Asesiadau

Os yr ydych yn gofyn am gyfeiriad ar ran plentyn, byddwch yn cael eich cyfeirio at dim diagnostig, sef grŵp o arbenigwyr gwahanol sy’n gweithio efo’i gilydd i asesu os ydi eich plentyn yn awtistig.

Gall y grŵp yma gynnwys seicolegydd, seiciatrydd, paediatregydd, therapydd lleferydd ac iaith, ymysg eraill.

Bydd un aelod o’r tîm yma yn gweithredu fel cydlynydd achos, sef yr unigolyn a fydd yn gweithredu fel eich pwynt cyswllt cyntaf yn ystod y cyfeiriad. Y person yma fydd yn eich diweddaru ar unrhyw ddatblygiadau, ateb eich cwestiynau, ac yn casglu unrhyw wybodaeth fydd ei angen i helpu efo’r asesiad, er enghraifft, gan ysgol, doctor neu weithiwr cymdeithasol perthnasol y plentyn.

Bydd sawl apwyntiad gwahanol i’r asesiad, a gall barhau am rai misoedd. Yn eich sesiwn olaf bydd y Tîm yn adrodd os ydi’ch plentyn yn derbyn diagnosis awtistiaeth neu beidio ac yn gyrru adroddiad ysgrifenedig i chi yn rhestru eu rhesymau.

Gweld mwy o wybodaeth: Gwasanaeth Niwroddatblygiadol Betsi Cadwaladr (yn agor mewn tab newydd)

Os ydych yn gofyn am gyfeiriad ar ran eich hun, neu ar ran oedolyn arall, byddwch yn cael eich cyfeirio i’r Gwasanaeth Awtistiaeth Integredig (GAI) (yn agor mewn tab newydd).

Bydd y GAI yn neilltuo tîm i weithio efo chi i greu asesiad mor drylwyr a phosib. Bydd y tîm yn cynnwys arbenigwyr gwahanol megis nyrs, seicolegydd, seiciatrydd, therapydd galwedigaethol, ymarferydd arbenigol awtistiaeth ac yn y blaen. Bydd un o’r rhain yn gweithredu fel cydlynydd achos a fydd yn eich diweddaru chi, ac yn ateb unrhyw gwestiynau sydd gennych.

Mae’n debyg bydd sawl apwyntiad gwahanol dros gyfnod o rai misoedd. Bydd y tîm yn mynd dros eich plentyndod, eich datblygiad, ac yn gyffredinol y rhesymau yr ydych yn meddwl eich bod yn awtistig. Gall hyn fod yn brofiad emosiynol a heriol ond bydd eich cydlynydd achos ar gael i gynnig unrhyw gefnogaeth a fydd angen.

Os ydych yn meddwl eich bod yn awtistig ac am gael asesiad, y cam cyntaf yw siarad efo’ch meddyg teulu.

Os ydych yn teimlo eich bod angen cefnogaeth neu asesiad pellach, cysylltwch â'r Gwasanaeth Oedolion:

Cysylltu â'r Gwasanaeth Oedolion

Os ydych yn rhiant neu yn gofalu am blentyn awtistig ac angen cefnogaeth neu asesiad pellach cysylltwch â:

• 01758 704455
• cyfeiriadauplant@gwynedd.llyw.cymru (yn agor mewn tab newydd)

Mae gofalwyr di-dal yn ffynhonnell hanfodol o gynhaliaeth a chymorth i llawer o bobl efo anghenion ychwanegol, yn cynnwys rhai pobl awtistig.

Os ydych yn rhiant, brawd neu chwaer, ffrind neu gymydog sy’n darparu gofal anffurfiol i unigolyn awtistig, mae’n holl-bwysig felly eich bod yn cael eich cefnogi hefyd, er mwyn eich lles chi a’r unigolyn yr ydych yn gofalu amdano.

Gallwch ddewis os ydych eisiau asesiad i chi fel gofalwr ar ben eich hun, neu os ydych eisiau asesiad ar y cyd efo’r person yr ydych yn gofalu amdano.

Bydd y gweithiwr yn cysylltu i drafod beth sy'n bwysig i chi a byddwch yn cael cyfle i drafod eich cyfrifoldebau gofal, unrhyw heriau yr ydych yn eu wynebu, a'ch dymuniadau chi.

Gwneud cais am asesiad gofalwr

I wneud cais am asesiad gofalwr, cysylltwch â Gwasanaeth Oedolion Cyngor Gwynedd:

Cais am asesiad gofalwr: Cysylltu â'r Gwasanaeth Oedolion

Gweld gwybodaeth Gofalwyr ifanc