Pwy sy’n gymwys?

Yn gryno, busnesau:

• sydd yn derbyn bil Trethi Busnes (hyd yn oed nad oes gofyn i dalu unrhyw beth);

• oedd yn masnachu hyd at 13 Rhagfyr 2021 a fydd yn / oedd wedi bwriadu masnachu drwy gydol y cyfnod hyd at 14 Chwefror 2022;

• gyda’u heiddo ar y rhestr ardrethu ar 1 Medi 2021 ac oedd yn meddiannu'r eiddo ar 30 Tachwedd 2021;

• yn y sectorau lletygarwch, manwerthu, twristiaeth neu hamdden (all gynnwys elusennau neu sefydliadau dielw);

• neu yn rhan o gadwyn cyflenwi’r sectorau uchod ac yn rhagweld gostyngiad o 40% yn eu trosiant rhwng 13 Rhagfyr 2021 a 14 Chwefror 2022.

Ceir manylion pellach yng nghanllawiau’r cymorth.

Noder mai dim ond llety hunanarlwyo ar gyfer 30 neu fwy o westai neu sy’n ganolfan addysg awyr agored fydd yn gymwys i dderbyn cymorth.

Faint o arian sydd i’w gael? 

Gall busnesau cymwys dderbyn un o’r canlynol ar gyfer hyd at ddau eiddo yng Ngwynedd (bydd angen cyflwyno cais ar gyfer pob eiddo unigol):

Grant A

£2,000 ar gyfer busnesau yn meddu eiddo gyda gwerth ardrethol o hyd at £12,000.

Grant B

£4,000 ar gyfer busnesau yn meddu eiddo gyda gwerth ardrethol rhwng £12,001 a £51,000.

Grant C

£6,000 ar gyfer busnesau yn meddu eiddo gyda gwerth ardrethol rhwng £51,001 a £500,000.

Mae manylion pellach yng nghanllawiau’r cymorth. 

Sut mae derbyn yr arian?

Mae’n ofynnol cwblhau a chyflwyno ffurflen cofrestru cyn gellid derbyn unrhyw arian:

a) darllenwch ganllawiau’r cymorth yn ofalus

b) sicrhewch fod eich Cyfeirnod Ardrethi Busnes wrth law (os na wyddoch eich cyfeirnod cysylltwch â trethiannomestig@gwynedd.llyw.cymru)

c) dilynwch y ddolen isod i gwblhau’r ffurflen cofrestru

 

Rhaid cyflwyno pob ffurflen cofrestru cyn 5:00pm ar 14 Chwefror 2022.

Oes mwy o gymorth i’w gael?

Gall busnesau:

• gyda throsiant (cyfanswm gwerthiant) blynyddol o £85,000 neu fwy;

• sy’n talu treth incwm drwy law ‘Talu Wrth Ennill’ (PAYE);

• yn gofrestredig gyda Thŷ’r Cwmnïau / Comisiwn Elusennau neu’n gofrestredig ar gyfer TAW / wedi eithrio o TAW; ac,

• rhagweld lleihad o 60% neu fwy yn eu trosiant rhwng 13 Rhagfyr 2021 a 14 Chwefror 2022.

gyflwyno cais am gymorth ychwanegol o Gronfa Cadernid Economaidd COVID-19: Rhagfyr 2021 - Chwefror 2022 Llywodraeth Cymru drwy ymweld â gwefan Busnes Cymru yma.

I sicrhau eich bod yn gwybod am unrhyw gymorth newydd cyn gynted â phosib, cofiwch gofrestru ar gyfer cylchlythyr cefnogi busnes y Cyngor a’n dilyn @BusnesGwynedd

Pwy sy’n gymwys?

