Gallwch ddewis derbyn eich bil Treth Cyngor drwy e-bost yn hytrach na derbyn eich bil drwy'r post.
Mae hon yn ffordd fwy cyflym ac effeithlon o dderbyn eich bil neu unrhyw hysbysiadau eraill, ac mae’n fwy caredig i’r amgylchedd.
Cofrestru i dderbyn bil drwy e-bost (yn agor mewn tab newydd)Beth fydd yn digwydd nesaf?
Ar ôl i chi gofrestru byddwch yn derbyn pob bil neu hysbysiad treth cyngor yn y dyfodol dros e-bost.
Wedi newid eich cyfeiriad e-bost?
Rhowch wybod os ydych yn newid eich cyfeiriad e-bost drwy ail-lenwi'r ffurflen bilio electronig (yn agor mewn tab newydd) gyda'ch manylion newydd.
Beth arall ddylwn i ei wybod ynghylch derbyn fy mil drwy e-bost?
Os bydd bil sy'n cael ei anfon i chi drwy e-bost yn cael ei ddychwelyd i ni fel e-bost 'heb ei anfon' ddwy waith ni fyddwn yn anfon bil drwy e-bost i chi eto. Byddwn yn rhoi eich manylion yn ôl ar y rhestr i dderbyn bil drwy'r post. Pe baech chi eisiau derbyn eich biliau drwy e-bost eto byddai'n rhaid i chi lenwi'r ffurflen ar-lein (yn agor mewn tab newydd) eto.
Sut ydw i'n canslo derbyn fy mil drwy e-bost?
Os ydych yn penderfynu eich bod eisiau mynd yn ôl i'r drefn o dderbyn bil drwy'r post, rhowch wybod i ni drwy ddefnyddio'r manylion cyswllt isod: