Gwaith Ataliol
Gall y Gwasanaethau Cyfiawnder Ieuenctid Gwynedd a Môn weithio gyda plant a phobl ifanc rhwng 10-17 mlwydd oed os ydynt mewn perygl o droseddu yn y dyfodol.
Gelwir hyn yn waith ataliol ac mae’r ymyrraeth ataliol yma yn wirfoddol. Rhaid derbyn caniatâd gan y plentyn/person ifanc a’r rhiant/gwarchodwr cyn gyrru cyfeiriad ar gyfer y gwasanaeth yma.
Gall yr heddlu, staff ysgolion, gweithwyr iechyd proffesiynol neu rieni anfon cyfeiriad atom ar gyfer plentyn / person ifanc.
Dargyfeirio
Os yw plentyn neu berson ifanc yn parhau i droseddu, gall Heddlu Gogledd Cymru gyfeirio achosion at Banel Dyraniadau’r Gwasanaeth Cyfiawnder Ieuenctid Gwynedd.
Bydd Aelodau'r Panel yn trafod yr achos dan sylw, anghenion y plentyn / person ifanc, yr effaith ar y dioddefwr a'r canlyniad mwyaf priodol. Cynhelir y Panel Dyraniadau bob pythefnos ac mae aelodau’r panel yn cynnwys:
- Swyddog Heddlu'r Gwasanaeth Cyfiawnder Ieuenctid
- Rheolwyr Gweithrediadau ac Arbenigeddau Cynnar
- Gweithiwr Dioddefwr
- Cynrychiolydd Gwasanaethau Cymdeithasol
- Staff addysg
- Staff iechyd
Y math o gamau neu ganlyniad fydd yn cael eu hystyried
- Rhybudd Ieuenctid
- Rhybudd Amodol Ieuenctid
- Datrysiad Cymunedol Safonol
- Datrysiad Cymunedol Ychwanegol
- Erlyniad Gohiriedig Plentyn.