Dyddiad cau: 22 Mai, 2026.
Grant ar gyfer grwpiau cymunedol a gwirfoddol Gwynedd ydi’r Gronfa Cefnogi Cymunedau. Y nod yw cefnogi cynlluniau a fydd yn gwella ansawdd bywyd trigolion, grwpiau a chymunedau’r sir.
Y bwriad yw galluogi’r trydydd sector i chwarae rôl gyflawn yng nghymunedau Gwynedd drwy adlewyrchu un neu ragor o’r amcanion canlynol:
- Annog cymunedau i gymryd rôl fwy rhagweithiol yn eu hardaloedd
- Adnabod ac ymateb i anghenion cymdeithasol. ieithyddol a diwylliannol y gymuned
- Hybu buddsoddiad a datblygiad yr economi leol
- Gwella lleoliadau sy’n bwysig i gymunedau
- Cynyddu cyfleoedd gwaith, datblygiad sgiliau ymhlith unigolion o fewn cymunedau a hybu cyfle cyfartal i bawb
- Cefnogi gwirfoddolwyr a hyrwyddo cyfleoedd gwirfoddoli
- Annog gwarchod a chyfoethogi'r amgylchedd.
Mae’r Gronfa’n cynnig grantiau sy’n adlewyrchu amcanion a thargedau Cynllun y Cyngor a chynlluniau adfywio lleol Ardal Ni
Gwybodaeth am y gronfa
Croesewir ceisiadau grant unigol am hyd at £10,000 (cyfalaf neu/a refeniw).
Fe all grŵp sydd wedi derbyn grant o’r gronfa yn y gorffennol gyflwyno cais ar gyfer prosiect newydd unwaith bydd holl ofynion monitro’r grant gwreiddiol wedi eu cwblhau.
Bydd pob cais yn cael ei asesu yn ôl teilyngdod.
Disgwylir i geisiadau fod yn seiliedig ar gynlluniau neu wasanaethau newydd neu ffyrdd newydd o wasanaethu sydd yn cyflawni amcanion pendant ac amlwg.
Ni fyddwn yn ariannu gwaith cynnal a chadw dydd i ddydd na chostau craidd.
Ni fyddwn yn ariannu estyniad i swyddi, rhaid iddynt fod yn swyddi newydd a gaiff eu creu drwy'r prosiect
- Sefydliad gwirfoddol neu gymunedol anghofrestredig (ond gyda Cyfansoddiad)
- Cwmni Di-elw
- Elusen Cofrestredig
- Sefydliad Corfforedig Elusennol (CIO neu SCIO)
- Cwmni Buddiannau Cymunedol (CIC)
Os mai hyrwyddo crefydd yw prif nod eich grŵp, bydd angen profi bod yr hyn mae’r gronfa yn cyfrannu tuag ato yn agored i’r gymuned gyfan.
Bydd yn ofynnol ar bob cynllun a gymeradwyir i gydymffurfio â thelerau ac amodau’r Gronfa Cefnogi Cymunedau. Mewn rhai amgylchiadau gellir gosod amodau arbennig ar gynllun.
Pwy gaiff DDIM ymgeisio:
Er y gall Cynghorau Tref/Cymuned gyfrannu’n ariannol tuag at gynllun neu weithio mewn perthynas â grŵp trydydd sector, ni allant gyflwyno cais yn uniongyrchol oherwydd eu statws fel awdurdodau statudol lleol.
