Diweddarwyd ddiwethaf: 1 Hydref 2026
Mae Llywodraeth Cymru wedi cadarnhau deddfwriaeth newydd ar gyfer ardoll ymwelwyr, a gafodd Gydsyniad Brenhinol ym mis Medi 2025.
Mae’r gyfraith newydd hon yn rhoi’r pŵer i awdurdodau lleol yng Nghymru gyflwyno tâl bach ar arosiadau dros nos gan ymwelwyr, gyda’r nod o gefnogi twristiaeth gynaliadwy.
Mae Cyngor Gwynedd ar hyn o bryd yn ystyried y posibilrwydd o gyflwyno ardoll yn lleol, ond nid oes penderfyniad wedi’i wneud hyd yma.
Sesiynau darparu gwybodaeth
Mae'r sesiynau rhanddeiliaid isod, a gynhaliwyd yn ystod yr ymgynghoriad, bellach wedi dod i ben.
Mae * yn dynodi y bydd cynrychiolwyr Awdurdod Cyllid Cymru (ACC) yn bresennol yn y sesiwn.
| Dyddiad ac amser | Lleoliad | Archebu lle |
|---|---|---|
| Dydd Llun, 15 Mehefin 15:00 | Galeri Caernarfon | Digwyddiad wedi dod i ben |
| Dydd Iau, 18 Mehefin 17:00 | Neuadd Goffa, Cricieth | Digwyddiad wedi dod i ben |
| Dydd Gwener, 3 Gorffennaf 13:45 | Y Llyfrgell Rydd, Dolgellau * | Digwyddiad wedi dod i ben |
* Bydd cynrychiolwyr Awdurdod Cyllid Cymru (ACC) yn bresennol yn y sesiwn hon.
Sesiynau galw heibio
Mae'r sesiynau galw heibio isod, a gynhaliwyd yn ystod yr ymgynghoriad, bellach wedi dod i ben.
| Dyddiad ac amser | Lleoliad | Manylion |
|---|---|---|
| Dydd Llun, 6 Gorffennaf 2026 10:00-12:00 | Prince Llywelyn, Beddgelert | Digwyddiad wedi dod i ben |
| Dydd Llun, 6 Gorffennaf 2026 14:00-16:00 | Y Ganolfan, Llanberis | Digwyddiad wedi dod i ben |
| Dydd Mercher, 8 Gorffennaf, 2026 10:00-12:00 | Neuadd Dyfi, Aberdyfi | Digwyddiad wedi dod i ben |
| Dydd Mercher, 8 Gorffennaf, 2026 14:00-16:00 | Byw’n Iach, Bala | Digwyddiad wedi dod i ben |
| Dydd Gwener, 10 Gorffennaf, 2026 10:00-12:00 | Neuadd Abersoch | Digwyddiad wedi dod i ben |
| Dydd Gwener, 10 Gorffennaf, 2026 14:00-16:00 | Neuadd Dwyfor, Pwllheli | Digwyddiad wedi dod i ben |
Nid oes angen i chi archebu lle, dewch draw ar y diwrnod am sgwrs neu gymorth ynghylch yr ymgynghoriad.
Sesiwn ar-lein - wedi dod i ben
Cynhaliwyd sesiwn darparu gwybodaeth ar-lein ar:
- Dydd Mercher, 24 Mehefin 2026. 5pm - 7pm
Roedd cynrychiolwyr Awdurdod Cyllid Cymru (ACC) yn bresennol yn y sesiwn hon.
Gwybodaeth gefndirol
Mae’r dudalen hon yn darparu’r wybodaeth ddiweddaraf am yr hyn y gallai’r ardoll ei olygu i fusnesau a chymunedau yng Ngwynedd, ynghyd â dolenni at adnoddau pellach a chwestiynau cyffredin.
Noder: Ar hyn o bryd, nid yw Cyngor Gwynedd wedi gwneud penderfyniad ynghylch cyflwyno’r ardoll.
Mae angen cyfnod ymgynghori (ynghylch cyflwyno’r ardoll) a 12 mis o rybudd cyn y daw’r ardoll i rym yn lleol.
- 14 Mai 2026 – Penderfyniad yn cael ei wneud ynghylch cyfnod i ymgynghori ar yr ardoll yng nghyfarfod Cyngor Llawn, Cyngor Gwynedd
- 20 Mai i 26 Gorffennaf 2026 - Cyfnod ymgynghori
- 26 Gorffennaf 2026 – Daw’r cyfnod ymgynghori i ben a chaiff adroddiadau eu paratoi ar gyfer cyfarfod y Cyngor Llawn
- 24 Medi 2026 – Cyflwynir yr adroddiad i’r Cyngor Llawn.
Gweld Rhaglen ar gyfer Y Cyngor ar Dydd Iau, 24ain Medi, 2026 - Hydref 2026 – Dechrau cofrestru llety ymwelwyr ledled Cymru
- Gwanwyn 2027 – Cau’r gofrestr llety ymwelwyr
- Ebrill 2027 – Y dyddiad cynharaf y gellid cyflwyno ardoll mewn unrhyw ardal yng Nghymru.
- Hydref 2027 - Y dyddiad cynharaf y gellid cyflwyno ardoll ymwelwyr yng Ngwynedd, yn amodol ar gymeradwyaeth y Cyngor Llawn yn dilyn yr ymgynghoriad a'r cyfnod rhybudd statudol o 12 mis.