Yn gryno, busnesau:

• sydd ddim yn derbyn bil Trethi Busnes

• sydd ddim yn gymwys i dderbyn cefnogaeth o Gronfa Cadernid Economaidd Llywodraeth Cymru 

• oedd yn masnachu hyd at 13 Rhagfyr 2021 a fydd yn / oedd wedi bwriadu masnachu drwy gydol y cyfnod hyd at 14 Chwefror 2022

• yn y sectorau lletygarwch, manwerthu, twristiaeth neu hamdden 

• neu yn rhan o gadwyn cyflenwi’r sectorau uchod (yn cynnwys gweithwyr llawrydd yn y diwydiannau creadigol) ac yn rhagweld gostyngiad o 40% yn eu trosiant rhwng 13 Rhagfyr 2021 a 14 Chwefror 2022.

Ceir manylion pellach yng nghanllawiau’r cymorth.

Noder mai dim ond llety hunanarlwyo ar gyfer 30 neu fwy o westai fydd yn gymwys i dderbyn cymorth.

Faint o arian sydd i’w gael?

Gall busnesau cymwys dderbyn un o’r canlynol:

 

Grant A

£1,000 ar gyfer busnesau sydd ddim yn cyflogi unrhyw un ar wahân i'r perchennog/perchnogion.

 

Grant B

£2,000 ar gyfer busnesau sy'n cyflogi staff (yn ychwanegol i’r perchennog) gan dalu eu treth incwm drwy law’r cynllun ‘Talu Wrth Ennill’ (PAYE)

Mae manylion pellach yng nghanllawiau’r cymorth.

Sut mae derbyn yr arian?

Mae’n ofynnol cwblhau a chyflwyno ffurflen cais ar gyfer yr arian:

a) darllenwch ganllawiau’r cymorth yn ofalus

b) sicrhewch fod yr holl wybodaeth fydd ei angen wrth law, gan gynnwys:

• trosiant ar gyfer y flwyddyn masnachu llawn olaf cyn Mawrth 2020 (neu amcangyfrif os ddim yn masnachu ar y pryd);

• eich Cyfeirnod Trethdalwr Unigryw (UTR) os yn unig fasnachwr / partneriaeth neu eich rhif cofrestru os yn Gwmni Cyfyngedig

• eich rhif TAW (VAT) neu drwydded tacsi (os yn berthnasol)

• os yn fusnes cadwyn cyflenwi; eich trosiant o 13 Rhagfyr 2019 i 14 Chwefror 2020 (neu gyfnod cyffelyb) ac amcangyfrif ar gyfer 13 Rhagfyr 2021 i 14 Chwefror 2022

• manylion banc (a chopi o fantolen os nad ydych wedi derbyn arian yn y gorffennol)

• manylion unrhyw grantiau rydych wedi eu derbyn yn flaenorol

c) dilynwch y ddolen isod i gwblhau ffurflen cais

 

Rhaid cyflwyno pob ffurflen cofrestru cyn 5:00pm ar 14 Chwefror 2022.

 
Cysylltwch â busnes@gwynedd.llyw.cymru neu 01286 679231 os oes cwestiwn neu broblem.

Gall busnesau:

• gyda throsiant (cyfanswm gwerthiant) blynyddol o £85,000 neu fwy;

• sy’n talu treth incwm drwy law ‘Talu Wrth Ennill’ (PAYE);

• yn gofrestredig gyda Thŷ’r Cwmnïau / Comisiwn Elusennau neu’n gofrestredig ar gyfer TAW / wedi eithrio o TAW; ac,

• rhagweld lleihad o 50% neu fwy yn eu trosiant rhwng 13 Rhagfyr 2021 a 14 Chwefror 2022.

gyflwyno cais am gymorth ychwanegol o Gronfa Cadernid Economaidd COVID-19: Rhagfyr 2021 - Chwefror 2022 Llywodraeth Cymru.

Mae’r Gronfa Cadernid Economaidd ar agor rŵan a bydd yn cau am 4pm, dydd Mawrth 1 Chwefror. Gellir gweld canllawiau’r Gronfa a chwblhau gwiriwr cymhwysedd drwy ymweld â gwefan Busnes Cymru.