Nid ydym yn derbyn ceisiadau gan:
- unigolion
- hunan fasnachwyr
- sefydliadau sydd wedi'u lleoli y tu allan i'r DU
- cwmnïau sydd yn gallu talu elw i gyfarwyddwyr, cyfranddalwyr neu aelodau (gan gynnwys Cwmnïau sydd wedi'u gyfyngu gan gyfranddaliadau)
Mae’n rhaid cyrraedd y meini prawf canlynol os am geisio am arian o’r gronfa:
- Rhaid bod yn fudiad cymunedol neu wirfoddol sydd wedi ei leoli neu yn gweithredu o fewn Gwynedd. Os ydych yn gwmni (yn cynnwys cwmnïau sydd hefyd wedi cofrestru fel Elusennau, Cymdeithasau Budd Cymunedol ayyb), mae’n rhaid i chi gael o leiaf 3 chyfarwyddwr nad ydynt yn perthyn:
- wedi priodi neu mewn partneriaeth sifil
- mewn perthynas tymor hir neu’n byw gyda’i gilydd
- yn rhan o’r un teulu
- Ni all eich mudiad ddosbarthu elw;
- Rhaid i’ch mudiad fod a statws cyfreithiol a chyfansoddiadol;
- Rhaid i’ch mudiad fod a strwythur rheoli clir;
- Rhaid i’ch mudiad gael sustem rheolaeth ariannol glir;
- Bod ag egwyddorion gweithredol yn dangos dealltwriaeth ac ymrwymiad sy'n cyd-fynd a deddfwriaeth ar gyflogaeth, iechyd a diogelwch, cydraddoldeb i weithwyr a gwirfoddolwyr;
- Dangos bod grwpiau ac unigolion eraill yn yr ardal yn cefnogi’r gweithgaredd/cynllun;
- Rhaid dangos bod egwyddorion gwerth am arian wedi eu dilyn wrth ddatblygu, gweithredu a rhedeg y cynllun, megis eich bod yn dilyn y Cyfarwyddiadau Gwahodd Prisiau (ar waelod y dudalen hon) ar gyfer y gwaith/gwasanaeth, yn enwedig yn y cynlluniau cyfalaf;
| Cyfanswm yn cynnwys TAW (£) | Dull Caffael |
|---|---|
| O dan £5,000 | 1 dyfynbris ysgrifenedig |
| £5,000-£49,999 | 3 dyfynbris ysgrifenedig ac esboniad am ddewis y contractwr llwyddiannus |
| Dros £50,000 | Proses dendr ffurfiol |
- Bod egwyddorion gweithredol yn eu lle sy'n cyd-fynd a deddfwriaeth amddiffyn plant ac oedolion bregus
- Rhaid i'ch mudiad fod a pholisi iaith sy'n ymrwymo i sicrhau gwasanaeth dwyieithog i'r cyhoedd.
Gwneud cais
Rhaid i ymgeiswyr gyflwyno’r ddogfennaeth ganlynol ar e-bost: i: Cistgwynedd@gwynedd.llyw.cymru
- Ffurflen gais cyflawn (yn agor mewn tab newydd) / Fersiwn Word (yn agor mewn tab newydd)
- Cyfansoddiad
- Datganiad banc diweddaraf
- Dyfynbrisiau (sydd yn dilyn Cyfarwyddiadau Gwahodd Prisiau ar waelod y dudalen hon)
- Llythyrau cefnogaeth neu dystiolaeth o angen y prosiect
- Tystiolaeth o Ganiatâd Cynllunio neu Reolaeth Adeiladu (os yn berthnasol)
Dyddiad cau: 22 Mai, 2026.
Ni ellir ystyried ceisiadau sydd yn cael ei gyflwyno tu hwnt i’r dyddiad hyn.
Byddwn yn anelu i asesu a chymeradwyo ceisiadau o fewn 6 wythnos i’r dyddiad cau.
Bydd yn ofynnol ar bob cynllun a gymeradwyir i gydymffurfio â thelerau ac amodau’r Gronfa Cefnogi Cymunedau. Mewn rhai amgylchiadau gellir gosod amodau arbennig ar gynllun.
Bydd y broses ddethol prosiectau i’w cefnogi yn gystadleuol a disgwylir i ymgeiswyr gwblhau pob cwestiwn gan ddilyn y canllawiau.
