Podlediad Mam, Dad a Magu

Mae bod yn rhiant yn heriol, yn anodd ond llawn profiadau unigryw. Mewn podlediad newydd rydyn ni’n trafod realiti magu plant gyda gwesteion arbennig, ac yn rhannu straeon gonest a thipiau defnyddiol.  

Gwrando ar bodlediad: Mam, Dad a Magu 

(Cynhyrchwyd y podlediad hwn gan Wasanaeth Teulu Gwynedd, Cyngor Gwynedd. Barn a safbwyntiau’r cyfranwyr yw’r rhain ac nid ydynt o reidrwydd yn adlewyrchu polisi neu safbwynt swyddogol y Cyngor. Nid yw pob cyfrannydd i’r podlediad wedi eu cyflogi gan y Cyngor, ac nid yw’r ffaith eu bod yn gyfranwyr o reidrwydd yn awgrymu bod y sefydliad yn cefnogi nac yn cytuno â phob un o’r safbwyntiau a fynegir.)

 

 

 

Gwybodaeth gefndirol

Mae adran blynyddoedd cynnar Cyngor Gwynedd sydd nawr wedi ail frandio ac yn cael ei adnabod fel Teulu Gwynedd, wedi cynhyrchu cyfres o bodlediadau uniaith Gymraeg er mwyn helpu teuluoedd ar y daith drwy blynyddoedd cychwynnol ac allweddol plentyndod.

Mae adnodd newydd wedi ei greu sy’n defnyddio technoleg boblogaidd i chwalu tabŵ ynghylch rhai o’r heriau cyffredin mae rhieni i fabis a plant bach yn eu hwynebu.

Sbardunwyd swyddogion o Adran Plant a Chefnogi Teuluoedd Cyngor Gwynedd i greu’r gyfres podlediadau wedi iddynt sylweddoli bod modd cyfathrebu a chefnogi rhieni gyda problemau cyffredin sydd yn gallu cael effaith ar ddatblygiad naturiol plant, a hynny drwy gyfrwng y Gymraeg.