Chwiliadau pridiannau tir lleol

Nid ydym yn darparu gwasanaeth chwilio pridiannau tir lleol. Mae’r Gofrestr Pridiannau Tir Lleol bellach wedi mudo i gofrestr genedlaethol Cofrestrfa Tir EF. Mynd i’r gwasanaeth digidol newydd (GOV.UK) (yn agor mewn tab newydd)
Rydym yn parhau i dderbyn ceisiadau Con29.

Gallwn ddarparu gwybodaeth chwiliadau ar gyfer unrhyw un sy’n dymuno prynu eiddo neu dir o fewn Ardal yr Awdurdod Lleol.

Byddwch yn ymwybodol fod ein amser prosesu presennol ar gyfartaledd yn 30 diwrnod gwaith. Os oes gennych ymholiadau pellach, e-bostiwch pridiannautir@gwynedd.llyw.cymru

Mae’r chwiliad yn gyfres o gwestiynau safonol wedi eu dylunio i roi cymaint o wybodaeth â phosib i’r darpar brynwr am yr eiddo neu dir.
Fel arfer, twrnai neu drosglwyddwr trwyddedig sydd yn gofyn am chwiliad.

Mae 3 math gwahanol o chwiliad:

Ffurflen LLC1
Gwybodaeth a restrir ar y Gofrestr Pridiannau Tir Lleol a ddatgelir yn y ffurflen LLC1. Bydd yn nodi os oes ffioedd ariannol yn ddyledus, yn ogystal â manylion am unrhyw orchmynion torri coed, grantiau adnewyddu, cadwraeth ac adeiladau rhestredig ac ati.
Ffurflen Con29
Holiadur am y tir/eiddo wedi’i anfon i adrannau amrywiol o fewn Cyngor Gwynedd yw chwiliad Con29.

Mae Rhan 1 yn rhoi atebion i gyfres o gwestiynau safonol am y eiddo ac yn nodi manylion am unrhyw gynlluniau lleol ar gyfer yr ardal, rheoliadau adeiladu a phenderfyniadau cynllunio, cynlluniau traffig, cytundebau ffyrdd ac ati.

Mae Rhan 2 yn rhoi atebion i ymholiadau ychwanegol os gofynnir rhai, er enghraifft, tir comin, llwybrau cyhoeddus, hysbysiadau cwblhau ac ati.
Chwiliad personol

(NODWCH: nid yw apwyntiadau chwiliad personol ar gael ar hyn o bryd. Rydym yn ymddiheuro am unrhyw anghyfleustra.)

Gall unrhyw un gynnal chwiliad personol. Noder mai chwiliad o’r Gofrestr Pridiannau Tir Lleol yn unig yw hwn ac nid yw’n cynnwys y rhan fwyaf o’r wybodaeth sy’n cael ei amlinellu yn y CON29.

Os am wneud chwiliad personol, cysylltwch â ni i drefnu apwyntiad: (byddwch angen cyfeiriad llawn yr eiddo/ tir, enw’r chwiliwr personol a rhif ffôn cyswllt.)
(01286) 679 647.

Er gwybodaeth: Mae rhan o Barc Cenedlaethol Eryri yn syrthio o fewn ffiniau Gwynedd. Os yw eiddo/tir yn syrthio o fewn yr ardal honno, byddwn yn casglu’r wybodaeth cynllunio perthnasol gan Awdurdod y Parc Cenedlaethol ar eich rhan.

Rydym yn annog i chi gyflwyno eich cais arlein, ond gallwch gyflwyno cais drwy'r post ac e-bost.

Arlein:Defnyddiwch un o'r gwefannau allanol isod i gyflwyno eich cais a thalu arleinCyflwyno chwiliadau ar-lein i Gyngor Gwynedd drwy TMG Cyflwyno chwiliadau ar-lein i Gyngor Gwynedd drwy NLIS (yn agor mewn tab newydd)
E-bost:E-bostiwch eich ffurflenni a chynllun lleoliad at pridiannautir@gwynedd.llyw.cymru byddwn wedyn yn cysylltu â chi i drefnu taliad unai drwy drosglwyddiad banc neu gerdyn debyd/credyd dros y ffôn.
E-bostiwch eich ffurflenni a chynllun lleoliad (gyda ffiniau'r eiddo sydd i'w chwilio wedi ei amlinellu yn amlwg mewn coch) at pridiannautir@gwynedd.llyw.cymru. Byddwn wedyn yn cysylltu â chi i drefnu taliad.
Post:Swyddfa Caernarfon
Cyfeiriad: Pridiannau Tir Lleol, Cyngor Gwynedd, Swyddfeydd y Cyngor, Caernarfon, Gwynedd, LL55 1SH
DX: CYNGOR GWYNEDD DX713560 CAERNARFON 5
Ffôn: (01286) 679647
Wrth gyflwyno chwiliad, bydd angen cynnwys:
- Copïau gwreiddiol a dyblygiadau o ddogfennau chwiliadau LLC1 a Con29
- 2 gopi o’r Cynllun Arolwg Ordnans gyda’r holl eiddo i’w chwilio i’w amlinellu’n eglur mewn coch.
- Y ffi perthnasol (gweler isod).

Sieciau yn daladwy i Cyngor Gwynedd (siec twrnai nid siec y client)

Ffioedd Chwiliadau Tir Lleol 2025/26

LLC1
LLC1	Ffi	TAW	Cyfanswm
LLC1	£6.00	N/A	£6.00
Llain Ychwanegol o dir	£1.00	N/A	£1.00

Rhan 1	Ffi	TAW	Cyfanswm
Cwestiwn 1 - 3 Con29	£134.17	£26.83	£161.00
Llain Ychwanegol o dir	£20.00	£4.00	£24.00

Rhan 2	Ffi	TAW	Cyfanswm
Cwestiwn 4 - 21 Con290	£9.17	£1.83	£11.00
Cwestiwn 22 Tir Comin	£17.50	£3.50	£21.00
Cwestiynau Ychwanegol	£26.67	£5.33	£32.00

Chwiliadau pridiannau tir lleol

Mathau o chwiliadau

Sut mae cyflwyno chwiliad LLC1 a CON29?

Ffioedd

Chwilio draenio