(noder fod ffi gwasanaeth bychan am dalu drwy’r ap)
Uchafswm o 2 noson dilynol yn unig. Ni chaniateir dychwelyd o fewn 7 diwrnod.
Mae cyfleusterau ar gyfer dŵr ffres, dŵr gwastraff cemegol, ailgylchu a sbwriel cyffredinol yn y rhan fwyaf o’r safleoedd (manylion isod).
Cwestiynau a ofynnir yn aml
Dim ond cartrefi modur hunangynhwysol gyda chyfleusterau toiled ar y cerbyd sy'n cael parcio dros nos ar y safle Arosfan.
Rhaid fod gennych gyfleusterau dŵr a gwastraff ar y cartref modur (h.y. dim cynwysyddion allanol) i ddefnyddio’r safle Arosfan.
Ni chaniateir cysgu mewn unrhyw fath o gerbyd yn unman arall yn y maes parcio nac yn unrhyw faes parcio sydd ddim yn rhan o gynllun Arosfan.
Na, os byddwch yn gadael eich bae yn yr Arosfan, bydd yn cael ei ystyried yn wag ac yn agored i ddefnyddwyr eraill. Ni chaniateir cadw baeau gwag yn yr amgylchiadau yma.
Ni chaniateir trosglwyddo’r tocynnau ar gyfer y safle Arosfan. Gall arddangos tocyn ac arddangos a/neu a ddefnyddio tocyn ar gerbyd arall arwain at Hysbysiad Cosb Benodedig.
Na, mae’r baeau ar sail cyntaf i’r felin. Nid oes modd archebu neu gadw lle o flaen llaw.
Na, mae’r ffioedd Arosfan yn gyson i bob defnyddiwr, ac nid oes consesiwn i ddalwyr bathodynnau glas sy’n awyddus defnyddio'r darpariaeth Arosfan.
Gofynnir i chi barcio yng nghanol y man parcio dynodedig. Bydd hynny yn sicrhau fod o leiaf 6 metr rhwng y cerbydau cartref modur.
Dim ond yn y baeau Arosfan y caniateir cysgu dros nos. Gall parcio mewn lleoliad arall ar y safle, methu â pharcio yn y bae penodedig neu achosi rhwystrau arwain at Hysbysiad Cosb Benodedig.
Mae'r ffi £16:50 am y cyfnod o 16:00 hyd at 10:00 y bore dilynol yn unig. Os yn parcio yn y baeau yn ystod y dydd (10:00 hyd at 16:00), yna byddai angen talu'r ffioedd parcio arferol fel nodir ar yr arwyddion yn y maes parcio.
Mae darpariaeth ar safleoedd Cricieth, Llanberis a Phwllheli.
Sicrhewch eich bod yn gwagio gwastraff llwyd a gwastraff cemegol gan ddefnyddio’r cyfarwyddiadau ar y safle.
Peidiwch â gadael llanast ar eich hôl. Defnyddiwch y cyfleusterau ailgylchu a gwastraff a ddarperir. Peidiwch â gadael bagiau o wastraff ar y safle os ydi’r biniau yn llawn.
Gallwch gael mynediad at ddŵr ffres o’r Pwynt Gwasanaethu (Cricieth, Caernarfon a Phwllheli) – gwelwch manylion ar y safle. Cofiwch sicrhau eich bod wedi cysylltu eich pibell ddŵr i'r tap cyn gweithredu.
Gan fod cartrefi modur yn hunangynhwysol, nid bwriad y safleoedd Arosfan ydi cynnig safle gwersylla.
Felly ni fydd modd cynnal barbiciw na choginio y tu allan i'r cerbyd.
Byddwch yn barchus o'r trigolion a'r amgylchedd cyfagos. Dylid cadw cŵn ar dennyn a rhaid cadw anifeiliaid anwes eraill dan reolaeth briodol bob amser.
Gan fod cartrefi modur yn hunangynhwysol, nid bwriad y safleoedd Arosfan ydi cynnig safle gwersylla. Cofiwch fod yna nifer o safleoedd gwersyllfa preifat yng Ngwynedd lle mae modd aros mewn cartref modur.
Nid oes hawl gosod byrddau, cadeiriau, na lolfeydd haul y tu allan i'r cerbyd. Peidiwch â gosod adlenni neu ganopïau atal gwynt a ni ddylech osod lein ddillad.
Gofynnir i chi gadw’r sŵn i'r lleiafswm posib - dim radios, cerddoriaeth ac ati.
Mae hawl i osod gris ar gyfer mynediad i'r cerbyd, a chaniateir rampiau lefelu os gallwch yrru ymlaen ac oddi ar y rampiau.
Gall cartrefi modur barcio yn unrhyw un o feysydd parcio Cyngor Gwynedd, ond ni chaniateir cysgu dros nos yn unrhyw faes parcio, heblaw y safleoedd penodol Arosfan.
Adroddwch am unrhyw bryder fod rheolau safle Arosfan yn cael ei dorri drwy ffonio 01766 771000 (Llun – Gwener).
Mae Cyngor Gwynedd wedi sicrhau cyllid drwy raglen Pethau Pwysig Llywodraeth Cymru i dreialu’r lleoliadau Arosfan.
Parcio dros nos ar ochr y ffordd / tir preifat
Nid yw gwersylla dros nos yn cael ei annog ar unrhyw ran o’r briffordd, gan gynnwys baeau ar ochr y ffordd (lay-bys) nac ar dir preifat (oni bai eich bod wedi derbyn caniatâd gan berchennog y tir).
Ap Parcio! Mae'n bosib talu am barcio drwy ddefnyddio ap PayByPhone neu efo arian parod yn holl feysydd parcio Cyngor Gwynedd. Ar gael i'w lawrlwytho o'r App Store neu Google Play Store Mwy o wybodaeth (yn agor mewn tab newydd)
