Prentisiaethau

Gall unrhyw un wneud cais am brentisiaeth os ydynt yn ateb y gofynion isod:

• 16+ mlwydd oed

• Yn gymwys i weithio yng Nghymru

• Ddim mewn addysg llawn amser yn barod

Mae’r lefel prentisiaeth byddwch yn ei ddewis yn ddibynnol ar eich sgiliau a chymwysterau presennol. Cymerwch olwg ar y tabl isod i weld pa lefelau sydd ar gael!

Mae llawer o fuddiannau i’w cael wrth i chi ddilyn llwybr prentisiaeth:

• Ennill cyflog wrth ddysgu

• Derbyn cefnogaeth a chymorth profiadol

• Cwblhau cymwysterau o werth

• Datblygu llwybrau gyrfa clir

Yn ogystal â hyn mae llawer o fuddiannau i’w cael wrth weithio i Gyngor Gwynedd:

• Gweithio mewn awyrgylch Gymreig.

• Bydd cyfle i chi fod yn rhan o Gynllun Pensiwn Llywodraeth Leol

• Bydd gennych chi 24.5 diwrnod o wyliau, yn ogystal â 8 diwrnod o wyliau banc / gwyliau cyhoeddus.

• Byddwch chi’n rhan o'n Cynllun Oriau Ystwyth.

• Byddwch chi’n elwa o ystod eang o gyfleoedd hyfforddi a datblygu mewnol ac allanol.

Bydd y prentis yn derbyn cyflog sy’n  unol â’r Isafswm Cyflog Cenedlaethol.

Gwefan llywodraeth Cymru - Prentisiaethau, sgiliau a hyfforddiant

Beth ydi’r gofynion sylfaenol?

• Bydd gofynion sylfaenol y swydd yn ddibynnol ar lefel y Brentisiaeth. Bydd rhain wedi eu hamlinellu yn Manylion Person y Swydd.

Oes yna gyfyngiad o ran oedran?

• Nac oes, ond mae pobl ifanc rhwng 16 i 19 oed yn cael blaenoriaeth.

Beth fydd hyd y brentisiaeth?

• Mae prentisiaeth yn cymryd rhwng 12 a 36 mis i gwblhau, yn dibynnu ar y gofynion penodol y cymwysterau a lleoliadau.

Ble fydd yr hyfforddiant yn cael ei gynnal?

• Cewch eich rhyddhau o’r gwaith, i astudio mewn Coleg neu Brifysgol neu byddwch yn dilyn rhaglen dysgu o bell, os yw'r ddarpariaeth yn y gweithle yn unig.

Fel prentis, pa gymhwyster fydda i yn ei ddilyn?

• Bydd hyn yn dibynnu ar y brentisiaeth byddech chi’n ei ddewis. Mae fframweithiau Prentisiaethau yn cynnwys cymwysterau o bob lefel.