Cynllun Sgorio Hylendid Bwyd

Os yw busnes yn ystyried fod y sgôr a roddwyd yn annheg mae angen iddynt gysylltu â’r swyddog a wnaeth yr archwiliad.

Os nad ydynt yn gallu datrys y mater gall fusnes apelio gan ddefnyddio’r ffurflen apêl

Ffurflen Apêl(yn agor mewn tab newydd) (yn agor mewn tab newydd)

Rhaid cyflwyno apêl cyn pen 21 diwrnod o ddyddiad derbyn yr adroddiad hylendid bwyd. Dylid anfon y ffurflen apêl wedi ei llenwi i Reolwr Gwarchod y Cyhoedd (Bwyd). Bydd yr apêl yn cael ei hystyried gan swyddog o’r awdurdod oedd ddim yn rhan o’r asesiad gwreiddiol i’r sgôr hylendid bwyd y gwneir yr apêl amdano. Rhaid i’r awdurdod lleol benderfynu ar yr apêl a rhoi gwybod i’r busnes beth oedd y canlyniad cyn pen 21 diwrnod o dderbyn yr apêl. Yn ystod cyfnod y broses apêl ni ddylid arddangos unrhyw sticer ac ni ddylid cyfeirio ato mewn unrhyw hysbysebu, cynnwys gwefan ac ati.

Mae gan fusnesau hefyd ‘Hawl i Ymateb’.

Mae’r hawl i ymateb yn caniatáu i weithredwyr busnesau bwyd gynnig ymateb i’r sgôr a roddwyd i’r busnes. Rhaid gwneud sylwadau yn ysgrifenedig i’r Cyngor gan ddefnyddio’r ffurflen Hawl i Ymateb.

• Ffurflen Hawl i ymateb(yn agor mewn tab newydd) (yn agor mewn tab newydd)

Gallwn ddarparu copïau papur o’r ffurflen hon os derbynnir cais amdanynt.

Dylid anfon y ffurflen wedi ei llenwi i Reolwr Gwarchod y Cyhoedd (Bwyd). Bydd copi yn cael ei anfon ymlaen i’r Asiantaeth Safonau Bwyd a all gyhoeddi’r sylwadau ar wefan yr Asiantaeth, ynghyd â’r sgôr.

• E-bost - bwyd@gwynedd.llyw.cymru
• Ffôn - 01766 771 000
• Cyfeiriad - Rheolwr Gwarchod y Cyhoedd (Bwyd), Swyddfa Ardal Meirionnydd, Cae penarlârg, Dolgellau, Gwynedd,LL40 2YB

Wedi i’r busnes ddelio gyda’r holl faterion diffyg cydymffurfiaeth a gofynion cyfreithiol a godwyd yn yr adroddiad archwilio, gallent ymgeisio am ymweliad ail sgorio. Gellir gwneud cais am archwiliad pellach ac asesiad o’r safonau hylendid bwyd yn y sefydliad ar unrhyw adeg i ddibenion ystyried newid y sgôr hylendid bwyd, yn amodol a chwrdd â’r amodau a ganlyn:

• bod unrhyw apêl yn erbyn y sgôr hylendid bwyd presennol wedi ei benderfynu;
• bod y gweithredwr wedi hysbysu’r awdurdod bwyd am y gwelliannau wnaed i safonau hylendid y sefydliad;
• bod yr awdurdod bwyd yn ei hystyried hi’n rhesymol i archwilio ac asesu’r sefydliad ymhellach oherwydd y gwelliannau y dywedwyd a wnaed;
• bod y sticer sgôr hylendid bwyd presennol yn cael ei arddangos yn y sefydliad yn unol â gofynion adran 7 o Ddeddf Sgôr Hylendid Bwyd (Cymru) 2013;
• fod y busnes yn cytuno i sicrhau fod awdurdod bwyd yn cael mynediad i gynnal archwiliad o’r sefydliad i ddibenion ail-sgorio.
• fod y busnes wedi talu costau rhesymol yr ail-sgorio, fel y penderfynwyd gan yr awdurdod bwyd yn unol ag adran 13 o Ddeddf Sgorio Hylendid Bwyd (Cymru) 2013.

Sut mae mynd ati i drefnu ail-ymweliad?

Bydd cost o £210 am ymweliad ail-sgorio a rhaid talu’r ffi wedi i'r cais gael ei dderbyn. Bydd y tâl yn cael ei gyfrif ar sail amcangyfrifiad o amser y swyddog yn cynnal yr ymweliad ail-sgorio; yn cynnwys amser paratoi, amser teithio, yr amser a dreulir yn ysgrifennu’r adroddiad ar ôl yr archwiliad a chostau teithio.

Rhaid gwneud cais am ymweliad ail-sgorio yn ysgrifenedig i’r Cyngor gan ddefnyddio’r ffurflen gais sydd ar waelod y dudalen. Gallwn ddarparu copïau papur o’r ffurflen hon os derbynnir cais amdanynt.

• E-bost – bwyd@gwynedd.llyw.cymru(yn agor mewn tab newydd) (yn agor mewn tab newydd)
• Ffôn – 01766 771 000
• Ffurflen Gais Ail-Sgorio(yn agor mewn tab newydd) (yn agor mewn tab newydd)

Pryd fydd ail-ymweliad yn digwydd?

Cynhelir yr ymweliad ail-sgorio cyn pen tri mis o dderbyn y cais gan y busnes. Ni fydd y busnes yn cael gwybod ymlaen llaw union ddyddiad ac amser yr ymweliad. Dalier sylw y bydd yr Awdurdod Bwyd efallai angen tystiolaeth gefnogol fod y diffygion cydymffurfio wedi eu cywiro, cyn cytuno i gynnal ymweliad ail-sgorio.

Mae angen i’r busnes barhau i arddangos eich sticer sgôr presennol hyd nes eu bod yn cael gwybod am ganlyniad yr ymweliad ail-sgorio fydd cyn pen 14 diwrnod o’r ail-archwiliad.