- Byddai’r ardoll yn dâl dyddiol a delir gan bobl sy’n aros dros nos mewn llety ymwelwyr, megis gwestai, bythynnod gwyliau, llety gwely a brecwast, a meysydd gwersylla.
- Mae wedi’i chynllunio i greu etifeddiaeth barhaol i gymunedau, diwylliant, yr iaith Gymraeg a’r amgylchedd drwy ailfuddsoddi’r arian yn economi ymwelwyr lleol.
- Bydd yr ardoll yn cael ei gweinyddu’n genedlaethol gan Awdurdod Cyllid Cymru (ACC) (yn agor mewn tab newydd) ar ran Llywodraeth Cymru ac unrhyw awdurdodau lleol sy’n dewis ei mabwysiadu.
- Mae Llywodraeth Cymru hefyd yn bwriadu cyflwyno cynllun trwyddedu ar gyfer llety ymwelwyr yn y sector hunanarlwyo
Mae Llywodraeth Cymru wedi cynnig dwy gyfradd ardoll genedlaethol:
- £1.30 + TAW y person, y noson ar gyfer y rhan fwyaf o fathau o lety (e.e. gwestai, llety gwely a brecwast, hunanarlwyo a charafannau)
- 75c + TAW y person, y noson ar gyfer llety cost is megis hosteli a lleiniau pabell
Mae’r cyfraddau hyn wedi’u gosod yn genedlaethol a byddent yn berthnasol pe bai Gwynedd yn dewis cyflwyno’r ardoll
Mae cofrestru llety ymwelwyr bellach ar agor, rhaid i chi gofrestru erbyn 31 Mawrth 2027. Mae’n ofynnol yn ôl y gyfraith i chi gofrestru gydag Awdurdod Cyllid Cymru os ydych yn codi tâl ar ymwelwyr am arosiadau dros nos yng Nghymru.
Bydd cofrestru yn:
- helpu ymwelwyr i ddod o hyd i lety cofrestredig
- darparu data i gefnogi twristiaeth yng Nghymru
- eich helpu i gasglu a thalu’r ardoll ymwelwyr, os yw eich cyngor lleol yn cyflwyno’r ardoll.
Bydd angen i fusnesau ddarparu eu manylion cyswllt a gwybodaeth am y llety, gan gynnwys y cyfeiriad a nifer y lleoedd gwely.
Gallwch gael diweddariadau am gofrestru a’r ardoll ymwelwyr drwy ymuno â rhestr bostio Awdurdod Cyllid Cymru.
Am unrhyw ymholiad ynglŷn â chofrestru llety- Cysylltwch ag Awdurdod Cyllid Cymru(ACC)
- Ffon: 03000 254 000 (dydd Llun i ddydd Gwener, 10am tan 3pm)
- Ar-lein: Ffurflen ymholiad ar-lein
Mae Bil Datblygu Twristiaeth a Rheoleiddio Llety Ymwelwyr (Cymru) yn darparu’r fframwaith deddfwriaethol ar gyfer cynllun trwyddedu llety ymwelwyr yng Nghymru.
Mae rhagor o wybodaeth ar gael ar wefan Senedd Cymru:
Bil Datblygu Twristiaeth a Rheoleiddio Llety Ymwelwyr (Cymru) (yn agor mewn tab newydd)
Mae rhagor o wybodaeth hefyd ar gael ar wefan Llywodraeth Cymru:
Trwyddedu llety ymwelwyr yng Nghymru (yn agor mewn tab newydd)
Am amcangyfrif o’r incwm posibl y gallai’r ardoll ei gynhyrchu yng Ngwynedd, cyfeiriwch at Asesiad Effaith Economaidd Gwynedd. Byddai unrhyw incwm a godir yn cael ei ailfuddsoddi mewn:
- Traethau, parciau a chanol trefi sydd wedi’u cynnal yn well
- Atyniadau diwylliannol gwell
- Twristiaeth gynaliadwy sy’n fuddiol i ymwelwyr a chymunedau lleol
- Cefnogi’r Gymraeg yn ein cymunedau
Ni fyddai’r Cyngor ei hun yn gweinyddu’r ardoll yn uniongyrchol nac yn cyflogi staff ychwanegol i’w chasglu; bydd hyn yn cael ei wneud yn genedlaethol gan Awdurdod Cyllid Cymru (ACC).
Rôl Cyngor Gwynedd fyddai rheoli partneriaethau lleol, cyfathrebu, marchnata, a phrosiectau a ariennir gan incwm yr ardoll.
Er gwybodaeth:
Cwestiynau cyffredin
Nac ydy. Nid yw’r Cyngor wedi gwneud penderfyniad eto. Byddai angen cyfnod o ymgynghori a hysbysiad ffurfiol cyn cyflwyno unrhyw ardoll.
Bydd Awdurdod Cyllid Cymru (ACC) yn gweinyddu, cefnogi a gorfodi’r ardoll ar lefel genedlaethol.
Yng Nghymru, y dyddiad cynharaf posibl yw 1 Ebrill 2027, ond dim ond yn dilyn cyfnod o ymgynghori a rhoi blwyddyn o rybudd i Awdurdod Cyllid Cymru gan awdurdod lleol.