Digwyddiadau Busnes

Fel rhan o'n hymgyrch Gwrando a Gweithredu, rydym yn darparu cyfres o weminarau am ddim mewn ymateb i Arolwg Cymorth Busnes 2024.

O hanfodion busnes ymarferol i glywed gan sefydliadau allweddol am y cymorth sydd ar gael i chi, mae'r sesiynau hyn wedi'u cynllunio i ddiwallu eich anghenion a helpu'ch busnes i ffynnu.

Archwiliwch y pynciau sy'n bwysig i chi ac archebwch eich lle gan ddefnyddio'r dolenni isod:

Oes gennych swyddi i lenwi?

Mae Gwaith Gwynedd yn cynnal cyfres o ffeiriau swyddi yng Ngwynedd sydd yn gyfle gwych i fusnesau lleol cyfarfod pobol sydd yn edrych am swyddi. Os ydych eisio’r cyfle i gael stondin am ddim er mwyn arddangos eich swyddi agored, cysylltwch â Gwaith Gwynedd drwy e-bostio: rebeccawilliams@gwynedd.llyw.cymru

• 08/10/2025 Canolfan Waith, Bangor 10:00 – 14:00
• 14/10/2025 Canolfan Waith, Porthmadog 10:00 – 12:30
• 20/10/2025 Gorsaf Rheilffordd, Caernarfon 10:00 – 13:00

Yn ystod ffair swyddi Porthmadog, bydd yna Gornel Cymorth Busnes, ble fydd Busnes@ Gwynedd a nifer o sefydliadau Cymorth Busnes ar gael i ddarparu cymorth a gwybodaeth i fusnesau.

Does ddim angen tocyn, dewch draw ar y diwrnod am sgwrs!

Mae Busnes@Gwynedd a menter cyflogaeth Gwaith Gwynedd yn cynnal sesiynau galw heibio ar draws Gwynedd. Mae'r digwyddiadau anffurfiol hyn yn agored i unrhyw fusnes neu unigolyn ac yn gyfle gwych i ddysgu sut y gall Cyngor Gwynedd gefnogi eich anghenion busnes a recriwtio.