Gwasanaethau i Gefnogi Teululoedd
Gall rhai teuluoedd wynebu trafferthion ar adegau ac mae nifer o wasanaethau yn cefnogi teuluoedd drwy’r cyfnodau anodd yma.
Os ydych yn teimlo bod eich teulu angen help neu gefnogaeth, gallwch ofyn yn uniongyrchol am y gwasanaeth. Efallai eich bod yn cael trafferthion gyda pethau fel
- Anabledd o fewn y teulu
- Problemau a straen rhiantu
- Ymddygiad anodd yn y cartref
- Iechyd corfforol, emoisynol a lles
- Camddefnydd o alcohol a chyffuriau
- Beichiogrwydd yn yr arddegau
- Materion tai
- Ymddygiad gwrthgymdeithasol o fewn y teulu
- Problemau gyda pherthnasoedd
- Problemau yn yr ysgol
- Datblygiad iaith, lleferydd a sgiliau chwarae plant
- Trais yn y cartref
Os ydych yn meddwl eich bod angen help, cysylltwch â ni. Gallwn ddweud wrthych a ydych yn gymwys am wasanaeth a chefnogaeth.
Tîm o Amgylch y Teulu
I fod yn gymwys ar gyfer gwasanaeth Tîm o Amgylch y Teulu, bydd gennych nifer o bethau yn eich poeni ac eisiau cymorth i'w datrys wrth greu cynllun a thynnu asiantaethau at ei gilydd i'ch cefnogi.
Mwy o wybodaeth
Os ydych eisiau trafod gwasanaethau Tîm o Amgylch y Teulu, cysylltwch â'r Tîm Derbyn Cyfeiriadau Plant:
Ffôn: 01758 704 455
E-bost: cyfeiriadauplant@gwynedd.llyw.cymru
Gweld Datganiad Preifatrwydd y tîm
Dechrau’n Deg
Efallai eich bod yn byw mewn pentref sydd yn derbyn Gwasanaeth Cefnogi Teulu drwy raglen Dechrau’n Deg. Mae Dechrau’n Deg yn cynnig mwy o gymorth a chyfleoedd i deuluoedd sydd gyda phlant dan 4 oed sy’n byw mewn cymunedau penodol o Wynedd.
Mae Dechrau'n Deg yn cynnig cymorth i rieni wrth i'w plant dyfu a datblygu.
- Ymwelwyr Iechyd
Mae ein ymwelwyr iechyd yn gallu treulio mwy o amser efo teuluoedd unigol, eu cefnogi a bod o help i rieni wrth fagu plant. Mae'r tîm iechyd ehangach yn cynnig cyrsiau rhiantu, grwpiau gwahanol fel Tylino / Mwytho Babi a sesiynau hybu iechyd.
- Iaith Llefaredd a chyfathrebu
Mae ein tîm o swyddogion Datblygiad Cynnar a Chwarae yn cynnig sesiynau 1:1 yn y cartref neu yn un o leoliadau Dechrau'n Deg.
Bydd y swyddogion yn gweithio'n agos gydag aelodau eraill gan gynnig sesiynau grŵp i ddatblygu sgiliau datblygiad cynnar a chwarae.
- Cefnogaeth Rhiantu
Mae tîm o swyddogion arbenigol yn cynnig pecynnau cefnogaeth magu teulu, sesiynau 1:1 yn y cartref, arweiniad a help i ddatrys problemau fel sefyllfa'r cartref. Mae sesiynau'n grŵp ar gael i rieni, fel Y Blynyddoedd Rhyfeddol a Nurture Links.
- Gofal Plant:
Rydym yn cynnig hyd at 12.5 awr o ofal plant rhwng 2-3 am ddim yn ystod y tri thymor ysgol. Bydd plant yn gallu cychwyn y tymor yn dilyn eu pen-blwydd yn 2 oed.
- A mwy...
Mae Plas Pawb, Maesincla a Chaban Bach Barnados, Maenofferen a Chanolfan Tŷ Cegin, Maesgeirchen yn cynnal cyrsiau, gofal plant ac yn cynnig cyfle i chwarae a chymdeithasu.
Mae Dechrau'n Deg hefyd yn gweithio'n agos gyda phrosiectau fel Teuluoedd yn Gyntaf i gynnig cyfleoedd a phrofiadau i deuluoedd Gwynedd.
Os yw eich plentyn yn cael ei ben-blwydd yn 2 oed rhwng Ebrill 1 ac Awst 31, bydd yn gallu cychwyn Dechrau'n Deg ym mis Medi.
Os yw eich plentyn yn cael ei ben-blwydd yn 2 oed rhwng Medi 1 ac Rhagfyr 31, bydd yn gallu cychwyn Dechrau'n Deg ym mis Ionawr.
Os yw eich plentyn yn cael ei ben-blwydd yn 2 oed rhwng Ionawr 1 a Mawrth 31, bydd yn gallu cychwyn Dechrau'n Deg ar ôl y Pasg.
Dyma'r lleoliadau gofal plant sydd ar gael:
Gofal plant
| Bangor |
Cylch Meithrinfa
Caban Cegin
|
|
|
|
|
|---|
| Caernarfon |
Cylch Meithrin
Maesincla |
Cylch Seiont
a Peblig |
Meithrinfa
Plas
Pawb |
|
|
|---|
Blaenau
Ffestiniog |
Meithrinfa
Caban Bach |
|
|
|
|
|---|
| Bethesda |
Cylch Cefnfaes |
Meithrinfa
Ogwen |
|
|
|
|---|
| Dyffryn Nantlle |
Cylch Talysarn |
Cylch Carmel |
Cylch
Brynaerau |
Cylch Llanllyfni |
Cylch Penygroes |
|---|
| Dolgellau |
Cylch Meithrin Dolgellau |
|
|
|
|
|---|
Mae eich hawl i fanteision y Cynllun yn dibynnu ar eich cod post. Er mwyn gwirio ydych chi'n gymwys, cysylltwch â phrif swyddfa Dechrau'n Deg:
Ffôn: 01286 678824
E-bost: dechraundeg@gwynedd.llyw.cymru
Os nad ydych chi'n gymwys am y Cynllun hwn, mae posib y bydd gwasanaethau eraill ar gael i chi.
Mwy o wybodaeth
Eich Ymwelydd Iechyd yw eich prif gyswllt â Dechrau'n Deg.
Neu cysylltwch â'r Tîm Canolog ar:
01286 678 824 / DechraunDeg@Gwynedd.llyw.cymru.
Beth ydym ni'n gwneud â'ch a sut rydym yn defnyddio eich data?