Ysgol Nebo

Cyfarfod Cabinet 14 Hydref, 2025

Yn ei gyfarfod ar 14 Hydref 2025, bu i Gabinet Cyngor Gwynedd benderfynu cefnogi argymhelliad i gynnal ymgynghoriad statudol ar y cynnig arfaethedig i gau Ysgol Nebo ar 31 Rhagfyr 2026 a darparu lle i ddysgwyr yn Ysgol Llanllyfni o 1 Ionawr 2027 ymlaen.

Mae’r adroddiad, ynghyd a'r atodiadau cysylltiedig i’w gweld yma:

• Gweld yr adroddiad a'r atodiadau cysylltiedig (Eitem 7)
• Mae modd gwylio gwe-ddarllediad o’r cyfarfod yma

 

Beth yw’r camau nesaf?

Fel y camau nesaf, byddwn yn cynnal cyfnod o ymgynghori statudol yn unol â’r Ddeddf Safonau a Threfniadaeth Ysgolion 2013 a chanllawiau’r Cod Trefniadaeth Ysgolion 011/2018. Golyga hyn y bydd dogfen ymgynghori yn cael ei chyhoeddi a bydd cyfle i unrhyw un gynnig sylwadau ar y cynnig arfaethedig. Bydd y cyfnod yma yn para oddeutu 6 wythnos (rhaid rhoi o leiaf 42 o ddiwrnodau i bobl ymateb i’r ddogfen, gyda 20 o’r rhain yn ddiwrnodau ysgol).

Rhagwelir y bydd yr ymgynghoriad yn cael ei gynnal yn yr wythnosau nesaf.

Yn dilyn hynny, bydd adroddiad pellach yn cael ei gyflwyno i’r Cabinet er mwyn adrodd yn ôl ar ganlyniadau’r ymgynghoriad, ac ymateb i’r sylwadau a dderbyniwyd. Bydd yn ofynnol wedyn i’r Cabinet ystyried canlyniadau’r ymgynghoriad, a phenderfynu a ddylid cyhoeddi Rhybudd Statudol ar y cynnig a ymgynghorwyd arno ai peidio.

 

Mwy...