Peilot Cofrestru yn Awtomatig
Gwynedd yn cael ei gofrestru
Ymunwch â 90% o drigolion sydd eisoes wedi'u cofrestru ar y gofrestr etholiadol.
Beth ydym yn ei wneud?
Mae'r gyfraith yng Nghymru wedi newid, gan ei gwneud hi'n haws nag erioed i gofrestru i bleidleisio. Mae hyn yn newyddion gwych!
Cyngor Gwynedd yw un o'r cynghorau cyntaf yn y DU i dreialu cofrestru preswylwyr cymwys yn uniongyrchol. Bydd hyn yn digwydd dros yr haf mewn partneriaeth â Just Register, ymgyrch genedlaethol i wella cofrestru pleidleiswyr yn y DU.
Os ydych chi'n gymwys i bleidleisio, byddwn yn sicrhau eich bod yn cael eich ychwanegu fel y gallwch ddweud eich dweud yn etholiadau lleol Cyngor Gwynedd a Senedd Cymru os byddwch yn dewis hynny.
Gwiriwch a ydych chi'n gymwys i gael eich cofrestru yma
Sut mae'n gweithio?
Dros y misoedd nesaf, bydd Cyngor Gwynedd yn defnyddio'r wybodaeth sydd gennym fel awdurdod lleol i wirio pwy arall sydd ar goll o'r gofrestr.
Mae'r mathau o wybodaeth y gallwn edrych arnynt yn cynnwys:
- Cofnodion y dreth gyngor
- Gwybodaeth gan ysgolion lleol
- Gwybodaeth rydych chi'n ei rhoi i ni pan fyddwch yn cael mynediad at ein gwasanaethau (e.e., ceisiadau cynllunio, casglu gwastraff)
Yn y mwyafrif o achosion, nid oes angen i chi wneud unrhyw beth o gwbl.
Yn syml, byddwn yn anfon llythyr atoch yn y post i gadarnhau eich bod wedi cael eich ychwanegu at y gofrestr etholiadol.
Yna, bydd gennych 60 diwrnod i ymateb cyn i chi gael eich ychwanegu'n awtomatig at y gofrestr etholiadol leol.
A yw cofrestru yn fy helpu?
P'un a ydych chi'n dewis pleidleisio ai peidio, mae cael eich cofrestru yn rhoi hwb i'ch sgôr credyd a all ei gwneud hi'n haws cael morgais, car neu fenthyciad personol arall. Yn aml, mae benthycwyr yn edrych ar y gofrestr pan fyddwch yn gwneud cais am gyllid, felly gall cofrestru ei gwneud yn haws i gael eich cymeradwyo.
Gall cofrestru hefyd helpu eich cymuned mewn ffyrdd eraill. Mae'n sicrhau y gallwch ddweud eich dweud ar faterion sy'n eich effeithio ar lefel leol pryd bynnag y byddwch yn dewis dweud eich dweud.
Beth sydd angen i mi ei wneud?
Ni fydd angen i'r mwyafrif o bobl wneud unrhyw beth ond aros am lythyr cadarnhad gennym yn y post. Mewn rhai achosion, efallai y bydd angen i ni gadarnhau ychydig o fanylion ychwanegol cyn eich cofrestru'n iawn. Os yn berthnasol i chi, byddwn yn eich gwahodd i lenwi'r ffurflen sydyn hon fel bod modd i ni gysylltu â chi drwy neges destun neu alwad ffôn.
Mwy o wybodaeth
Os oes gennych unrhyw ymholiadau am yr ymgyrch gofrestru pleidleiswyr awtomatig hon, cysylltwch â'n Tîm Gwasanaethau Etholiadol.
Dylech hefyd gysylltu â ni os hoffech dynnu'n ôl o gael eich cofrestru ar y gofrestr neu os hoffech gael eich cofrestru'n ddienw am resymau diogelwch: