadau am swyddi ar lein.
Mae'r wybodaeth isod yn egluro pa gwcis yr ydym yn eu defnyddio a pham:
| Cwci | Enw | Pwrpas |
|---|---|---|
| Ystadegau Google Analytics | _ga _gid _gat | Mae’r cwci hwn yn cofnodi eich defnydd o’r wefan. Mae’n cael ei ddefnyddio i ddiben dadansoddi ystadegau yn unig, a fydd yn ein helpu ni i wella ein gwefan. Nid yw’r cwci yn dal unrhyw wybodaeth bersonol na sensitif. Gweler hefyd: Google Analytics Opt-out Browser Add-on. |
| Ystadegau Siteimprove SiteAnalyze | Nmstat | Mae’r cwci hwn yn cofnodi eich defnydd o’r wefan. Mae’n cael ei ddefnyddio i ddiben dadansoddi ystadegau yn unig, a fydd yn ein helpu ni i wella ein gwefan. Nid yw’r cwci yn dal unrhyw wybodaeth bersonol na sensitif. |
| Ystadegau Siteimprove SiteAnalyze | ASP.NET_SessionId | Pwrpas y cwci hwn yw cofnodi’r drefn y byddwch yn edrych ar dudalennau yn ystod eich ymweliad â’r wefan. Gall yr wybodaeth gael ei defnyddio er mwyn ceisio lleihau eich siwrnai chi fel cwsmer o fewn y safle, a’ch helpu i ddod o hyd i’r wybodaeth berthnasol yn gynt. |
| Iaith | Iaith | Mae’r wefan yn defnyddio cwcis i weithio’n ddwyieithog ac i gofio eich dewis iaith. Os ydych yn dewis peidio â derbyn cwcis mae’n bosibl na fydd gwefan y Cyngor yn gweithio mewn modd mor soffistigedig. Mae’n bosibl y byddwch yn mynd i fersiwn Gymraeg y dudalen bob tro wrth i chi bori drwy’r safle a bydd angen i chi glicio ar y botwm English yn y gornel dop ar y dde er mwyn gweld fersiwn Saesneg y dudalen. |
| Sesiwn ASP System Rheoli Cynnwys | ASPSESSION(AQBDCQBD) Gall y llythrennau yn y cromfachau amrywio | Mae’r system rheoli cynnwys yn defnyddio’r cwci hwn wrth i chi symud o un dudalen i’r llall o fewn y wefan. Bydd yn cadw cofnod o’ch sesiwn tra rydych ar y wefan. Bydd y cwci yn cael ei ddileu pan fyddwch yn cau eich porwr. |
| Taliadau ar-lein | JSESSIONID | Mae’r cwci hwn yn dal gwybodaeth wrth i’r cwsmer symud o un dudalen i’r llall o fewn y tudalennau taliadau ar-lein. Nid yw’n dal unrhyw wybodaeth bersonol na sensitif. |
| Fy Nghyfrif - mewngofnodi | JWT | Mae'r cwci yma yn cael ei ddefnyddio ar gyfer mewngofnodi i Fy Nghyfrif.Bydd y cwci yn cael ei ddileu ar ôl 2 awr. |
| Fy Nghyfrif - diogelwch | __RequestVerificationToken_* | Mae'r cwci yma yn cael ei ddefnyddio ar gyfer amddiffyn yn erbyn Ceisiadau Traws Safle Ffug.Bydd y cwci yn cael ei ddileu pan fyddwch yn cau eich porwr. |
| LimeSurvey - statws | LS_*_STATUS | Mae’r cwci hwn yn berthnasol i holiaduron. Pwrpas y cwci yw helpu i rwystro defnyddiwr rhag cwblhau yr un holiadur nifer o weithiau ble mae hynny’n berthnasol.Bydd y cwci yn cael ei ddileu ar ôl blwyddyn. |
| LimeSurvey - diogelwch | YII_CSRF_TOKEN | Mae’r cwci hwn yn berthnasol i holiaduron. Mae'r cwci yma yn cael ei ddefnyddio ar gyfer amddiffyn yn erbyn Ceisiadau Traws Safle Ffug. Mae'n docyn diogelwch sy'n cynnwys rhywfaint o ddata ar hap. Mae'n dod i ben yn awtomatig ar ôl 24 awr, ond mae'r gwerth yn cael ei newid ar ôl pob cais. |
| Panel cwcis | cwcis_panel | Pwrpas y cwci hwn yw cofio os dylai dangos y panel dewisiad cwcis ai peidio.Bydd y cwci yn cael ei ddileu ar ôl 365 diwrnod. |
| Dewisiad cwcis | cwcis_dewisiad | Pwrpas y cwci hwn yw cofnodi a ydych wedi derbyn cwcis dadansoddi oddi ar y wefan hon ai peidio.Bydd y cwci yn cael ei ddileu ar ôl 365 diwrnod. |
| YouTube | Os byddwch yn dewis chwarae fideo YouTube sydd wedi ei osod ar dudalen ar wefan Cyngor Gwynedd, bydd YouTube yn gosod cwci. Mae Cyngor Gwynedd yn defnyddio’r ‘privacy-enhanced mode’ sy’n rhwystro YouTube rhag gosod y cwci oni bai eich bod yn dewis chwarae’r clip fideo. |
Datganiadau preifatrwydd
Mae Cyngor Gwynedd wedi ymrwymo i warchod eich preifatrwydd pan rydych yn defnyddio ein gwasanaethau. Mae’r datganiadau isod yn esbonio sut ydym yn defnyddio eich gwybodaeth, sut rydym yn gwarchod eich preifatrwydd a beth yw eich hawliau.
Datganiadau Preifatrwydd Gwasanaethau'r CyngorMwy o wybodaeth
Gwybodaeth bersonol: Unrhyw beth sy’n gallu cael ei ddefnyddio i adnabod unigolyn byw, er enghraifft enw a chyfeiriad.
Gwybodaeth sensitif: Mae rhai mathau o wybodaeth amdanoch chi yn fwy arbennig ac angen eu gwarchod yn fwy gan eu bod yn sensitif (gwybodaeth categori arbennig) sef:
- Credoau gwleidyddol neu athronyddol
- Bywyd rhywiol a rhywioldeb
- Iechyd
- Ethnigrwydd
- Aelodaeth undeb llafur
- Data genetig neu biometrig (olion bysedd neu technoleg adnabod wyneb)
- Cofnodion troseddol.
Rydym angen defnyddio gwybodaeth amdanoch chi er mwyn:
- Cynnig gwasanaethau a rhoi cefnogaeth i chi
- Rheoli gwasanaethau
- Ymchwilio i gwynion
- Edrych ar ansawdd gwasanaethau
- Gwneud yn siŵr bod gwariant yn briodol
- Helpu i ymchwilio wasanaethau newydd a’u cynllunio
Mae nifer o resymau cyfreithiol pam fod angen i ni gasglu a defnyddio eich gwybodaeth bersonol.
Mae nifer o resymau cyfreithiol pam fod angen i ni gasglu a defnyddio eich gwybodaeth bersonol.
Byddwn yn rhoi gwybod i chi beth ydi’r rheswm wrth gasglu’r wybodaeth gennych. Fel rheol byddwn yn gwneud hynny lle
- rydych chi wedi rhoi eich caniatâd
- mae gennych gontract efo ni
- mae angen er mwyn i ni gyflawni ein dyletswyddau statudol
- mae angen er mwyn gwarchod rhywun mewn argyfwng
- mae’r gyfraith yn dweud bod rhaid
- mae angen am resymau cyflogaeth
- mae angen er mwyn darparu gwasanaethau iechyd neu gofal cymdeithasol
- rydych chi eisoes wedi gwneud eich gwybodaeth yn gyhoeddus
- mae angen ar gyfer achosion cyfreithiol
- mae angen er budd cymdeithas
- mae angen i warchod iechyd cyhoeddus
- mae angen i bwrpas archifo, ymchwil neu bwrpasau ystadegol.
Os ydym yn dibynnu ar eich caniatâd i ddefnyddio eich gwybodaeth, mae gennych yr hawl i’w dynnu nôl ar unrhyw adeg. Cysylltwch â Swyddog Diogelu Data’r Cyngor os am wneud hyn (manylion cyswllt ar waelod y dudalen).
Lle bo modd, byddwn ond yn casglu ac yn defnyddio gwybodaeth bersonol os oes ei hangen i ddarparu gwasanaeth neu ymateb i ofyn.
Mae gennych hawl i ofyn am yr holl wybodaeth sydd gennym amdanoch chi.
Ond, ni fydd yn bosib i ni roi gwybodaeth i chi os ydi’r cofnod yn cynnwys:
- gwybodaeth gyfrinachol am bobl eraill; neu
- gwybodaeth mae gweithiwr proffesiynol yn credu y byddai’n achosi niwed difrifol i les corfforol neu feddyliol chi neu rywun arall; neu
- pe bai rhoi’r wybodaeth yn ein hatal rhag atal neu ddatrys trosedd
Gwneud cais i weld gwybodaeth amdanoch chi
Ceir hyd at un mis i ateb ceisiadau ond gellir ymestyn hyn i hyd at 2 fis ychwanegol os yw’r cais yn swmpus neu’n gymhleth.
I gael gwybodaeth am eich hawliau eraill, ewch i I'r cyhoedd (yn agor mewn tab newydd) (gwefan ICO)
Rydym yn rhannu eich gwybodaeth gyda nifer fawr o sefydliadau allanol er mwyn gallu darparu gwasanaeth i chi.
