Cronfa Cymorth Argyfwng Bwyd

Rydym yn gwahodd ceisiadau am arian grant tuag at gynlluniau sy’n cyflawni un neu fwy o’r canlynol:

  • Cefnogi Banciau Bwyd
  • Cynnal Cynlluniau Bwydo i grwpiau bregus o’r boblogaeth  (prydau poeth, pryd ar glyd, clybiau bwyta, clybiau swper)
  • Cynnal Cynlluniau darparu pecynnau bwyd i gefnogi pobl fregus.

Caiff y ceisiadau eu hasesu gan Banel Asesu, a bydd penderfyniad y panel yn derfynol.

 

Pwy sydd yn gymwys?

Bydd y gronfa ar agor i:

  • Elusennau
  • Grwpiau cymunedol
  • Partneriaid dielw tebyg

Ni fydd yn agored i:

  • Fusnesau masnachol
  • Prosiectau sy’n gweithredu ar sail elw

 

Faint sydd ar gael a beth ellir ei ariannu?

Uchafswm grant sydd ar gael: Hyd at £5,000

Beth ellir ei ariannu?

  • Oergelloedd a rhewgelloedd
  • Offer coginio
  • Atebion storio
  • Offer dosbarthu (silffoedd, troliau, cynwysyddion)
  • Mentrau tyfu bwyd lleol

Uchafswm y grant sydd ar gael; Hyd at £4,000

Beth ellir ei ariannu?

  • Clybiau cinio neu swper
  • Caffis cymunedol dielw
  • Marchnadoedd cymdeithasol
  • Dosbarthiadau coginio cymunedol
  • Dosbarthu pecynnau bwyd argyfwng

Ni ellir defnyddio’r grant i dalu am:

  • Gostau rhedeg blynyddol sefydliad
  • Ffioedd aelodaeth (e.e. FareShare)
  • Amcanion busnes arferol

Ni chaiff y gronfa ei defnyddio i:

  • Gynyddu masnach neu drosiant busnesau
  • Defnyddio caffis neu fwytai masnachol fel model darpariaeth
  • Gynnig disgowntiau mewn lleoliadau masnachol
  • Greu mantais fasnachol uniongyrchol nac anuniongyrchol
  • Ni ellir defnyddio’r grant i dalu costau prydau bwyd mewn lleoliadau masnachol.
  • Os defnyddir cegin neu gyfleuster sy’n eiddo i fusnes, rhaid dangos yn glir:
  • Nad oes elw yn deillio o’r trefniant
  • Bod y gost yn adlewyrchu cost wirioneddol yn unig

Disgwylir i gynlluniau sicrhau:

  • Mynediad at bryd o fwyd neu becyn bwyd am ddim, neu
  • Am gost isel iawn (uchafswm o £5 y pen)

Diffiniad o Bris Rhesymol: Pris sy’n adlewyrchu cost wirioneddol y cynhwysion a’r paratoi yn unig, heb elw na marciad masnachol.

Canllaw cost:

  • £0 - £3 y pen: cymorth sylfaenol
  • £3 - £5 y pen: pryd maethlon syml
  • Dros £5 y pen: angen cyfiawnhad eithriadol

 

Sut i ymgeisio?

Rhaid i ymgeiswyr gyflwyno’r ddogfennaeth ganlynol ar e-bost i: Cistgwynedd@gwynedd.llyw.cymru

Rhaid i ymgeiswyr:

  • Nodi cost fesul pryd
  • Amcangyfrif nifer y buddiolwyr
  • Cadw derbyniadau a thystiolaeth o wariant
  • Adrodd ar nifer y prydau neu’r pecynnau bwyd a ddarparwyd

 

Cysylltu â ni

Mae Swyddogion Cefnogi Cymunedau ar gael i roi cyngor i chi ac i helpu sicrhau bod eich cynllun yn cyd-fynd a gofynion y gronfa.

Gellir cysylltu â nhw drwy e-bostio: Cefnogicymunedau@gwynedd.llyw.cymru

 

Mwy o wybodaeth

I glywed mwy, cysylltwch â Swyddog Cist Gwynedd: