Rhaglen Turnaround

Mae rhaglen Turnaround yn darparu cyllid i Wasanaethau Cyfiawnder Ieuenctid ar draws Cymru a Lloegr i gefnogi’r plant/pobl ifanc sydd mewn perygl o ddod yn agored i’r System Cyfiawnder Ieuenctid. Mae’r rhaglen yn ffocysu ar gynnig cymorth cynnar gyda’r nod o atal troseddu/aildroseddu yn y dyfodol.

Nôd y rhaglen

• Helpu plant a phobl ifanc gyflawni canlyniadau cadarnhaol drwy adnabod eu cryfderau, annog dewisiadau cadarnhaol a’u cynorthwyo i gyrraedd eu potensial llawn.
• Cynnig cymorth i blant a phobl ifanc sydd yn wynebu heriau neu sefyllfaoedd anodd – gall hyn fod yn hyblyg a gellir ei deilwra ar anghenion unigol plentyn / person ifanc.
• Gwella lles emosiynol a iechyd meddwl plant a phobl ifanc
• Cryfhau gweithio mewn partneriaeth rhwng y Gwasanaethau Cyfiawnder Ieuenctid ac asiantaethau cefnogol eraill.

Pwy all gymryd rhan yn Turnaround?

Mae Turnaround ar gyfer plant a phobl ifanc rhwng 10–17 oed sydd wedi ymddwyn yn wrthgymdeithasol neu wedi dod i gysylltiad lefel isel â’r heddlu neu'r llysoedd. Gall hyn gynnwys plant a phobl ifanc sydd:

• Yn ymddwyn mewn modd gwrthgymdeithasol dro ar ôl tro.
• Wedi derbyn rhybudd neu orchmynion (e.e. Rhybudd/Hysbysiad Diogelu Cymunedol, Contract Ymddygiad Derbyniol)
• Wedi cael eu harestio, eu cyfweld neu eu hymchwilio gan yr heddlu
• Heb unrhyw gamau pellach wedi'u cymryd yn eu herbyn, neu’r achosion rheiny sydd yn derbyn Datrysiad Cymunedol
• Wedi derbyn eu Rhybudd Ieuenctid cyntaf
• Ar fechnïaeth neu wedi'u rhyddhau dan ymchwiliad
• Wedi bod yn y llys ac yna eu rhyddhau, eu rhyddfarnu, neu eu dirwyo.

Pwyntiau pwysig

• Dylid gwneud cyfeiriad i’r gwasanaeth o fewn 3 mis i'r digwyddiad
• Y Gwasanaethau Cyfiawnder Ieuenctid lleol fydd yn penderfynu pa achosion fydd yn cael eu blaenoriaethu yn seiliedig ar anghenion lleol
• Nid yw plant/pobl ifanc sydd wedi bod yn agored i’r GCI yn y gorffennol yn gymwys.

Mae Turnaround wedi bod yn llwyddiannus wrth geisio helpu ac atal plant a pobl ifanc rhag mynd i drafferth. Mae hyn wedyn yn eu cynorthwyo i gael canlyniadau mwy cadarnhaol.