Byddwn yn dweud wrthych pwy ydi’r sefydliadau wrth gasglu’r wybodaeth gennych.
Weithiau mae gennym ddyletswydd cyfreithiol i rannu gwybodaeth gydag eraill, e.e. llysoedd, Adran Gwaith a Phensiynau, HMRC. Gallwn hefyd rannu gwybodaeth gyda chyrff allanol er mwyn canfod ac atal twyll, er enghraifft, y Fenter Twyll Cenedlaethol.
Dylid nodi y byddwn yn rhannu efo Archwilydd Cyffredinol Cymru mewn cysylltiad a’i waith archwilio ac astudiaethau. O ran gwaith ar y cyd, gall gwybodaeth gael ei rhannu o dan y ddyletswydd a nodir yn adran 33 Mesur Llywodraeth (Cymru) 2009.
Byddwn hefyd yn rhannu gwybodaeth os teimlir fod risgiau penodol i’r cyhoedd neu staff neu i warchod plant neu unigolion bregus.
Rydym wedi arwyddo Cytundeb Fframwaith Bersonol Cymru WASPI (yn agor mewn tab newydd) sef set o safonau cyson ar gyfer rhannu gwybodaeth am ddefnyddwyr ar draws y sector cyhoeddus, preifat a’r trydydd sector yng Nghymru.
Felly, mewn rhai achosion fe fydd protocol rhannu gwybodaeth penodol o dan fframwaith Cymru. Bydd y cytundeb rhwng y partneriaid i gyd yn esbonio pa wybodaeth sy’n cael ei rhannu, pryd, sut a gyda phwy.
Sut rydym yn gwarchod eich gwybodaeth?
Rydym yn cymryd camau priodol i warchod eich cofnodion, boed nhw ar bapur neu’n electronig.
Gwneir hyn trwy wahanol ffyrdd, e.e. sicrhau bod rheoli mynediad i wybodaeth ar systemau i’r bobl sydd angen gwybod yn unig, trosglwyddo gwybodaeth mewn dulliau priodol (defnyddio amgryptio) a hyfforddi staff.
Pa mor hir rydym yn cadw eich gwybodaeth?
Bydd hyn yn amrywio o wasanaeth i wasanaeth. Mae gennym restr gadw sydd yn datgan am ba mor hir y dylid cadw gwahanol fathau o gofnodion.
Datganiadau preifatrwydd gwasanaethau'r Cyngor
Dylid cyfeirio cwynion am faterion diogelu data at y Swyddog Diogelu Data:
Beth yw cwyn diogelu data?
Mae cwyn diogelu data yn unrhyw fynegiant o anfodlonrwydd ynghylch sut rydym wedi trin eich data personol.
Gallai enghreifftiau o gwynion o'r fath gynnwys pryderon nad yw data personol wedi'i drin yn ddiogel; nad yw'r wybodaeth honno wedi'i chael yn deg; anawsterau wrth gael mynediad at eich gwybodaeth bersonol; anawsterau wrth arfer hawliau o dan GDPR y DU a'r Ddeddf Diogelu Data neu fod data personol wedi'i gadw am gyfnod hirach nag oedd angen.
Bydd eich cwyn fel arfer yn cael ei hystyried gan y Swyddog Diogelu Data. Bydd y Swyddog yn:
- Cofnodi eich cwyn a chydnabod ei derbyn
- Ymgymryd ag unrhyw ymchwiliadau angenrheidiol ac ymateb yn uniongyrchol i chi o fewn un mis calendr. Os nad yw'n bosibl ymateb o fewn y mis, byddwn yn rhoi gwybod i chi ac yn eich hysbysu am ddyddiad ymateb newydd.
Os yw eich cwyn hefyd yn ymwneud â darparu gwasanaeth, yn ogystal a materion diogelu data, ymdrinnir â'r elfen honno o'ch cwyn ar wahân drwy'r drefn yma: Cwyn ffurfiol yn erbyn Cyngor Gwynedd (yn agor mewn tab newydd)
Os nad ydych yn fodlon â'r ymateb i'ch cwyn, gallwch godi'r mater gyda Swyddfa'r Comisiynydd Gwybodaeth (ICO). Yr ICO yw corff rheoleiddio'r DU ar gyfer materion diogelu data.
Mwy o fanylion (yn agor mewn tab newydd) (Gwefan ICO)
Cysylltu â ni
Am fwy o wybodaeth, neu i wneud cwyn, cysylltwch â Swyddog Diogelu Data’r Cyngor: SwyddogDiogeluData@gwynedd.llyw.cymru (yn agor mewn tab newydd)
Gall Cyngor Gwynedd ddiweddaru’r telerau hyn unrhyw bryd. Dylech wirio’r dudalen hon o bryd i’w gilydd i adolygu’r wybodaeth ddiweddaraf sydd wedi’i darparu i chi fel defnyddiwr.