Triniaethau tyllu croen

Y gweithdrefnau penodol a ddiffiniwyd yn Adran 57 o Ddeddf Iechyd y Cyhoedd (Cymru) 2017 yw:

• aciwbigo (gan gynnwys nodwydd sych)
• tyllu’r corff (gan gynnwys tyllu clustiau)
• electrolysis
• tatŵio (gan gynnwys colur lled barhaol / microlafnu )

Mae'n rhaid i bob ymarferydd gael Trwydded Gweithdrefn Arbennig eu hunain, a bydd hyn yn galluogi gweithredu mewn lleoliad sydd wedi'i gymeradwyo gyda Tystysgrif Eiddo Cymeradwy.

Mae gan y cynllun ofynion/amodau gorfodol ar gyfer ymarferwyr a lleoliadau. Mae'n rhaid cydymffurfio â'r gofynion/amodau hyn i dderbyn Trwydded Gweithdrefn Arbennig a/Tystysgrif Eiddo Cymeradwy.

Mae'n drosedd i ymarferydd gynnal gweithdrefn arbennig heb drwydded neu i berfformio unrhyw weithdrefnau o leoliad sydd heb ei gymeradwyo.

Mae hefyd yn drosedd peidio â chydymffurfio â'r gofynion penodol/amodau gorfodol a manylwyd yn y Rheoliadau ar gyfer ymarferwyr a lleoliadau.

Bydd Trwydded Gweithdrefnau Arbennig yn ddilys am 3 blynedd o ddyddiad caniatau y drwydded.

Bydd trwyddedau dros dro yn ddilys am ddim mwy na 7 diwrnod.

Bydd angen i ymarferwyr wneud cais i'r Awdurdod Lleol ble mae bwriad ir weithdrefnau arbennig cael ei gynnal. Os ydych yn ymarfer mewn mwy nag un ardal Awdurdod Lleol yng Nghymru, dylech wneud cais i'r Awdurdod Lleol ble rydych yn cyflawni'r mwyafrif o'ch gweithdrefnau arbennig.

Mae'r drwydded gweithdrefn arbennig yn ddilys ar gyfer gweddill Cymru, cyn belled â bod tystysgrif cymeradwyo lleoliad wedi'i rhoi a bod y lleoliadau hynny wedi'u rhestru/ymddangos ar Drwydded Gweithdrefnau Arbennig ymarferydd.

Bydd Drwyddedau Gweithdrefn Arbennig Dros Dro yn cael eu cyfyngu i ddigwyddiad penodol a/gydag amser penodol. Bydd hyn yn golygu y bydd rhaid gwneud cais newydd ar gyfer pob digwyddiad ar wahân (oni bai bod gan ymarferydd drwydded 3 blynedd).

Ymarferwyr sy'n byw y tu allan i Gymru ond sy'n gweithio yng Nghymru, bydd angen iddynt gael trwydded dymor arbennig dros dro (os yw'n anarferol ac o leiaf 7 diwrnod) neu drwydded dymor arbennig am dri blynedd.

Dogfennau cefnogol ar gyfer cais Trwydded Ymarferydd

• Un llun lliw, wyneb llawn o’r ymgeisydd (arddull pasbort)
• Tystiolaeth o yswiriant dilys yn ymwneud â pherfformiad gweithdrefnau arbennig.
• Tystysgrif Datgelu Sylfaenol dilys (DBS) a gynhelir yn y 3 mis neu lai cyn dyddiad y cais.
• Datganiad o droseddau perthnasol (yn unol â'r Ddeddf).
• Tystiolaeth o gwblhau yn llwyddiannus Tystysgrif Gradd 2 mewn Heintiau, Atal & Rheoli ar gyfer Gweithdrefnau Arbennig (gwobr sy’n rheoleiddiedig gan Cymwysterau Cymru)
• Gwirio enw a dyddiad geni (e.e. pasbort, trwydded yrrwr ayyb).
• Gwirio cyfeiriad preswyl presennol (e.e. trwydded yrrwr, llythyr treth cyngor, bil defnyddiau ayyb).

Rhaid gwneud cais am drwydded dros dro o leiaf 28 diwrnod gwaith cyn dyddiad cychwyn y drwydded dros dro. Mae enghreifftiau o lle y gellir defnyddio trwydded triniaeth arbennig dros dro yn cynnwys:

• Cynnal ‘sesiwn wadd’ mewn mangre neu gerbyd a gymeradwywyd.
• Rhoi triniaeth arbennig mewn digwyddiad neu gonfensiwn diwydiant/masnach.
• Rhoi triniaeth arbennig mewn gŵyl (gŵyl gerddoriaeth, y celfyddydau neu gymunedol).

