Tŷ Gwynedd Llanystumdwy
Fel rhan o gynllun Tŷ Gwynedd, mae Cyngor Gwynedd yn datblygu 5 cartref fforddiadwy yn Llanystumdwy.
Mae’r prosiect yn cynnwys:
- 1 x tŷ 2 ystafell wely
- 4 x tŷ 3 ystafell wely
Derbyniwyd caniatâd cynllunio i adeiladu’r tai ger stad Maes Llwyd yn Llanystumdwy ar 14 Gorffennaf 2025. Unwaith y byddant yn barod, bydd y tai yn cael eu dyrannu drwy Gofrestr Cartrefi Fforddiadwy Tai Teg.
I weld y meini prawf cynhwysedd ac i gofrestru diddordeb, ewch i wefan Tai Teg:
Tai Teg
Gweld y cais cynllunio
Cynllun Tŷ Gwynedd
Mae’r cartrefi newydd yn Llanystumdwy yn rhan o gynllun Tŷ Gwynedd, sef cynllun datblygu tai gan Gyngor Gwynedd sy’n anelu at ddarparu 90 o dai fforddiadwy i bobl leol ar draws y sir. Amcan y cynllun hwn yw cefnogi pobl sy’n ei chael hi’n anodd prynu neu rentu tŷ ar y farchnad agored ond sydd efallai ddim yn gymwys am dŷ cymdeithasol.
Ein gweledigaeth yw datblygu tai fforddiadwy o safon. Byddwn yn cyflawni hyn drwy lynu at yr egwyddorion dylunio canlynol:
- Fforddiadwy – tai ar gael i'w prynu a'u rhentu am bris fforddiadwy.
- Addasadwy – dyluniadau hyblyg y gellir eu haddasu i gwrdd ag anghenion sy’n newid dros amser.
- Cynaliadwy – defnydd o ddeunyddiau ecogyfeillgar a chadwyni cyflenwi lleol.
- Ynni-effeithiol – rhoi technoleg fodern ar waith i leihau ôl troed carbon a chostau ynni.
Mae’r cynllun hwn yn rhan o Gynllun Gweithredu Tai Cyngor Gwynedd, sy’n anelu i adeiladu, prynu neu adnewyddu dros 2,000 o gartrefi dros oes y Cynllun.
Mwy o wybodaeth am gynllun Tŷ Gwynedd
Sut i ymgeisio?
I wneud cais am un o’r cartrefi hyn, rhaid i chi fod wedi cofrestru gyda Tai Teg. Er nad yw'r cartrefi ar gael eto, mae cofrestru'n gynnar yn sicrhau y gallwch weithredu'n gyflym pan fydd ceisiadau'n agor.
Ffurflen gais Tai Teg
Darllenwch y datganiadau i’r wasg ddiweddaraf:
Am y wybodaeth diweddaraf, dilynwch ni ar Facebook.