Mae’r datganiad hwn yn cadarnhau sut a pha wybodaeth mae’r Adran Oedolion, Iechyd a Llesiant yn ei chadw am unigolyn.
Pam ydym yn casglu’r wybodaeth?
Rydym angen defnyddio gwybodaeth amdanoch chi er mwyn:
- asesu eich anghenion gofal cymdeithasol a thrafod y gwasanaethau sydd ar gael i gwrdd â’r anghenion hynny, trafod yr hyn sydd yn bwysig i chi a chydweithio i gytuno ar gefnogaeth sydd yn cwrdd â’ch amcanion personol
- monitro ac adolygu eich cynnydd a’ch gofal mewn perthynas â chwrdd â’ch amcanion personol
- darparu gofal a chefnogaeth
- ymchwilio i gwynion
- edrych ar ansawdd gwasanaethau
Mae darparu’r wybodaeth fwyaf sylfaenol yn fater sensitif. Mae gennych hawl gyfreithiol i ddisgwyl i unrhyw wybodaeth yr ydych yn ei darparu gael ei thrin yn gyfrinachol a’i chadw’n ddiogel. Mae gan y Cyngor fesurau mewn lle sydd yn amddiffyn preifatrwydd yr unigolyn yn ystod y broses yma.
Cyfiawnhad dros Gasglu a Chofnodi Gwybodaeth Bersonol
Bydd Adran Oedolion, Iechyd a Llesiant Cyngor Gwynedd yn casglu’r wybodaeth bersonol am ei fod yn ddyletswydd gyfreithiol dan Ddeddf Gwasanaethau Cymdeithasol a Llesiant (Cymru) 2014. Mae prosesu’r wybodaeth bersonol yma yn angenrheidiol i’r Adran:
1.ar gyfer ymateb i anghenion Iechyd a Gofal Cymdeithasol.
2. am ei fod yn ymgymryd â thasg sydd er budd cyhoeddus
Ni fydd yr Adran yn defnyddio eich gwybodaeth ar gyfer gwneud penderfyniadau awtomataidd neu broffilio.
Gwybodaeth y gallwn ei chasglu
- Dyddiad geni, enw, cyfeiriad, manylion teuluol
- Manylion ffôn
- Cyfeiriad e-bost
- Rhif Yswiriant Gwladol (mewn rhai achosion)
- Rhif Cyfeirnod personol e.e. rhif Gwasanaeth Cymdeithasol, rhif Gwasanaeth Iechyd
- Manylion cyflogwr
- Sefyllfa ariannol e.e. incwm, gwariant, manylion banc
- Ffordd o fyw ac amgylchiadau cymdeithasol
- Cofnod o gwynion blaenorol
- Adroddiadau diogelu
- Manylion Pŵer Atwrnai
- Gwybodaeth feddygol
- Amgylchiadau personol e.e. statws llety
- Darlun o edrychiad, disgrifiad edrychiad ac ymddygiad
- Manylion iechyd corfforol a meddyliol
- Hil ac ethnigrwydd
- Credoau crefyddol
- Troseddau, achosion yn eich erbyn, canlyniadau a dedfrydau
- Tueddfryd rhywiol
Cedwir y cofnodion ar bapur neu ar gyfrifiadur. Cânt eu trin yn gyfrinachol a’u dal yn ddiogel bob amser.
Mae rhai mathau o wybodaeth yn sensitif e.e. iechyd, hil, ethnigrwydd, credoau crefyddol. Y sail gyfreithiol dros brosesu’r wybodaeth hon ydi oherwydd ein bod yn darparu gwasanaeth iechyd a gofal cymdeithasol.
Gyda phwy y byddwn yn rhannu’r wybodaeth?