Mae'r broses ymgeisio am drwydded dros dro yn dilyn yr un broses ag amlinellir ar gyfer trwydded gweithdrefn arbennig a bydd angen yr holl ddogfennau cefnogol sy'n ofynnol ar gyfer trwydded 3 blynedd ar gyfer trwydded dros dro.

Mae'n ofynnol i ddeiliad y drwydded adnewyddu eu trwydded bob 3 blynedd. Rhaid gwneud cais i adnewyddu trwydded o leiaf 28 diwrnod gwaith cyn i'r drwydded ddod i ben. Mae'r broses ymgeisio i adnewyddu yn dilyn yr un broses a amlinellir ar gyfer trwydded gweithdrefn arbennig.

Yn ystod y cyfnod o 3 blynedd y mae'r drwydded yn ddilys, efallai y bydd deiliad y drwydded yn dymuno amrywio manylion eu trwydded.

Gallai amrywiadau gynnwys:

• Ychwanegu triniaeth arbennig at y drwydded, neu ddileu triniaeth arbennig o’r drwydded.
• Ychwanegu mangre neu gerbyd a gymeradwywyd at eich trwydded, neu ddileu mangre neu gerbyd a gymeradwywyd o’ch trwydded.
• Newid enw deiliad y drwydded e.e. newid enw ar ôl priodi.

Nid yw amrywiadau’n cynnwys:

• Trosglwyddo’r drwydded o ddeiliad y drwydded i unigolyn arall.
• Ymestyn cyfnod y drwydded.

Gwneud cais am amrywiad i drwydded

Rhaid cyflwyno ceisiadau am amrywiad i drwydded gweithdrefn arbennig i Gyngor Gwynedd gan ddefnyddio'r ffurflen gais ganlynol:

Ffurflen gais amrywiad i drwydded ymarferydd

Ffi'r Trwydded

Trwydded	Newydd	Adnewyddu
Trwydded Gweithdrefnau Arbennig (3 mlynedd).	£203.00	£189.00

Ffioedd eraill

Ffioedd eraill

Eitem	Ffi
Trwydded gweithdrefnau arbennig dros dro (mwyafrif 7 diwrnod).	£92.00
Amrywio trwydded gweithdrefnau arbennig (ychwanegu gweithdrefn newydd i drwydded).	£131.00
Amrywio trwydded gweithdrefnau arbennig (newid manylion ar drwydded).	£26.00
Copi newydd o Drwydded Gweithdrefnau Arbennig	£13.00

 

Bydd angen cyflwyno’r ddogfennau cefnogol canlynol gyda'r cais. 

• Un llun lliw, wyneb llawn o’r ymgeisydd (arddull pasbort)
• Tystiolaeth o yswiriant dilys a gynhelir gan yr ymgeisydd o ran y lleoliad neu’r cerbyd.
• Tystiolaeth o gwblhau llwyddiannus Tystysgrif lefel 2 rheoledig mewn Heintiau, Atal & Rheolaeth ar gyfer Gweithdrefnau Arbennig (gwobr sy’n cael ei rheoleiddio gan Cymwysterau Cymru)
• Gwirio enw a dyddiad geni (e.e. pasbort, trwydded yrrwr ac ati).
• Gwirio cyfeiriad preswyl cyfredol (e.e. trwydded yrrwr, llythyr treth cyngor, bil defnyddiau ac ati).
• Cynllun o’r lleoliad/cerbyd (dylai gynnwys pwyntiau mynediad/gadawiad i’r lleoliad ac i unrhyw ystafelloedd, mesuriad, a siâp unrhyw ystafell o fewn y lleoliad a lleoliad y cyfarpar basnau, ystafelloedd staff, ardal storio/ystafelloedd ar gyfer cynnyrch a chymhwysedd, toiledau, ardaloedd/ystafelloedd aros, basnau golchi dwylo, biniau gwastraff, ffenestri a gorsaf waith).
• Llun lliw diweddar o’r cerbyd (os yw’n berthnasol)

Rhaid gwneud cais am dystysgrif cymeradwyo dros dro o leiaf 28 diwrnod gwaith cyn dyddiad cychwyn y dystysgrif cymeradwyo dros dro.

Gall enghreifftiau o’r defnydd o dystysgrif cymeradwyo dros dro gynnwys:

• Digwyddiad dros dro megis arddangosfa, confesiwn, sioe fasnach neu ŵyl awyr agored lle mae trefnydd digwyddiad yn gyfrifol am drefnu, gweithredu a rheoli’r digwyddiad dros dro hwnnw.
• Digwyddiad dros dro lle mae unigolyn yn dymuno llogi lle/llety, defnyddio ei gerbyd neu sefydlu strwythyr dros dro mewn gŵyl neu ddigwyddiad i roi triniaeth arbennig.

