Rydym yn gweithio gyda phartneriaid ledled Gwynedd i ddylanwadau ac i helpu i weithredu prosiectau sy'n gwella ac yn amddiffyn natur.
Rydym yn dod â chymunedau, ysgolion a sefydliadau lleol ynghyd i warchod a chryfhau bioamrywiaeth ar draws y sir.
Ein nod yw sicrhau bod cynefinoedd yn cael eu gwarchod a'u cynnal i roi cartrefi i'n nifer rhyfeddol o rywogaethau a chynyddu bioamrywiaeth ledled y sir.
Ein prosiectau a'n partneriaid
Rydym wedi arwain, cefnogi ac ariannu degau o brosiectau sy’n cefnogi bioamrywiaeth ar draws y sir. Dyma ychydig o enghreifftiau...
Mae cynnydd sylweddol yn nifer yr ardaloedd o flodau gwyllt ar draws y sir o ganlyniad i waith y bartneriaeth yn ein cymunedau. Mae ardal yr ynys ym Mhwllheli yn enghraifft wych o sut mae bob math o rywogaethau bellach yn ffynnu. Mae’r prosiect ymylon ffyrdd Dwyfor hefyd yn enghraifft o sut mae’r Cyngor bellach yn rheoli tir er budd natur ac wedi llwyddo i greu ardaloedd sydd yn hafan i beillwyr.
Dysgwch mwy am y prosiectau hyn ar ein sianel YouTube:
Mae prosiectau natur wedi cael eu cynnal mewn sawl cartref preswyl. Drwy ariannu offer a hadau a chynnal sesiynau garddio gyda’r preswylwyr i roi’r cyfle i bawb fynd allan i’r ardd a thyfu cnydau.
Yn cymryd trosolwg o gynefin y Lôn Goed a’r rhywogaethau sy’n defnyddio hi, yn ogystal â gweithio gyda dwy ysgol leol i ddysgu am y cynefin pwysig yma ac i weld y difrod â achoswyd gan Storm Darragh.
Mae gweithiau celf hefyd wedi cael eu creu gan yr ysgolion gyda dau artistl leol, Sioned Medi Evans a Meic Watts.
Mae cwpwl o gyn-safleoedd tirlenwi’r Cyngor (Llwyn Isa a Ffridd Rasus) wedi cael eu trawsnewid yn llwyr er budd natur.
