Sicrhewch eich bod yn darllen y canllawiau cyn llunio eich cais. Cysylltwch am gyngor a gwybodaeth bellach celf@gwynedd.llyw.cymru
Dyddiadau cau:
31 Mawrth 2026
30 Mehefin 2026
30 Medi 2026
15 Rhagfyr 2026
Rydym yn anelu i gysylltu ag ymgeiswyr gyda chanlyniadau eu cais o fewn pythefnos wedi'r dyddiad cau. Byddwn yn cydnabod derbyn pob cais a ddaw i law.
Cronfa Cefnogi Celfyddydau
Amcan y gronfa hon yw cefnogi prosiectau a sefydliadau celfyddydol yng Ngwynedd, i barhau i'w galluogi i gynnal gweithgareddau a rhaglenni celfyddydol i gymunedau Gwynedd rhwng Mehefin 2026 a Mawrth 2028.
Faint o grant sydd ar gael? Grantiau hyd at £7,500 ar gael.
Dyddiad cau: 10yb 12 Mai 2026. Rhaid cwblhau eich prosiect erbyn 26 Mawrth 2028.
Nod y gronfa yw cefnogi prosiectau sydd yn:
Darparu darpariaeth neu gyfleoedd celfyddydau Cymraeg (er enghraifft darparu gweithdai dwyieithog, defnyddio'r Gymraeg mewn marchnata a chyfryngau cymdeithasol)
Archwilio sut y gall y celfyddydau gefnogi iechyd a lles pobl Gwynedd
Ymateb i effeithiau newid hinsawdd yng Ngwynedd
Rhannu gwersi effeithiol a ffyrdd newydd o weithio gydag eraill yn sector y celfyddydau yng Ngwynedd
Treialu dulliau amgen o gynnal gweithgarwch celfyddydol yng Ngwynedd
Arbrofi gyda thechnoleg a dulliau digidol o weithio er budd sector y celfyddydau yng Ngwynedd
Cyrraedd cyfranogwyr neu gynulleidfaoedd mewn modd amgen a hygyrch
Codi ymwybyddiaeth o werth y celfyddydau i fywydau pobl ar draws Gwynedd
Sicrhau darpariaeth a phrofiadau celfyddydol o safon
Noder: Rydym yn cynnwys dawns, celf weledol, llenyddiaeth, cerddoriaeth, drama, ffilm, ffotograffiaeth a chelf ddigidol o fewn y term 'Celfyddydau'
Monitro
Rhaid cyflwyno monitro ar gyfer yr hawliad cyntaf cyn diwedd Mawrth 2027 ac yna cyflwyno monitro ar gyfer ail hawliad (blwyddyn 2) cyn diwedd Mawrth 2028.
Cymorth mynediad
Rhowch wybod i ni os oes gennych unrhyw anghenion mynediad a all effeithio ar gwblhau’r cais hwn, er enghraifft dyslecsia.
Pwy gaiff ymgeisio:
Grwpiau cymunedol cyfansoddiadol
Elusennau cofrestredig
Cwmnïoedd cydweithredol
Cwmni cyfyngedig trwy warant
Pwy na gaiff ymgeisio:
Unigolion
Busnesau sy'n gwneud elw
Grwpiau tu allan i Wynedd
Ysgolion
Cyrff a chwmnïau masnachol
Beth y gellir ei ariannu:
Ffioedd ar gyfer ymarferwyr creadigol a staff cysylltiedig â'r prosiect.
Llogi ystafell neu rentu.
Cost deunyddiau.
Marchnata fel rhan o'r prosiect.
Ni fyddwn yn ariannu:
Gweithgareddau y tu allan i Wynedd
Gweithgareddau a gynhelir ar ôl 20fed o Fawrth Mawrth 2028.
Costau rhedeg y sefydliad o ddydd i ddydd
Costau adeiladu, gan gynnwys atgyweiriadau.
Ceisiadau gan ysgolion.
Gweithgareddau sydd eisoes wedi digwydd.
Gweithgareddau lle mae cyllid llawn eisoes wedi'i sicrhau.
Mae Uned Celfyddydau Cymunedol yn gweithio mewn partneriaeth â Noson Allan.
Oes canolfan gymunedol, neuadd bentref neu glwb ieuenctid gyda chi?
Hoffech chi groesawu perfformiadau proffesiynol i'ch canolfan?
Hoffech chi osgoi'r pen tost o boeni am y risg ariannol?
Ydych chi'n poeni nad allwch ei fforddio? Gallwch, mi allwch.
Gallwn gynnig cyllid, cyngor, tocynnau a gwefan gyfoes gyda manylion am y cwmnïau a'r sioeau sydd ar gael. Gallwch wneud cais i'r cynllun a reolir gan Uned Teithio Cymunedol Cyngor Celfyddydau Cymru mewn partneriaeth â Uned Celfyddydau Cymunedol Cyngor Gwynedd.
