Gwneud cais am Drwydded Gyrrwr Tacsi

Bydd unrhyw un sydd â:

• trwydded yrru llawn ers 12 mis gyda'ch cyfeiriad cyfredol wedi ei nodi
• sydd heb euogfarnau traffig o fewn y pum mlynedd diwethaf
• a pasport Prydeinig ac/neu ddogfennau hawl i weithio cywir
• yn pasio meini Prawf Ffitrwydd ar gyfer gyrwyr a gweithredwyr 
• gwiriad Lefel Uwch DBS (Gwasanaeth Datgelu a Gwahardd DBS)

Mae’r manylion llawn yn ein pecyn gwybodaeth 

Er mwyn gyrru tacsis hurio preifat yng Ngwynedd bydd angen i chi gael trwydded tacsi.

Mae'n rhaid i chi wneud apwyntiad yn un o'n sesiynau galw heibio gyda swyddog Trwyddedu a fydd yn cwblhau'r ffurflen gais gyda chi.

Dewch â'ch pasbort gwreiddiol a/ neu ddogfennau hawl i weithio gyda chi i'r sesiwn a

• ffurflen meddygol 1 flwyddyn (os ydych chi dros 65 neu os oes gennych      salwch cronig)
• ffurflen meddygol 3 mlynedd (os ydych o dan 65)

wedi ei gwblhau gan eich meddyg unwaith y byddwch wedi talu am asesiad meddygol.

Syrjeris Trwyddedu

• Siop Gwynedd Caernarfon
       9:30 - 12:00 pob dydd Mawrth a dydd Iau
• Siop Gwynedd Pwllheli
       10:00-13:00 pob dydd Mercher
• Siop Gwynedd Dolgellau
       10:00-13:00 pob dydd Llun a dydd Gwener

Dewiswch leoliad a chysylltwch â ni i gadw lle:

• Ebost- Trwyddedu@gwynedd.llyw.cymru
• Ffôn- 01766 771 000

Ar ôl i chi gysylltu gyda ni a derbyn dyddiad ar gyfer eich Apwyntiad Trwydded, bydd angen i chi fynychu eich apwyntiad yn eich Siop Gwynedd leol lle byddwch yn:

• gwneud cais am eich Tystysgrif Gwasanaeth Datgelu a Gwahardd (DBS)
• sefyll prawf gwybodaeth

Bydd angen i chi ddod â'ch Tystysgrif Meddygol (1 blwyddyn neu 3 blynedd) wedi ei chwblhau gyda chi (wedi ei chwblhau gan eich meddyg ar ôl cwblhau asesiad meddygol).

Bydd y Swyddog Trwyddedu yn eich helpu chi gydag unrhyw gwestiynau fydd gennych, ond, bydd rhaid i chi gwblhau'r dogfennau perthnasol eich hun.

Bydd angen i chi ddod â'ch pasbort gwreiddiol a/ neu eich dogfennau hawl i weithio.

Ni fydd y cais yn cael ei broses os na fyddwch yn dod â'r dogfennau y gofynnir amdanynt.

Mae'r prawf ysgrifennu 15 munud hwn wedi'i gynllunio i brofi eich:

• sgiliau rhifedd a gofal cwsmer
• gwybodaeth ddaearyddol/ gwybodaeth o'r ardal leol
• eich dealltwriaeth o reolau ac amodau Tacsi.

Mae'n rhaid i'r ymgeisydd gwblhau'r prawf heb unrhyw gymorth. Dim ond chi a'r Swyddog Trwyddedu fydd yn bresennol pan fyddwch chi'n cwblhau'r prawf.

Gwybodaeth a dealltwriaeth

Mae'r prawf yn brawf ysgrifenedig.

Bydd y prawf yn profi eich gwybodaeth a'ch dealltwriaeth o theori gyrru, Rheolau'r Ffordd Fawr, arferion gyrru da a materion yn ymwneud â'r diwydiant tacsi

Os ydych yn methu'r prawf, gallwch ofyn am ail-brawf am gost ychwanegol o £9.50.

Mae angen o leiaf o 24 awr rhwng methu'r 'Prawf Gwybodaeth Tacsi' gwreiddiol a sefyll yr 'ail-brawf'.

Unwaith y byddwch chi wedi cwblhau'r 'Prawf Gwybodaeth Tacsi' yn llwyddiannus bydd eich ffurflen gais lawn yn cael ei phrosesu. 

Os ydych yn llwyddo yn eich prawf gwybodaeth tacsi, bydd Swyddog Trwyddedu yn cysylltu â chi pan fydd eich trwydded yn barod i'w chasglu.

Nid ydym yn gallu ad-dalu arian os nad yw eich trwydded yn llwyddiannus.

• Deddf Traffig Ffyrdd 1972
• Deddf Traffig y Ffordd 1991
• Deddf Mewnfudo 2016
• Adran Trafnidiaeth - Trwyddedu Tacsi a Cherbydau Hurio Preifat
• Cymdeithas Tacsis Cenedlaethol
• Deddf diogelwch y ffordd 2006
• Deddf Llywodraeth lleol 1976