- Ni fydd ceisiadau anghyflawn yn cael eu hystyried am gefnogaeth gan y gronfa
- Ni fyddwn yn cysylltu gyda chi i ofyn am fanylion pellach
- Bydd panel yn sgorio ceisiadau ar sail yr hyn sydd wedi ei gyflwyno yn y ffurflen gais
- Bydd cefnogi gweithgareddau a sefydliadau NAD ydynt wedi cael cymorth ariannol yn flaenorol trwy Gronfa Cefnogi Cymunedau yn flaenllaw wrth ddethol prosiectau i’w cefnogi
Mae Swyddogion Cefnogi Cymunedau ar gael i roi cyngor i chi ac i helpu sicrhau bod eich cynllun yn cyd-fynd a gofynion y gronfa. Gellir cysylltu â nhw drwy e-bostio:
Canllawiau gwahodd, derbyn ac agor dyfynbrisiau
Gwahodd Dyfynbrisiau
Nid oes angen dyfynbrisiau cystadleuol ar gyfer contractau gyda gwerth amcan-gyfrifedig o lai na £5,000. Dylid cael dyfynbris ar bapur gan y Cyflenwr. Bydd yn cynnwys manylion y gwasanaethau, cyflenwadau neu waith i’w darparu ac yn gosod pris a thelerau taliadau.
1. Cyn i'r gwaith gychwyn
- Paratoi amcangyfrif o bris y gwaith i sicrhau dyfynbris rhesymol. (Awgrym:Cydweithio gyda arbenigwr yn y maes i sicrhau fod y broses cyfalaf â’rrhaglenni gwaith yn gywir a chyflawn.
- Os yw’r grŵp yn cyflogi rheolwr i’r cynllun bydd rhaid dangos tri pris neu gyfiawnhad digonol dros y dewis.
- Dethol cwmnïau sydd yn dechnegol addas ar gyfer cyflawni’r gwaith.
2. Gwahodd dyfynbrisiau
Anfon manylion llawn a chyson i'r holl gontractwyr (o leiaf 3) ar yr u dyddiad.
Dogfennau ynghlwm â'r gwahoddiadau:
- Briff o'r gwaith
- Cais am ddyfynbris
- Dyddiad ac amser cau
- Amlen (dewisol) - rhaid i amlenni dyfynbrisiau nodi eu bod yn cynnwys dyfynbris
- Tystysgrif atal twyll (ar gael gan Uwch Swyddog Cist Gwynedd)
3. Newid i'r dyfynbrisiau
Os oes unrhyw newid yn y broses neu’r cynllun, rhaid i’r holl gontractwyr gael eu hysbysu yn ysgrifenedig.
4. Derbyn dyfynbrisiau
I’w derbyn yn yr amlenni penodol erbyn y dyddiad a’r amser penodedig.
5. Agor dyfynbrisiau
- Agor cyn gynted ag y bo modd wedi'r dyddiad ac amser cau.
- O leiaf dau aelod o'r grŵp i'w hagor a chofnodi enwau, dyddiad ac amser agor ar y dyfynbrisiau.
- Sicrhau fod y dyfynbrisiau yn gywir yn unol a'r briff a roddwyd. Ni ddylid gwneud newidiadau na ychwanegiadau anawdurdodedig i'r dogfennau.
- Cadw'r amlenni
Gellir ffurfioli proses agos dyfynbrisiau gyda ffurflen derbyn tendrau, ffurflen ar gael gan Uwch Swyddog Cist Gwynedd.
6. Dyfynbrisiau hwyr
Dim i dderbyn y dyfynbrisiau hwyr.
7. Cofnodi dyfynbrisiau
Cofnodi a chadw tystiolaeth o’r drefn wahodd, newidiadau, derbyn ac agor y dyfynbrisiau ac unrhyw ddogfennaeth eraill i gefnogi y penderfyniad.
Ar gyfer cynlluniau sydd â'u gwerth yn uwch na £50,000, bydd angen dilyn Rheolau Sefydlog Parthed Contractau Cyngor Gwynedd. Cysylltwch ag Uwch Swyddog Cist Gwynedd.
- CistGwynedd@gwynedd.llyw.cymru
- 01286 679870
Cysylltu â ni
- CistGwynedd@gwynedd.llyw.cymru
- 01286 679870