Ar 15 Medi 2026, cymeradwyodd Cabinet Cyngor Gwynedd y cynnig i gau Ysgol Baladeulyn ar 31 Rhagfyr 2026 a darparu lle i ddysgwyr yn Ysgol Talysarn o 1 Ionawr 2027 ymlaen.
Gwybodaeth gefndirol
Cynhaliwyd cyfnod gwrthwynebu statudol rhwng 3 a 30 Mehefin 2026 ar y cynnig i gau Ysgol Baladeulyn ar 31 Rhagfyr 2026 a darparu lle i ddysgwyr yn Ysgol Talysarn o 1 Ionawr 2027 ymlaen.
Mae’r Adroddiad Gwrthwynebiad bellach wedi’i gyhoeddi a bydd yn cael ei ystyried gan Gabinet Cyngor Gwynedd yn eu cyfarfod ar 15 Medi 2026. Mae’r adroddiad gwrthwynebu a’r atodiadau cysylltiedig ar gael ar wefan y Cyngor drwy’r ddolen isod:
Rhaglen y Cabinet, 15 Medi 2026 (Eitem 13) (yn agor mewn tab newydd)
Adroddiadau
Hysbysiad Statudol: Cynnig i gau Ysgol Baladeulyn
Yn dilyn cynnal ymgynghoriad statudol ar y cynnig i gau Ysgol Baladeulyn, cyflwynwyd adroddiad ymgynghori i Gabinet Cyngor Gwynedd ar 19 Mai 2026. Ar ôl ystyried cynnwys yr adroddiad, penderfynodd y Cabinet fel a ganlyn:
“Ystyriwyd cynnwys yr adroddiad ar ganlyniad yr ymgynghoriad statudol (Adroddiad Ymgynghori) ar y cynnig i gau Ysgol Baladeulyn ar 31 Rhagfyr 2026 a darparu lle i ddysgwyr yn Ysgol Talysarn o 1 Ionawr 2027 ymlaen, a chymeradwywyd cyhoeddi hysbysiad statudol ar y cynnig, yn unol â gofynion Adran 48 o Ddeddf Safonau a Threfniadaeth Ysgolion (Cymru) 2013.”
Yn unol â’r penderfyniad uchod, mae Cyngor Gwynedd wedi cyhoeddi heddiw (3 Mehefin 2026) Hysbysiad Statudol ar y cynnig gau Ysgol Baladeulyn ar 31 Rhagfyr 2026 ac i ddarparu lle i’r dysgwyr yn Ysgol Talysarn o 1 Ionawr 2027 ymlaen. Mae copi o’r Hysbysiad Statudol ar gael drwy ddilyn y ddolen ganlynol:
Hysbysiad Statudol: Cynnig i gau Ysgol Baladeulyn (yn agor mewn tab newydd)
Cynhaliwyd cyfnod ymgynghori statudol rhwng 10 Rhagfyr 2025 a 28 Ionawr 2026 ar y cynnig i gau Ysgol Baladeulyn ar 31 Rhagfyr 2026 a darparu lle i ddysgwyr yn Ysgol Talysarn o 1 Ionawr 2027 ymlaen.
Mae’r Adroddiad Ymgynghori bellach wedi’i gyhoeddi a bydd yn cael ei ystyried gan Gabinet Cyngor Gwynedd yn eu cyfarfod ar 19 Mai 2026. Mae’r adroddiad ymgynghori a’r atodiadau cysylltiedig ar gael ar wefan y Cyngor drwy’r ddolen isod:
Mae copi caled o’r adroddiad ymgynghori ar gael ar gais.
I wneud cais am gopi caled, cysylltwch â ni:
- 01286 679247
- moderneiddioaddysg@gwynedd.llyw.cymru
Mae Cyngor Gwynedd wedi cynnal ymgynghoriad statudol ar y cynnig i gau Ysgol Baladeulyn. Y cynnig yw:
“Cau Ysgol Baladeulyn ar 31 Rhagfyr 2026 a darparu lle i ddysgwyr yn Ysgol Talysarn o 1 Ionawr 2027 ymlaen.”
Byddai Cyngor Gwynedd yn hoffi i chi gyflwyno eich barn ar y cynnig uchod, fel y gellir ei hystyried cyn gwneud penderfyniad ar y camau nesaf.
Bydd y cyfnod o ymgynghori Statudol yn cael ei gynnal rhwng 10 Rhagfyr 2025 a 28 Ionawr 2026.
Yn dilyn y cyfnod ymgynghori statudol, bydd adroddiad ar yr ymgynghoriad yn cael ei gyflwyno i Gabinet Cyngor Gwynedd, a bydd penderfyniad yn cael ei wneud p’un ai a ddylid bwrw ymlaen â’r cynnig hwn ai peidio. Bydd yr adroddiad ymgynghori yn crynhoi’r materion a godwyd gan ymgynghorai yn ystod yr ymgynghoriad statudol ac yn cynnwys ymateb y Cyngor i’r materion hynny.
Dogfennau Ymgynghori:
Mae’r holl ddogfennau perthnasol ar gael isod:
- Dogfen Ymgynghori Statudol (yn agor mewn tab newydd)
- Pecyn asesiadau effaith (yn agor mewn tab newydd)
- Pecyn cefndirol (yn agor mewn tab newydd)
- Ffurflen ymateb (fersiwn PDF) (yn agor mewn tab newydd)
- Dogfen Ymgynghori - fersiwn i blant a phobl ifanc (yn agor mewn tab newydd)
- Holiadur - fersiwn i blant a phobl ifanc (yn agor mewn tab newydd)
Am gopi caled o unrhyw ddogfen cysylltwch â:
Yn ei gyfarfod ar 14 Hydref 2025, bu i Gabinet Cyngor Gwynedd benderfynu cefnogi argymhelliad i gynnal ymgynghoriad statudol ar y cynnig arfaethedig i gau Ysgol Baladeulyn ar 31 Rhagfyr 2026 a darparu lle i ddysgwyr yn Ysgol Talysarn o 1 Ionawr 2027 ymlaen.
Yn ei gyfarfod ar 11 Chwefror 2025, penderfynodd Cabinet Cyngor Gwynedd ganiatáu’r Adran Addysg gynnal trafodaethau ffurfiol gyda Chorff Llywodraethol a rhanddeiliaid perthnasol eraill Ysgol Baladeulyn, i alluogi llunio ystod o opsiynau posibl yn ymwneud a dyfodol yr ysgol, yn sgil pryderon ynghylch niferoedd disgyblion yr ysgol.
Yn dilyn penderfyniad y Cabinet ar 11 Chwefror 2025, sefydlwyd Panel Adolygu Ysgol (PAY) ar gyfer Ysgol Baladeulyn i drafod sefyllfa’r ysgol, ynghyd ag ystyried yr opsiynau posib gyda rhan-ddeiliad yr ysgol.