Neidio i'r cynnwys

Gofal plant 2 oed a ariennir gan Lywodraeth Cymru

Bydd gofal plant wedi ei ariannu ar gyfer plant 2 oed cymwys ar gael yng Ngwynedd o 2 Tachwedd 2026.

Bydd rhaid i rieni a gofalwyr lenwi ffurflen gais a darparu tystiolaeth eu bod yn byw yng Ngwynedd, ynghyd â thystiolaeth o ddyddiad geni’r plentyn.

Dim ond drwy ddarparwyr gofal plant sydd wedi cofrestru i ddarparu lleoedd gofal plant wedi eu hariannu ar gyfer plant 2 oed y gellir cael mynediad at y cyllid.

Beth fydd ar gael?

Mae gan blant yr hawl i 12.5 awr yr wythnos (sesiwn 2.5 awr y diwrnod, hyd at 5 diwrnod yr wythnos) yn ystod tymor ysgol, gyda 1 darparwr gofal plant.

Os ydych eisoes yn derbyn gofal plant Dechrau’n Deg, neu Gofal Plant 2 oed wedi ariannu, nid ydych yn gallu ymgeisio am oriau ychwanegol.

Pryd all plentyn dderbyn gofal plant 2 oed?

Gall plentyn dderbyn gofal plant 2 oed o’r tymor yn dilyn eu pen-blwydd yn 2 oed hyd at ddiwedd y tymor maent yn troi’n 3 oed

Dyddiad mae'r plentyn yn troi yn 2 oedDyddiad gall plentyn ddechrau dderbyn gofal plant 2 oedYr adeg y gallwch wneud y cais
1 Medi i 31 RhagfyrDechrau tymor y gwanwynRhwng mis Hydref a mis Rhagfyr
1 Ionawr i 31 MawrthDechrau tymor yr hafRhwng mis Chwefror a mis Mawrth
1 Ebrill i 31 AwstDechrau tymor yr hydrefRhwng mis Mai a mis Awst

Gweld dyddiadau tymor ysgol Gwynedd

Gwneud cais

Pwysig: Rhaid i chi wirio os yw’r darparwr gofal plant perthnasol wedi cofrestru i ddarparu lleoedd gofal plant wedi eu hariannu ar gyfer plant 2 oed, ac os oes lle ar gael, cyn i chi gyflwyno eich cais.

Ffurflen gais ar-lein: Cais Gofal Plant 2 oed

Noder:

  • Bydd gofyn i chi atodi dogfennau (llun / sgan) fel tystiolaeth o oed a chyfeiriad y plentyn. Bydd angen atodi: tystysgrif geni eich plentyn, a bil Treth Cyngor cyfredol, NEU fil cyfleustodau wedi ei ddyddio o fewn y 3 mis diwethaf. Ni fydd eich cais yn cael ei gysidro heb y dogfennau hyn.
  • Arhoswch am gadarnhad bod eich cais wedi gymeradwyo (o fewn 15 diwrnod gwaith fel arfer).
  • Yn dilyn derbyn e-bost gyda linc, mewn gofnodwch i’r sustem ar-lein i ddewis eich darparwr gofal plant.
  • Bydd Cyngor Gwynedd yn cadarnhau os oes lle i’ch plentyn gyda’r darparwr gofal plant o’ch dewis.

Mwy o wybodaeth / cysylltu â ni