Always Aim High Events

Canolfan Ddigwyddiadau ‘Camu i’r Copa’

Ardal: Bro Peris
Cyfanswm arian UKSPF Gwynedd: £500,000

  
Beth yw’r cefndir?

Mae Always Aim High Events yn fusnes lleol, a sefydlwyd yn 2010, sy’n trefnu a hyrwyddo digwyddiadau chwaraeon awyr agored yng Ngwynedd. Mae’r digwyddiadau yn denu cymuned o athletwyr amatur a phroffesiynol o bell ac agos ac yn cyfrannu’n sylweddol i’r diwydiant twristiaeth lleol. 

 

Beth oedd y cymorth?

Roedd y cwmni yn awyddus i gael canolfan digwyddiadau newydd fyddai’n cynnwys swyddfeydd, storfa a gofod cymunedol ar safle yn Llanberis.  Gyda buddsoddiad o’r gronfa adeiladwyd pencadlys newydd i’r cwmni ar Stâd Ddiwydiannol Glyn Rhonwy.  Dechreuodd y gwaith ym Medi 2024 a symudodd y cwmni i mewn i’w pencadlys newydd ym mis Mawrth 2025.

 

Pa wahaniaeth mae hyn wedi ei wneud?

Bydd y ganolfan newydd - ‘Camu i’r Copa’ -  yn ganolbwynt i weithgareddau’r cwmni, ac yn cynnig ystafell a gofod yn y storfa i’r gymuned ddefnyddio.

Mae 90% o gyllideb y prosiect wedi ei wario gyda chyflenwyr lleol, gan arddangos talent ac adnoddau cyfoethog y rhanbarth.  Wrth i'r cwmni edrych ymlaen at y tymor sydd i ddod, mae'r swyddfa newydd yn dyst i gydweithredu lleol a phŵer buddsoddi yn y gymuned.

“Rydym yn hynod falch o fod wedi defnyddio cyflenwyr lleol ar gyfer pob cam o'r adeiladu. Mae eu gwaith caled a'u crefftwaith wedi bod yn hanfodol i lwyddiant y prosiect a'i gwblhau ar amser."

Nigel Kendrick, Cyfarwyddwr

Trwy’r datblygiad bydd y cwmni yn gallu parhau i ddatblygu’r economi twristiaeth a chwaraeon awyr agored yn yr ardal.

“Heb yr help gan yr SPF, fydda ni byth wedi gallu adeiladu'r ganolfan newydd yn Llanberis. Bydd y gefnogaeth yn helpu ni i barhau i dyfu i’r dyfodol – creu swyddi a chyfrannu at yr economi awyr agored yma yng Ngwynedd.”

Tîm Lloyd, Cyfarwyddwr

 

Gwefan Always Aim High Events

 

Yn ôl i'r astudiaethau achos