Tocyn Teithio 16+

Mae’r Amserlenni Bws Tocyn Teithio 16+ yn nodi pa wasanaethau sydd ar gael fel rhan o’r tocyn. Cofia nad ydi’r tocyn yn rhoi hawl i chdi deithio ar bob cludiant cyhoeddus yng Ngwynedd. Dy gyfrifoldeb di yw gwneud yn siŵr bod gwasanaeth ar gael i/o’r lleoliad, ac ar yr amser rwyt ti eisiau teithio.

Unwaith ti wedi archebu e-docyn bydd ar gael yn syth ar apGwynedd. Mae apGwynedd ar gael i’w lawrlwytho am ddim o Google Play neu Apple Store. Bydd angen dangos yr e-docyn ar dy ffôn bob tro ti'n teithio.

Unwaith rwyt ti wedi archebu yr e-docyn ar-lein bydd ar gael i'w ddefnyddio yn syth ar apGwynedd.

Os ydi apGwynedd gen ti ar dy ffôn yn barod, mae'n bosib y bydd angen i chdi allgofnodi, ac yna mewngofnodi eto i'r ap er mwyn i'r tocyn ymddangos.

Byddwn yn gyrru e-bost efo linc i lawrlwytho apGwynedd atat ar ôl i chdi archebu e-docyn. Os nad wyt ti'n cael yr e-bost, edrycha yn y ffolder spam rhag ofn. Os wyt ti'n dal i gael trafferth, gyrra e-bost i fynghyfrif@gwynedd.llyw.cymru

Os yn teithio ar fws ysgol/coleg yn unig, rhaid cael Tocyn Teithio 16+ er mwyn teithio arno. Tydi hi ddim yn bosib talu am deithiau unigol.

Os yn teithio ar wasanaeth bws arferol/cyhoeddus, bydd yn bosib talu am deithiau unigol.

Nid oes angen tocyn ar gyfer teithio o un safle coleg i’r llall fel rhan o’r cwrs. Cyfrifoldeb y coleg/ysgol yw darparu cludiant rhwng safleoedd yn ystod y diwrnod addysgu.

Os wyt ti'n 15 oed ac yn mynd i flwyddyn 12 neu ar gwrs addysg bellach does dim angen archebu tocyn.

Os wyt ti'n teithio i Goleg Meirion Dwyfor Pwllheli a bod dy gyfeiriad cartref mewn mannau penodol i’r de o Borthmadog, mae’n bosib y byddi di'n cael cynnig i deithio ar drên yn hytrach na bws. Bydd pob myfyriwr sydd yn gymwys i dderbyn tocyn trên yn cael y cynnig wrth lenwi’r ffurflen gais.

Nid yw’n bosib cael e-docyn ar gyfer teithio ar y trên ar hyn o bryd, dim ond tocyn drwy’r post. Gall y tocyn gymryd hyd at 10 diwrnod i’ch cyrraedd felly cofiwch ei archebu mewn da bryd.

Y cyfan sydd angen ei wneud ydi lawrlwytho apGwynedd i ffôn/dyfais arall a bydd dy docyn ar gael yn syth.

Rho wybod i ni am unrhyw newid i dy fanylion. Dos i dy gyfrif ar-lein (yn agor mewn tab newydd) a mynd i Fy Ngheisiadau. Agora'r cais ac anfon unrhyw ddiweddariad ymlaen i ni.

Rhaid cadw at y côd ymddygiad (yn agor mewn tab newydd), telerau ac amodau tocyn teithio (yn agor mewn tab newydd) a Polisi Cludiant Ôl-16 Oed (yn agor mewn tab newydd).; os nad wyt ti'n gwneud hyn, mae posib i ti gael dy wahardd rhag cael tocyn.

Cofia mai dim ond y myfyriwr sydd wedi ei enwi ar y tocyn sy'n cael ei ddefnyddio.