Treial bagiau ailgylchu

Mae nifer o gynghorau lleol yng Nghymru eisoes yn defnyddio bagiau a bocs tebyg i’r rhai rydym am eu treialu, ac maent wedi dangos eu bod yn gweithio’n dda.

Mae’r bagiau’n fwy na’r bocsys cartgylchu presennol, ac mae’r deunydd yn fwy hyblyg, sy’n golygu y gallwch roi mwy o eitemau yn y bagiau nag y gellir eu rhoi yn y bocsys presennol. 

Mae’r bagiau’n cymryd llai o le na’r cartgylchu ac felly maent yn haws eu storio, a dylai hyn fod yn fuddiol i breswylwyr sy’n byw mewn cartrefi lle mae lle storio’n broblem, fel tai teras a fflatiau. 

Mae’r bagiau hefyd yn ysgafnach, ac nid oes fflap ar y bocs newydd, felly dylai hyn ei gwneud yn haws i griwiau godi a gwagio eu cynnwys ar ein cerbydau casglu. 

Bydd y bagiau a’r bocs yn rhatach i’w cyfnewid na’r cartgylchu, pan fyddan nhw’n mynd ar goll neu’n torri. 

Mae tua 2,000 o gartrefi yng Ngwynedd wedi eu dewis i fod yn rhan yn y treial.

Mae’r cyfeiriadau sydd wedi eu dewis mewn ardaloedd gwahanol er mwyn i gael dealltwriaeth dda a theg o sut byddai'r drefn newydd yn effeithio ar gartrefi mewn ardaloedd trefol, gwledig ac ati.

Os ydi eich cartref chi i wedi ei ddewis gymryd rhan yn y treial, byddwn yn danfon dau fag ailgylchu ac un bocs ailgylchu newydd, ynghyd â llythyr a thaflen.  

Bydd pob cartref sydd yn rhan o'r treial wedi derbyn y pecyn.

Mewn 2,000 o gyfeiriadau mae'r treial yn cael ei gynnal felly os nad ydych wedi derbyn pecyn nid yw eich cyfeiriad yn rhan o'r treial y tro yma. 

Os ydych yn teimlo eich bod angen mwy o fagiau er mwyn dal eich ailgylchu gallwch archebu mwy ar-lein:

Archebu offer ailgylchu newydd

(bydd angen i chi greu cyfrif os nad oes ganddoch chi un yn barod)

neu ffoniwch 01766 771000. 

Cofiwch arbed lle yn eich bagiau drwy wasgu eich eitemau metel, plastig a chartonau’n ofalus pan fo’n bosibl, a thorri cardfwrdd, i sicrhau eu bod yn ffitio.

Os ydi eich bagiau neu focsys ailgylchu yn cael ei difrodi neu yn mynd ar goll, gallwch archebu rhai newydd:

Archebu offer ailgylchu newydd

(bydd angen i chi greu cyfrif os nad oes ganddoch chi un yn barod)

neu ffoniwch 01766 771000.  

Er bod y bagiau newydd wedi’u pwyso ac yn annhebygol o chwythu i ffwrdd mewn gwyntoedd cryf, efallai y byddwch yn dewis eu gosod rhwng eich bin gwastraff bwyd brown a’ch bocs glas ar gyfer gwydr ar eich diwrnod casglu. 

Cofiwch hefyd gau’r fflapiau a'r velcro ar eich bagiau, a chau’r caead ar eich bocs, i atal eich ailgylchu rhag dianc.

Os ydi eich bagiau neu focsys ailgylchu yn cael ei difrodi neu yn mynd ar goll, gallwch archebu rhai newydd:

Archebu offer ailgylchu newydd

(bydd angen i chi greu cyfrif os nad oes ganddoch chi un yn barod)

neu ffoniwch 01766 771000.  

Os na chafodd eich bag/bocs ei wagio ar eich diwrnod casglu rhowch wybod i ni.

Mae’n bwysig eich bod yn rhoi’r eitemau cywir yn y cynwysyddion cywir, ac nad yw eich cynwysyddion ailgylchu’n cynnwys deunyddiau na ellir eu hailgylchu. Fodd bynnag, rydym yn cydnabod y gall unrhyw un wneud camgymeriad.

Os oes gennych unrhyw gwestiwn cofiwch gysylltu â ni:

Ymholiad ailgylchu

Neu ffoniwch 01766 771000

Os byddwch yn sylwi eich bod wedi rhoi rhywbeth yn y cynhwysydd anghywir ar ôl i ni gasglu eich ailgylchu, peidiwch â phoeni – ond ceisiwch ei wneud yn iawn y tro nesaf. 

Daliwch eich gafael ar eich cartgylchu tra bydd y treial yn cael ei gynnal, ond peidiwch â’i ddefnyddio. 

Ar ddiwedd y treial gallwch ddewis unai cario ymlaen i ddefnyddio'r bagiau ailgylchu neu fynd yn ôl i ddefnyddio'r cartgylchu presennol.

Daliwch eich gafael ar y ddau set o gynwysyddion nes byddwn wedi gwerthuso’r treial a chadarnhau pa gynwysyddion i’w defnyddio yn y dyfodol.

Rhowch gynnig ar raffl wobr a chyfle i ennill Cerdyn Rhodd gwerth £50 

Rhannwch eich barn am y treial drwy lenwi arolwg cyflym, ac fe wnawn eich cynnwys mewn raffl wobrau gyda chyfle i ennill Cerdyn Rhodd One4all gwerth £50.

Arolwg treial bagiau ailgylchu

Gweld telerau ac amodau

Bydd yr arolwg yn cau dydd Gwener 4 Gorffennaf 2025. 

Sylwer: mae gwerth y cerdyn rhodd ar gyfer y raffl wedi’i ariannu i Gyngor Gwynedd gan Lywodraeth Cymru; nid yw'n cael ei dalu amdano gan ddefnyddio arian Treth Cyngor preswylwyr.