Cofrestru adeilad ar gyfer priodas a phartneriaeth sifil

Rhaid i chi fod yn berchennog neu’n ymddiriedolwr ar y safle i wneud cais am ganiatâd i gynnal seremonïau sifil neu briodasau. Gall ffi fod yn daladwy.

Rhaid i’r cais fod yn ysgrifenedig a chynnwys:

• enw a chyfeiriad yr ymgeisydd
• unrhyw wybodaeth arall y mae ar yr awdurdod lleol ei hangen
• cynllun o’r adeilad sy’n nodi’n glir yr ystafell neu’r ystafelloedd lle bydd y gweithrediadau'n digwydd

Bydd archwiliad o'ch adeilad. Bydd eich cais a’ch cynllun ar gael i’r cyhoedd eu harchwilio a bydd hysbysiad cyhoeddus o’r cais yn cael ei roi mewn papur lleol fel rhan o broses ymgynghoriad cyhoeddus.

Iddo gael ei ganiatáu rhaid i’ch cais fod yn y fformat cywir a rhaid i’ch safle gael ei ystyried yn addas.

Gall amodau gael eu gosod ar eich cymeradwyaeth.

Gall y Cofrestrydd Cyffredinol roi arweiniad i awdurdodau lleol i’w cynorthwyo i wneud eu penderfyniad.

Na. Mae'n ofynnol i'r awdurdod brosesu eich cais cyn y gellir ei ganiatáu. Os na fyddwch wedi clywed gan yr awdurdod lleol o fewn amser rhesymol, cysylltwch â nhw.

Cysylltwch â'ch awdurdod lleol yn gyntaf.

Mae gennych hawl i ofyn am adolygiad o benderfyniad yr awdurdod lleol i wrthod eich cais.

Rhaid i chi fynd â’ch cais am adolygiad i’r swyddog cywir yn yr awdurdod lleol, gydag unrhyw ffi y gofynnir amdani.

Cysylltwch â'ch awdurdod lleol yn gyntaf.

Mae gennych hawl i ofyn am adolygiad o unrhyw amodau a osodir gan yr awdurdod lleol neu o benderfyniad i wrthod adnewyddu neu i dynnu cymeradwyaeth yn ôl.

Rhaid i chi fynd â’ch cais am adolygiad i’r swyddog cywir yn yr awdurdod lleol, gydag unrhyw ffi y gofynnir amdani.

Os ydych, fel defnyddiwr, am wneud cwyn, ein cyngor fyddai i chi gysylltu â'r masnachwr trwy lythyr (gyda phrawf danfon). Os na fydd hynny yn llwyddiannus, ac os ydych yn byw yn y DU, gall Cyngor ar Bopeth (yn agor mewn tab newydd) roi cyngor i chi. Y tu allan i'r DU, cysylltwch â Chanolfan Defnyddwyr Ewrop y DU (yn agor mewn tab newydd)(UK European Consumer Centre).

Os ydych yn gwrthwynebu cais i gymeradwyo eiddo gallwch hysbysu’r awdurdod lleol hyd at 21 diwrnod wedi i’r hysbysiad o’r cais ymddangos yn y papur lleol. Mae rhybuddion cyfredol i'w gweld isod.

Cyhoeddwyd 30 Mehefin, 2026

DEDDF PRIODASAU 1949 / DEDDF PARTNERIAETH SIFIL 2004

RHODDIR DRWY HYN RYBUDD fod Cyngor Gwynedd wedi derbyn cais gan Jonathan and Amy GARTON i drwyddedu The Keepers Lodge, Ynys, Boduan Gwynedd i bwrpas cynnal seremonïau priodas sifil a seremonïau partneriaeth sifil.

Gwahoddir unrhyw un sydd yn gwrthwynebu trwyddedu’r eiddo hyn i hysbysu’r Pennaeth Adran Cefnogaeth Gorfforaethol o hynny ac o’r rheswm drosto o fewn 21 diwrnod i ddyddiad yr hysbyseb hon.

Am gopi o’r cais neu am fwy o wybodaeth, dylid cysylltu a Manon GRIFFITHS yn y Gwasanaeth Cofrestru ar 01286 679566.

Cyhoeddwyd 2 Gorffennaf, 2026

DEDDF PRIODASAU 1949 / DEDDF PARTNERIAETH SIFIL 2004

RHODDIR DRWY HYN RYBUDD fod Cyngor Gwynedd wedi derbyn cais gan Nerys GRIMES i drwyddedu Woodlands Hall Hotel,Lon Pwll Clai, Edern, Pwllheli i bwrpas cynnal seremonïau priodas sifil a seremonïau partneriaeth sifil.

Gwahoddir unrhyw un sydd yn gwrthwynebu trwyddedu’r eiddo hyn i hysbysu’r Pennaeth Adran Cefnogaeth Gorfforaethol o hynny ac o’r rheswm drosto o fewn 21 diwrnod i ddyddiad yr hysbyseb hon.

Am gopi o’r cais neu am fwy o wybodaeth, dylid cysylltu a Manon GRIFFITHS yn y Gwasanaeth Cofrestru ar 01286 679566.