Mewn rhai amgylchiadau, bydd yn rhaid i’r Cyngor rannu eich gwybodaeth gyda phartneriaid allanol a thrydydd sector os yw’n berthnasol i’r ddarpariaeth gofal. Mae’r rhain yn cynnwys ond heb eu cyfyngu i’r canlynol:
- Adrannau eraill y Cyngor
- Cynghorau eraill
- Darparwyr trydydd sector
- Adrannau’r Llywodraeth fel yr HMRC a’r DWP
- Yr Heddlu
- Asiantaethau Credyd
- Gwasanaethau Iechyd
- Y Gwasanaeth Prawf
- CSIW
- Asiantaethau a Darparwyr Tai
- Cartrefi Gofal Preswyl
- Cwmnïau Gwasanaeth Gofal Cymunedol
- Cynrychiolydd sydd yn gweithredu ar ran unigolyn mewn mater lle nad oes gan y person y gallu i wneud ei benderfyniadau ei hun
- Swyddfa’r Gwarcheidwad Cyhoeddus
- Banciau a Chymdeithas Adeiladu
- Bwrdd Diogelu Oedolion
- Gwasanaeth Tân ac Achub Gogledd Cymru
Caiff gwybodaeth ei rhannu mewn achosion o wir angen, ble gallwn wella ar y gwasanaeth sydd yn cael ei gynnig i’r unigolyn. Ni chaiff y wybodaeth ei rhannu felly oni bai fod angen cyfreithiol i wneud. Ni fyddwn yn trosglwyddo eich gwybodaeth i wlad arall.
Pa mor hir fyddwn yn cadw eich gwybodaeth?
Bydd yr Adran yn cadw eich gwybodaeth dim ond cyhyd ag sy’n angenrheidiol. Mae gennym restr o gyfnodau cadw ar gyfer gwaith yr Adran. Am wybodaeth bellach cysylltwch â’r Swyddog Gwybodaeth os gwelwch yn dda.
Ar ôl y cyfnod cadw, bydd eich gwybodaeth yn cael ei gwaredu’n ddiogel.
Allwch chi weld pa wybodaeth mae’r Adran yn ei chadw amdanoch?
Mae gennych hawl i ofyn am yr holl wybodaeth bersonol mae’r Adran yn ei chadw amdanoch. Mewn rhai amgylchiadau, ni fyddwn yn gallu gadael i chi weld y wybodaeth, neu ran ohoni, oherwydd:
- ei bod yn cynnwys gwybodaeth gyfrinachol am bobl eraill; neu
fod gweithiwr proffesiynol yn credu y byddai’n achosi niwed difrifol i les corfforol neu feddyliol yr unigolyn neu rywun arall; neu
- mewn amgylchiadau ble bydd gwybodaeth fusnes sensitif
Os na allwn roi mynediad i chi at eich gwybodaeth byddwn yn egluro’r rheswm dros wrthod.
Sut ydw i’n gwneud cais i weld y wybodaeth mae’r Adran yn ei chadw amdanaf?
- Lawrlwythwch y ffurflen gais mynediad i wybodaeth bersonol
- Anfonwch lythyr neu e-bost atom
- Holwch ar lafar
Fel arfer, byddwn yn gofyn i chi ddarparu prawf i brofi pwy ydych chi.
Unwaith y byddwn wedi derbyn prawf o’ch hunaniaeth, fe wnawn wedyn brosesu’ch cais mewn 1 mis, neu mae gennym hawl i ymestyn y cyfnod hwn i 2 fis os yw’r cais yn swmpus neu’n gymhleth.
Sut i gysylltu â ni?
Am fwy o wybodaeth, neu os ydych yn dymuno derbyn ffurflen gais ar e-bost neu yn y post, cysylltwch â ni ar y manylion isod:
Swyddog Gwybodaeth Adran Oedolion, Iechyd a Llesiant
- Ffôn: 01286 679 223
- E-bost: gcgc@gwynedd.llyw.cymru
- Cyfeiriad:Swyddog Gwybodaeth, Adran Oedolion, Iechyd a Llesiant, Cyngor Gwynedd, Stryd y Jêl, Caernarfon, LL55 1SH
Sut i gael mwy o wybodaeth am eich hawliau?
Am fwy o wybodaeth, ewch i’r dudalen Datganiadau Preifatrwydd a Chwcis.