Yn achos digwyddiad dros dro fel confesiwn neu arddangosfa, trefnydd y digwyddiad yw:

• Y person sy’n cynnal busnes triniaethau arbennig drwy gydol y digwyddiad, ac
• Sy’n gyfrifol am sicrhau bod y fangre/cerbyd yn cael ei chymeradwyo neu ei gymeradwyo gan yr awdurdod lleol a bod y fangre/cerbyd yn gallu cydymffurfio â’r amodau cymeradwyo mandadol.

Mae'r broses ymgeisio am dystysgrif cymeradwyo dros dro yn dilyn yr un broses a amlinellir ar gyfer tystysgrif cymeradwyo eiddo/cerbyd a bydd angen yr holl ddogfennau cefnogol sy'n ofynnol ar gyfer tystysgrif gymeradwyo 3 blynedd ar gyfer tystysgrif gymeradwyo dros dro.

Mae'n ofynnol i ddeiliad tystysgrif gymeradwyo adnewyddu eu tystysgrif bob 3 blynedd. Rhaid gwneud cais i adnewyddu o leiaf 28 diwrnod gwaith cyn i'r dystysgrif gymeradwyo ddod i ben. Mae'r broses ymgeisio adnewyddu yn dilyn yr un broses a amlinellir ar gyfer tystysgrif gymeradwyo.

Yn ystod y cyfnod o 3 blynedd y mae'r dystysgrif gymeradwyo yn ddilys, efallai y bydd deiliad tystysgrif yn dymuno amrywio manylion eu tystysgrif gymeradwyo.

Gallai amrywiadau gynnwys:

• Ychwanegu triniaeth arbennig at y dystysgrif gymeradwyo, neu ddileu triniaeth arbennig o’r dystysgrif.
• Cynyddu neu leihau nifer y gweithfannau.
• Newidiadau sylweddol i strwythur neu ddyluniad y fangre.
• Newid enw deiliad y drwydded e.e. newid enw ar ôl priodi.

Nid yw awrymiadau’n cynnwys:

• Trosglwyddo’r dystysgrif gymeradwyo o ddeiliad y dystysgrif i unigolyn arall.
• Ymestyn neu fyrhau cyfnod y dystysgrif cymeradwyo.
• Terfynu’r dystysgrif gymeradwyo.

Pan fo’r amrywiad yn ymwneud â newidiadau i strwythur neu ddyluniad y fangre neu’r cerbyd:

• Dylai’r cais gynnwys manylion llawn y newidiadau hynny.
• Dylai hefyd gynnwys cynllun wedi ei ddiweddaru i adlewyrchu’r newidiadau arfaethedig, a
• Bydd angen i ddeiliad y dystysgrif fodloni’r awdurdod lleol mewn arolygiad bod yr amrywiadau’n adlewyrchu’r amrywiadau arfaethedig a wnaed yn y cais.

Gwneud cais am amrywiad

Rhaid cyflwyno ceisiadau am amrywiad i dystysgrif gymeradwyo ar gyfer mangreoedd a cherbydau i Gyngor Gwynedd gan ddefnyddio'r ffurflen gais ganlynol:

Ffurflen gais amrywiad i drwydded eiddo

Ffi'r Trwydded

Tyllu'r croen

Trwydded	Newydd	Adnewyddu
Tystysgrif Eiddo Cymeradwy (3 Blynedd)	£385.00	£345.00

Ffioedd eraill

Ffioedd eraill

Eitem	Ffi
Tystysgrif Eiddo/Cerbyd cymeradwy – cymeradwyo dros dro (digwyddiad ategol)	£385.00
Tystysgrif Eiddo/Cerbyd cymeradwy – cymeradwyo dros dro (cyfarfod/prif bwrpas)	£680.00
Amrywio tystysgrif Eiddo/cerbyd Cymeradwy (ychwanegu gweithdrefn newydd i drwydded)	£189.00
Amrywio Tystysgrif Eiddo/Cerbyd cymeradwy (newid mewn strwythur)	£189.00
Amrywio tystysgrif Eiddo/cerbyd Cymeradwy (newid manylion)	£26.00

 

Gweld Cofrestr Gyhoeddus Gweithdrefnau Arbennig Cymru

Arweiniad

• Llywodraeth Cymru: Triniaethau arbennig
• GIG Cymru: Gweithdrefnau Arbennig

Hyfforddiant

• Hyfforddiant Lefel 2 Atal a Rheoli Heintiau (nodwch fod y dudalen yma ar gael yn Saesneg yn unig)

Tystysgrif datgelu (DBS)

• Gwneud cais am wiriad DBS