Rhaglen Cymorth Busnes 2026/27: Y Broses Ymgeisio

1. Datgan diddordeb
2. Cymorth busnes
3. Cais am grant
4. Prosesu'r cais
5. Sesiynau cymorth ymgeisio

Cam 1 – Ffurflen Datgan Diddordeb

Y cam cyntaf yw cyflwyno Ffurflen Datgan Diddordeb er mwyn rhoi trosolwg byr o’ch busnes a’r prosiect arfaethedig, boed yn fusnes newydd neu’n fusnes sydd eisoes wedi’i sefydlu.
Defnyddir y wybodaeth i asesu eich cymhwysedd cychwynnol ac i sgorio’ch cais yn erbyn meini prawf penodol. Ar sail hyn, bydd ceisiadau’n cael eu blaenoriaethu a dim ond yr ymgeiswyr cryfaf fydd yn cael eu gwahodd i symud ymlaen i fod yn rhan o' rhaglen.

Cam 2 – Cymorth Busnes

Bydd y busnesau sy’n llwyddiannus yng ngham 1 yn cael eu gwahodd i symud ymlaen i gam 2 y rhaglen.

Busnes newydd:

Yn ystod y cam hwn, bydd busnesau newydd yn derbyn cymorth wedi’i deilwra i ddatblygu a phrofi eu syniad, cryfhau eu model busnes, a’u paratoi i gyflwyno cais llawn o ansawdd uchel ac i lansio neu dyfu’n llwyddiannus.

Busnesau wedi’i sefydlu:

Yn ystod y cam hwn, bydd busnesau wedi’i sefydlu yn derbyn cymorth wedi’i deilwra i fireinio a chryfhau eu cynlluniau, datblygu cyfleoedd twf, a’u paratoi i gyflwyno cais llawn o ansawdd uchel.

Cais am grant

Ar ôl cwblhau Cam 2, bydd busnesau yn cael eu gwahodd i gyflwyno cais grant llawn. Bydd cymorth gan gynghorydd busnes ar gael drwy gydol y broses ymgeisio i helpu i sicrhau bod cais o ansawdd uchel yn cael ei gyflwyno.

Pa wybodaeth sydd angen i mi ddarparu?

Mae’n bwysig sicrhau eich bod yn cwblhau eich ffurflen gais yn llawn a’ch bod yn cynnwys yr holl ddogfennau angenrheidiol. Mae’r rhain yn cynnwys:

Ni allwn ddechrau prosesu’ch cais nes fod yr holl wybodaeth perthnasol wedi’i dderbyn. Eich cyfrifoldeb chi yw sicrhau eich bod yn cyflwyno’r holl wybodaeth efo’ch cais.

Byddwn yn gofyn i chi gadarnhau bod angen yr arian grant arnoch h.y. heb y grant, ni fyddai modd gwneud yr hyn sy’n cael ei amlinellu yn eich cais:

• o gwbl
• i'r un raddfa
• o fewn amserlen rhesymol

Gall y Cyngor dynnu cynnig grant yn ôl, neu ad-hawlio arian sydd eisoes wedi’i dalu allan:

• os nad ydych yn defnyddio’r arian, neu’r offer y byddwch yn eu prynu, i wneud yr hyn rydych wedi amlinellu yn eich ffurflen gais
• os y byddwn yn canfod fod rywbeth yn eich cais sy’n anghywir
• os oes oedi afresymol wrth i chi symud ymlaen i brynu’r offer neu eu rhoi ar waith

Prosesu eich cais

Ar dderbyn eich cais llawn bydd y Cyngor yn:

• Gwirio bod yr holl fanylion sydd wedi’i ddarparu mewn trefn ac os oes gwybodaeth ar goll byddwn yn cysylltu i ofyn am wybodaeth ychwanegol
• Gwneud gwiriadau a allai gynnwys:
  • Cynnal chwiliad gydag asiantaeth cyfeirio credyd yng nghyswllt eich busnes. Bydd yr asiantaeth yn cadw cofnod o’r chwiliad hwnnw ac efallai y bydd yn rhannu gwybodaeth gydag asiantaethau eraill
  • Gwneud ymholiadau am gyfarwyddwyr cwmnïau gydag asiantaethau cyfeirio Credyd
  • Os nad ydi’ch cais yn cyflawn byddem yn cynnig cyfnod byr i chi ddarparu’r wybodaeth coll. Er tegwch i ymgeiswyr eraill, os na fydd yr wybodaeth coll wedi’i dderbyn erbyn diwedd y cyfnod penodol ni fydd eich cais yn cael ei asesu.

Hysbysu o’r Penderfyniad

Byddwn yn eich hysbysu o’r penderfyniad drwy e-bost.

