Cynllun Cyngor Gwynedd 2018-23

Pwrpas y Cynllun yw gosod gweledigaeth a blaenoriaethau’r Cyngor ar gyfer y cyfnod rhwng Ebrill 2018 a diwedd Mawrth 2023. Mae’n dangos pam ein bod am ganolbwyntio ein hegni a’n hadnoddau mewn rhai meysydd, ond hefyd yn rhoi darlun o holl waith dydd i ddydd y Cyngor.

Bydd y Cynllun yn cefnogi gweledigaeth y Cyngor, sef:

Ein uchelgais yw gweld pob cymuned yng Ngwynedd yn ffynnu, a’n bod fel pobl yn...

Mwynhau bywyd hapus, iach a diogel
Derbyn addysg o’r radd flaenaf fydd yn caniatáu i ni wneud yr hyn y dymunwn ei wneud
Ennill cyflog digonol i ni fedru cynnal ein hunain a’n teuluoedd
Cael byw mewn cartrefi o ansawdd o fewn ein cymunedau
Cael byw mewn cymdeithas naturiol Gymraeg
Cael byw gydag urddas ac yn annibynnol gyhyd ag sy’n bosib
Cael manteisio ar harddwch naturiol y sir

Yn unol â gofynion Deddf Llesiant Cenedlaethau’r Dyfodol (Cymru) 2015 mae’r Cyngor wedi mabwysiadu’r rhain yn Amcanion Llesiant. Cyhoeddodd y Cyngor ei Ddatganiad Llesiant gydag adolygiad 2019/20 o Gynllun y Cyngor, ac mae i’w weld drwy ddilyn y ddolen isod:

Datganiad Llesiant Cyngor Gwynedd

Cafodd y Cynllun ei fabwysiadu’n wreiddiol gan y Cyngor yn ei gyfarfod ar 8 Mawrth 2018, ond mae hi’n ddogfen fyw sy’n datblygu dros amser. Rydym yn ei hadolygu’n flynyddol er mwyn gwneud yn siŵr ein bod yn parhau i wneud y pethau sy’n bwysig i bobl Gwynedd.

Rydym bellach wedi adolygu’r Cynllun er mwyn datgan beth fydd y Cyngor yn bwriadu ei gyflawni yn ystod 2020/21, sef y drydedd flwyddyn i mewn i’r cynllun pum mlynedd. Cafodd ‘Cynllun Cyngor Gwynedd 2018-2023: Adolygiad 2020/21’ ei fabwysiadu gan y Cyngor yn ei gyfarfod ar 5 Mawrth 2020.

Mae yna sawl elfen i’r Cynllun –

Cynllun Cryno sy’n amlinellu ein Blaenoriaethau Gwella a’n 7 Amcan Llesiant
Cynlluniau Adran sy’n disgrifio holl waith dydd i ddydd y Cyngor;

Mae’r elfennau unigol yma, â’r Cynllun cyfan i’w gweld isod.

Cynllun Cyngor Gwynedd 2018-2023: Adolygiad 2020/21: Y Cynllun yn ei gyfanrwydd, gan gynnwys manylder am ein Blaenoriaethau Gwella, ein gwaith dydd i ddydd a’n Datganiad Llesiant.

Cynllun Cryno Cyngor Gwynedd 2018-2023: Adolygiad 2020/21: Mae ‘Cynllun Cryno Cyngor Gwynedd 2018-2023’ yn gyflwyniad i ddogfen ehangach sef ‘Cynllun Cyngor Gwynedd 2018-2023: Adolygiad 2020/21’.

Cynlluniau Adran: Gwaith dydd i ddydd y Cyngor fesul Adran. Mae’r ddolen hon yn mynd a chi i dudalennau gwybodaeth am yr holl Adrannau – cliciwch ar enw’r Adran i weld y Cynllun a gwybodaeth bellach.

Cyhoeddiadau blaenorol:

Cynllun Cyngor Gwynedd 2018-2023 (19/20)

Cynllun Cyngor Gwynedd 2018-2023 (18/19)

Cynllun Strategol 2017/18

Cynllun Strategol 2016/17

Cynllun Strategol 2015/16

Cynllun Strategol 2014/15

Rhagor o wybodaeth

Gwasanaeth Cefnogi Busnes y Cyngor
Adran Cefnogaeth Gorfforaethol
Swyddfa’r Cyngor
Stryd y Jêl
Caernarfon
Gwynedd
LL55 1SH

E-bost: cynlluncyngor@gwynedd.llyw.cymru

Ffôn: 01766 771 000