Os bydd eich cais llawn am grant yn llwyddiannus ar ôl cwblhau’r cyfnod cymorth, byddwn yn rhoi gwybod i chi faint o gyllid rydym yn ei gynnig ac unrhyw amodau penodol sy’n gysylltiedig â’r grant. Byddwch hefyd yn derbyn cytundeb Telerau ac Amodau y bydd yn rhaid i chi gydymffurfio ag ef. Rhaid llofnodi a dychwelyd y cytundeb o fewn 14 diwrnod er mwyn derbyn y cynnig grant.

Amserlen Gweithredu

Rhaid i'r prosiect cyfan fod wedi’i gwblhau, a’r arian wedi’i hawlio gan Cyngor Gwynedd o fewn 3 mis o dderbyn eich llythyr cynnig. Nid oes modd i ni ad-dalu unrhyw hawliadau sydd yn cael eu derbyn ar ôl y dyddiad yma

Gwneud Hawliad

Mae’r grant yn cael ei dalu ar sail ôl-hawlio, ac felly bydd angen i ymgeiswyr dalu am yr eitemau ymlaen llaw cyn cyflwyno cais i adennill y costau.

Wrth hawlio grant bydd angen i chi ddarparu prawf o’r gwariant. Mae hyn yn cynnwys yr holl anfonebau a derbyniadau (peidiwch a chynnwys unrhyw wariant gafodd ei wneud cyn i chi dychwelyd y cynnig grant ffurfiol). Bydd y Cyngor hefyd angen copïau o ddatganiadau banc yn dangos taliadau’n mynd allan o gyfrifon y cwmni. Os ydych yn talu am unrhyw beth gyda cherdyn credyd neu debyg, bydd angen i chi ddangos tystiolaeth eich bod wedi talu’r cwmni credyd yn ôl yn llawn.

Cofiwch – peidiwch a thalu am unrhyw offer sydd ynghlwm a’r grant gydag arian parod (cash).

Bydd y Cyngor angen sicrhau bod yr arian grant wedi’i ddefnyddio i dalu am yr offer cywir, a’u bod y cael eu defnyddio mewn ffordd sy’n cyd-fynd â thelerau ac amodau’r grant, ac unrhyw amodau ychwanegol os yn berthnasol. Gall hwn gynnwys archwilio’r gwaith, ymweld â’ch busnes, neu unrhyw ffordd priodol arall. Unwaith y bydd y Cyngor yn fodlon bod y grant wedi’i wario’n briodol, bydd y Cyngor yn rhyddhau’r cyllid i gyfrif banc eich busnes drwy daliad BACS.

Monitro

Am gyfnod o ddeg mlynedd yn dilyn dyddiad ein taliad olaf i chi, gall y Cyngor, neu unrhyw un ar ran y Cyngor, ymweld â’ch eiddo i gynnal archwiliad i fonitro’r busnes a’r offer neu wasanaethau y wnaethoch chi brynu gyda’r grant.

Os yw’r offer a gafodd ei brynu gyda’r grant yn dod i ddiwedd ei oes o fewn y cyfnod yma, cysylltwch â ni i roi wybod. Efallai y byddwn angen gweld tystiolaeth o hyn.

Os ydych yn bwriadu uwchraddio’r offer o fewn y cyfnod yma, cysylltwch â ni – efallai y byddwn eisiau gweld tystiolaeth eich bod wedi prynu offer newydd yn ei le.

Os ydych chi wedi adrodd eich bod wedi creu swyddi, bydd y Cyngor angen tystiolaeth o’r cyflogaeth, gall hyn gynnwys:

• Cofnodion cyflogres (cyn ac ar ôl y dyfarniad)
• Cytundeb cyflogaeth
• Slip tâl cyntaf wedi ei ddyddio
• Cofnod gwasanaeth ar-lein PAYE HMRC
• Tystysgrif P60

Nid oes angen cynnwys enwau unigolion ar gofnodion cyflogaeth – gallwch chi eu cuddio neu’u dileu.

Mewn achosion eraill, bydd yn rhaid i’r ymgeisydd un ai ddangos tystiolaeth bod y dyfarniad grant wedi cynyddu trosiant y busnes neu ddangos sut mae wedi effeithio ar y busnes.

Sesiynau cymorth ymgeisio

Os nad ydych yn siŵr pa opsiwn sydd fwyaf addas ar gyfer eich busnes, mae sesiynau cymorth ar gael i'ch helpu i archwilio'r gwahanol ffrydiau cymorth cyn cyflwyno datganiad o ddiddordeb. Defnyddiwch y dolenni isod i gael rhagor o wybodaeth.

Os na allwch fynychu sesiwn ond bod angen cymorth arnoch, cysylltwch â Busnes@Gwynedd.llyw.cymru